Црна хроника
Претрес во Велес, пронајдена дрога
Вчера во 12.50 часот, полициски службеници од Отсекот за недозволена трговија со дрога и оружје при СВР Велес го лишиле од слобода К.Р.(54) од Велес.
При претрес во неговиот дом, извршен со наредба од Основен суд Велес, биле пронајдени и одземени кафеава прашкаста материја, пиротехнички средства и други предмети за кои постои сомнение дека потекнуваат од кривично дело. К.Р. бил приведен во полициска станица, известен бил јавен обвинител и по документирање на настанот, против него ќе биде поднесена соодветна пријава.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Кривична пријава против три лицa: продавале кокаин
Денеска од страна на Одделот за сузбивање на организиран и сериозен криминал – Сектор за криминалистички истраги – Единица за недозволена трговија со дрога до Основното јавно обвинителство за гонење на организиран криминал и корупција (ОЈО ГОКК), е поднесена кривична пријава против три лица: Б.С. (28) и М.С. (35), двајцата од Гостивар, како и против едно лице со засега неутврден идентитет, а поради постоење на основано сомнение дека сториле кривично дело – „Неовластено производство и пуштање во промет наркотични дроги, психотропни супстанции и прекурсори” по чл. 215 став 3 од Кривичниот законик.
Имено, пријавените во период од декември минатата година до ноември оваа година, се здружиле заради неовластена продажба и пуштање во промет на наркотична дрога кокаин и за таа цел купувале, држеле, пренесувале, продавале и посредувале во неовластена продажба на посочената наркотична дрога.
За време на спроведувањето на криминалистичкото истражување, обезбедени се голем број на материјални докази и утврдено е дека за време на наведениот период пријавените пуштиле во промет поголема количина од оваа наркотична дрога.
Соодветните организациони единици при МВР продолжуваат со преземањето на мерките и активностите во насока на утврдување на идентитетот на едното од пријавените лица.
Црна хроника
Пукање во гостиварско поради нерасчистен долг
Вчера во 13.45 часот, полициски службеници од ОВР Гостивар го лишиле од слобода А.С.(66) од с.Форино, гостиварско.
Тој се сомничи дека претходно во с.Форино, по кратка расправија поради нерасчистен долг, со пиштол пукал кон Ј.Л.(35) од с.Чегране, гостиварско, кој бил пренесен во Медицински центар во Гостивар за укажување помош.
Од него бил одземен пиштол „Бровинг“ 7,65 милиметри и рамка со четири куршуми. По документирање на случајот против него ќе биде изготвен соодветен поднесок.
Црна хроника
Косовец и Австриец фатени како криумчарат 18 лица од Сирија, заработија кривична
Поднесена е кривична пријава против 61-годишниот У.Х. од Косово и против 27-годишниот К.Н од Австрија поради криумчарење на 18 мигранти од Сирија.
Првиот настан се случил во близина на границата со Грција каде 61-годишниот Косовец бил запрен од страна на полицијата и во возилото што го управувал биле затекнати мигрантите.
„Имено пред 5 дена, на 13.11.2024 во с. Богородица, гевгелиско, полициски службеници извршиле контрола во патничко возило „фиат добло“, при што биле пронајдени 10 лица мигранти од Сирија“ велат од МВР.
Вториот случај е од македонско- српската граница во близина на село Табановце каде државјанинот на Австрија се обидел да и избега на полицијата.
„На 13.11.2024 во с.Табановце, кумановско, полициски службеници извршиле преглед на патничко возило „ауди“, управувано од пријавениот, при што биле пронајдени осум мигранти од Сирија. Притоа, тој се обидел да побегне, но бил фатен и приведен“, додаваат од МВР.