Спорт
Стојановски и Панчевски од ШК „Алкалоид“ беа најуспешните македонски играчи на европските шампионати во забрзан и во брзопотезен шах
Европскиот шампионат во забрзан (рапид) шах се одигра на 7 и 8 декември со учество на околу 390 шахисти во 11 кола, а во секоја партија играчите имаа на располагање по 15 минути и бонификација од дополнителни 10 секунди за одигран потег. Велемајсторот Владимир Федосеев, играч со руско потекло кој настапува под знамето на Словенија, стана нов европски првак во забрзан шах освојувајќи 9,5 поени. Велемајсторите Антон Коробов од Украина и Бадур Јобава од Грузија со по 9 поени се најдоа веднаш зад него. Од 4. до 11. место беа група играчи со по 8,5 бода, а од 12. до 25. место група играчи со по 8 бода. Меѓу славните велемајсторски имиња на 18. место се пласира шахистот на ШК Алкалоид, интермајсторот Дејан Стојановски.
За мене ова е голем резултат, планина! За споредба, кога би бил овој резултат одигран на стандардно темпо на игра, би значел велемајсторска норма. Осумте бода од можни 11, без пораз, и пласманот во топ 20 на европско ниво доволно кажуваат, но за да го остварам тоа, навистина се внесов. Во овие два дена загубив три килограми од телесната тежина! Беше борбено, имаше неколку инфаркт-партии, а особено би ја издвоил онаа од 9. коло против романскиот шахист Филип Маголд, кога сѐ висеше, но се снајдов феноменално и победив. Ремизирав со играчот кој стана европски првак, Владимир Федосеев, како и со Јорден ван Форест, кој следниот ден стана шампион во блиц. Горд сум што рамноправно се носев во дуелите во кои квалитетот на партиите беше на екстремно високо ниво. Сето ова не би било можно без поддршката на мојот клуб Алкалоид, како и на компанијата што стои зад нас, вели ИМ Дејан Стојановски.
На Рапид-турнирот имаше околу 80 учесници од Македонија, при што втор најуспешен македонски играч беше ИМ Филип Панчевски на 57. Место, освојувајќи 7 поени во 11 партии. Со идентичен скор беше и ВМ Драгољуб Јаќимовиќ, кој со постигнатиот резултат беше трет најуспешен меѓу играчите во категоријата играчи на возраст над 60 години, а воедно беше и најуспешен македонски шахист во оваа категорија. Исто така, Никола Радоњанин, кој е дел од младинската школа на ШК Алкалоид, со 5,5 бода беше најуспешен меѓу македонските претставници до 14 години.
На Европскиот шампионат во брзопотезен (блиц) шах играчите имаа по 3 минути време за игра и дополнителни две секунди бонификација за одигран потег. Овој турнир се одигра на 9 декември, а настапија околу 360 играчи.
Интернационалниот мајстор Филип Панчевски имаше уште едно одлично издание и беше најдобар играч меѓу македонските претставници освојувајќи 9 бода од можни 13, при што се најде во групата играчи од 20. до 32. место, а според тајм-брејк параметрите го освои 26. место, односно дваесет позиции повисоко од листата според стартниот рејтинг.
По долго време повторно играв на Европското првенство во рапид и во блиц шах, што, секако, беше големо искуство да се одмерат силите со најсилните европски шахисти. Турнирот во забрзан шах беше прв и таму играв тешко, но како поминуваа партиите влегов во игра и играв сѐ подобро и подобро. Европското првенство е силен турнир, за кој треба многу енергија. Блиц-турнирот го завршив со победа во последното коло, што секогаш ми носи големо задоволство. Иако посакував уште половина поен повеќе, задоволен сум од постигнатиот резултат, констатираше ИМ Филип Панчевски.
За одбележување е и тоа дека и на овој турнир повторно најдобар македонски играч до 14 години беше Никола Радоњанин.
ПР текст
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
(Видео) Илја Малинин скршен по неуспехот во големото финале
Еден од најголемите таленти во историјата на уметничкото лизгање, Американецот, Иља Малинин, се соочи со емотивен пад по неочекуваниот финиш на Зимските олимписки игри во Милано.
Малинин, кој пред натпреварувањето во поединечна конкуренција важеше за фаворит за златото, го заврши натпреварувањето на осмото место по низа грешки во слободната програма, резултат што ја шокираше спортската јавност ширум светот.
Кога слезе од мразот, Малинин беше видливо шокиран.
