Јапонската премиерка Санае Такаичи и американскиот претседател Доналд Трамп влегоа во завршна фаза од изготвувањето на договор за обезбедување на ретки земни метали и други клучни минерали и зајакнување на синџирите на снабдување, објави денес весникот „Асахи“.

Договорот, кој двајцата лидери планираат да го потпишат на состанок подоцна денес, има за цел да ги реши загриженостите за економската безбедност откако Кина ги заостри контролите за извоз на ретки земни метали во октомври, кои се неопходни за производство на производи, од паметни телефони до борбени авиони, објави весникот, повикувајќи се на јапонски владини претставници.

Белата куќа првично планираше да воведе дополнителна царина од 100 проценти на кинескиот извоз како одговор на доминацијата на Кина во глобалното производство. Но, Вашингтон и Пекинг подготвија рамковен договор завчера што би можел да го запре зголемувањето на американските царини и кинеските ограничувања за извоз на критични минерали.

Трамп веќе обезбеди ветување од Токио за инвестиции од 550 милијарди долари во замена за намалување на високите царини за увоз. Новоизбраната јапонска премиерка Санае Такаичи се надева дека денес дополнително ќе го импресионира Трамп со ветувања за купување американски камиони, соја и гас и објавување договор за бродоградба, изјавија извори запознаени со плановите за Ројтерс.

Јапонската лидерка, исто така, планира да го номинира Трамп за Нобелова награда за мир и презема чекори за формално да го извести за својата намера, објави телевизијата НТВ, повикувајќи се на неколку владини извори.

Тој треба да се сретне со кинескиот претседател Кси Џинпинг задутре пред самитот на Азиско-пацифичката економска соработка (АПЕК) во Јужна Кореја за да ги потврди условите на договорот.

фото: принтскрин

Две лица загинаа, а едно беше повредено денес во експлозија во од неодамна повторно отворен рудник во австралиската држава Нов Јужен Велс.

Премиерот на Нов Јужен Велс го нарече инцидентот „отрезнувачки потсетник“ за опасностите од индустријата.

Службите за итни случаи беа повикани во рударскиот град Кобар, околу 700 километри северозападно од Сиднеј, по пријавите за несреќа на работното место во која луѓе беа сериозно повредени, соопшти полицијата.

A man in his 60s and a woman in her 20s have been killed in an underground mine explosion in remote New South Wales.

It happened 700 kilometres west of Sydney at the Endeavour Mine, just outside Cobar. pic.twitter.com/V9tQssgSyp

— 10 News Sydney (@10NewsSyd) October 28, 2025

Полицијата извести дека загинатите веројатно се жена на околу 20 години и маж на околу 60 години, додека друга жена на околу 20 години е однесена со хеликоптер во болница поради полесни повреди и шок. Жртвите сè уште не се официјално идентификувани.

Австралиските медиуми објавија дека несреќата се случила во рудникот за сребро, цинк и олово „Ендевор“, во сопственост на „Полиметалс Рисорсис Лтд.“

Извршниот директор на „Полиметалс“, Дејв Спраул, изјави дека е „шокиран и тажен поради овој трагичен настан“.

„Активиран е тим за итна интервенција и соработуваме со сите надлежни органи. Рударските операции се привремено прекинати“, рече Спраул во соопштение за медиумите.

фото: принтскрин

22-годишниот маж обвинет за убиство на истакнатиот конзервативен активист Чарли Кирк може да се појави на суд во „цивилна облека“, но мора да биде физички врзан од безбедносни причини, пресуди судија.

Адвокатите на Тајлер Робинсон тврдеа дека сликите од него врзан и во затворска облека би можеле да им наштетат на поротниците. Судијата Тони Граф се согласи да направи некои отстапки за да се обезбеди презумпцијата на невиност, признавајќи дека случајот привлече „вонредно“ внимание од јавноста и медиумите.

„Г-дин Робинсон ќе биде облечен како некој за кој се претпоставува дека е невин“, рече Граф за време на виртуелно судско рочиште. Робинсон беше обвинет за тешко убиство на кампусот на Универзитетот Јута Вали на 10 септември. Обвинителите планираат да бараат смртна казна.

Иако Робинсон нема претходно криминално досие, Граф истакна дека обвиненијата со кои се соочува се исклучително сериозни и претставуваат безбедносни проблеми во судницата. Тој додаде дека главен приоритет на судот е да ги заштити адвокатите, судскиот персонал и самиот Робинсон за време на она што може да биде емотивно рочиште, па затоа Робинсон ќе биде врзан.

Робинсон го испукал фаталниот истрел од покривот со поглед на преполниот кампус на универзитетот. Тој беше уапсен следната ноќ кога тој и неговите родители се предадоа во канцеларијата на шерифот во неговиот роден град, на повеќе од три часа возење од местото на пукањето.

фото: принтскрин