Случајот со исчезнувањето на 13-годишната Морган Ривоал ја потресе Франција. Девојчето исчезнало на 25 ноември, откако тргнала на училиште до кое никогаш не стигнала. Морган излегла од својата куќа минатиот понеделник во 7:15 часот и оттогаш се води како исчезната. И покрај бројните напори на полицијата, членовите на семејството, пријателите и доброволците, девојчето сè уште не е пронајдено.

Морган исчезна во областа Армор Коуст. Нејзиното исчезнување го пријавила нејзината мајка во полициската станица во Гингамп минатиот понеделник околу 11:40 часот, откако дознала дека нејзината ќерка не се појавила на училиште, според локални медиуми.

Наставниците и се јавиле на мајката околу 9:30 и и рекле дека Морган не се појавил на час. Инаку, училиштето е на околу пет километри од нејзината куќа.

Според написите, на мистериозното исчезнување на девојчето му претходела расправија со нејзините родители. Претходниот викенд, Морган се расправала со нејзиниот татко и мајка за користењето на социјалните мрежи.

По повишен тон, таткото и го одзел телефонот на Морган, ја извадил СИМ-картичката и наводно го скршил мобилниот телефон. Според сведочењето на пријател на исчезнатото девојче, Морган некако успеала на мрежите да објави објава дека во понеделник нема да дојде на училиште.

Во неделата Морган била дома со нејзините браќа и сестри, додека нејзиниот татко цел ден бил на работа. Следното утро, околу 7:15 часот, Морган ја напуштила куќата и се упатила кон автобуската станица за да оди на училиште.

„Родителите не виделе кога таа излегла од дома, но се јавила од врата, како и секогаш“, кажала обвинителката.

Кога неколку часа подоцна била пријавена за исчезната во полиција, сите првично поверувале дека тинејџерката побегнала затоа што била лута на родителите, иако тоа никогаш претходно не го направила. Меѓутоа, како што минувале часовите, а неа ја немало, сите почнале да се грижат.

Жандармеријата на 25 ноември во вечерните часови во 19:42 часот го објави првиот апел на социјалните мрежи со кој ја информира јавноста дека детето го нема.

„Во моментов ја бараме Морган Ривоал (13), која утрово излегла од дома, но не стигнала на училиште. Висока е 154 сантиметри, има нормална градба, долга брановидна кафена коса и зелено-сини очи, розов ранец со неа“, се наведува во соопштението.

Граѓаните загрижени се вклучија во опсежна потрага. Во петокот, на 29 ноември, повеќе од 800 луѓе ја бараа Морган. Полицијата изнајмила и чамци кои ги чешлале водните патишта во близина на нејзината куќа во градот Пабу.

Полицијата го пребарала теренот пеш, со велосипеди и со автомобил, а во потрагата бил вклучен и хеликоптер кој неколку пати го прелетал подрачјето. Сепак, тие не успеале да ја најдат.

Во исто време, сите членови на нејзиното семејство неуморно ја бараат. За време на викендот 50 жандарми континуирано го пребаруваа теренот, но се уште нема трага од Морган.

Аурора и Џоан Ривоал, родителите на исчезнатото девојче, на социјалните мрежи ги повикуваат граѓаните да им помогнат во потрагата по неа. Но, бидејќи се уште ја нема, од обвинителството најавија дека денеска ќе и се обратат на јавноста, пренесуваат медиумите во регионот.

Поради големото количество обилен снег, во подножјето на Торник на Златибор паднаа два далновода и неколку дрвени столба, па селата Стубло и Јабланица се без струја 30-ина часа, пренесуваат медиумите во регионот.

Според „Нова.рс“, екипите задолжени за санирање на дефектот денеска излегле на терен. Врз основа на процената на моментната состојба, имајќи ги предвид количината снег и паднатите дрвја што ја предизвикаа несреќата, струја и во текот на овој ден нема да добијат две златиборски села.

Големото количество снег натежнал над боровите стебла, кои од тежината се откорнале, па десетици од нив паднале на струјните кабли. Во овој дел на Златибор моментно има густа магла, а снегот е висок 60-ина сантиметри, јавуваат тамошните медиуми.

Во главниот грузиски град Тбилиси веќе четири ноќи по ред се водат жестоки судири меѓу полицијата и проевропските демонстранти кои не се задоволни од одлуката да се одложи дебатата за пристапување на земјата во Европската унија.

The Moscow puppet government in Georgia decided to attack pro-democracy protestors with water cannons, pepper spray, tear gas, and rubber bullets, the protestors responded with the equivalent of a fireworks mini gun. #georgiaprotests pic.twitter.com/oAJN5FOVtt

— Anonymous (@YourAnonCentral) November 30, 2024

Демонстрантите фрлаат молотови коктели и огномет врз полицајците. Исто така, тие поставија барикади на улиците, а потоа ги запалија. Полицијата реагираше со солзавец и водени топови.

Протести се одржуваат и во други градови низ Грузија. Судирите – и продлабочената политичка криза меѓу националистичката конзервативна влада и проевропската опозиција – се закануваат да ја поделат земјата. Европската унија би можела да воведе санкции поради последните настани во Грузија, изјави вчера новата висока претставничка на ЕУ за надворешна политика, Каја Калас.

„Јасно е дека употребата на насилство врз мирните демонстранти не е прифатливо и (грузиската) влада треба да ја почитува волјата на грузискиот народ, но и грузискиот устав“, рече Калас за време на посетата на Киев.