„Сè ми недостигаше. Тоа е искрено првата мисла што ми падна на памет. Нема шанси ова едноставно да се случи“, рече Малинин.
Тој истакна дека се чувствувал подготвен пред настапот, но дека притисокот од олимписката атмосфера го скршил.
„Мислев дека сум подготвен, навистина се чувствував така кога излегов на мразот. Можеби бев премногу уверен дека сè ќе помине добро“, призна младиот лизгач.
"You deserve it."🫂⛸️
-🇺🇸Ilia Malinin & 🇰🇿Mikhail Shaidorov shared a moment after the 21-year-old claimed #FigureSkating men's gold🏅
💬Shaidorov:
"I was rooting for Ilia, but the ice is slippery. I told him it's unbelievable to share the same ice with him."#MilanoCortina2026 pic.twitter.com/384ynZbtru— CGTN Sports Scene (@CGTNSportsScene) February 14, 2026
Пред настапот, Малинин имаше поголема предност по кратката програма и беше фаворит да стане олимписки шампион во Милано и Кортина.
Тој објасни и која беше причината за неочекуваниот резултат.
„Чувството на олимписката атмосфера е лудо. Не е исто како на кое било друго натпреварување“, рече тој низ емоции.
Малинин направи некарактеристични грешки и падна двапати. Тој направи и грешка со својата препознатлива четирикратна оска, комбинација што се претвори во поедноставен скок, што го чинеше клучни поени.
Иако остана без медал во поединечна конкуренција, Малинин веќе освои златен медал во тимска конкуренција претходно на Игрите.
Спорт
Модриќ е третиот најстар стрелец во историјата на Серија А
Лука Модриќ повторно беше херој на Милан. Хрватот им донесе победа на „росонерите“ со гол во 85-та минута на гостувањето кај Пиза во 25-то коло од италијанската Серија А.
Натпреварот заврши со резултат 2:1 за Милан, а голот на Модриќ обезбеди три важни бода за неговиот тим.
Модриќ го постигна овој гол на 40 години, пет месеци и четири дена, што го прави трет најстар стрелец во историјата на Серија А.
Со овој гол, Модриќ ги престигна Пјетро Виерховод, Фабио Кваљарела и Силвио Пиола.
Единствените двајца постари стрелци од Модриќ се исто така поранешни играчи на Милан, Златан Ибрахимовиќ и Алесандро Костакурта. Ибрахимовиќ го постигна својот последен гол во Серија А кога имаше 41 година, пет месеци и 15 дена, а Костакурта кога имаше 41 година и 25 дена.
Спорт
Дембеле ги критикуваше соиграчите по поразот во Рен
Ленс има шанса да се искачи на врвот на табелата во француското првенство откако Пари Сен Жермен беше поразен од Рен (3:1). „Златната топка“, Усман Дембеле не го криеше разочрарувањето по поразот во Рен.
Францускиот напаѓач остро го критикуваше настапот на својот тим и рече дека фудбалерите мора да разберат дека клубот е пред сите.
Поразот во Рен е шести за ПСЖ, оваа сезона, во 35 натпревари во сите натпреварувања. Ова е најголем број порази во истата фаза од сезоната од 2020/21.
Дембеле, стрелецот на единствениот гол за ПСЖ, верува дека неговите соиграчи мора да покажат поголема борба ако сакаат да го повторат успехот од минатата сезона.
„Влеговме во натпреварот многу лошо“, изјави тој за Лига 1+. „Рен играше многу добро, но мислам дека мора да покажеме поголема желба.“
„Пред сè, мора да играме за ПСЖ за да победиме. Ако играме како поединци на теренот, тоа нема да функционира и нема да ги освоиме титулите што ги сакаме. Минатата сезона го ставивме клубот пред сè, пред да мислиме на себе. Мора повторно да го пронајдеме тоа, особено во вакви натпревари“, истакна Дембеле и заклучи.
„Знаеме дека сме во вториот дел од сезоната. Пари Сен Жермен мора да биде на прво место, а не играчите како поединци.“
Рен го победи ПСЖ во Лига 1 по осми пат откако Катарците станаа газди на клубот. Во 29 одиграни натпревари, ниту еден тим не ги победил Парижаните почесто во тој период.
Foto/ depositphotos
Осомничениот за убиството за жената од Челопек е поврзан и со други кривични дела
Јавен обвинител од Основното јавно обвинителство Куманово изврши увид на лице место во селото Челопек, каде беше пронајдено безживотно тело...
Убиство во Челопек, 78-годишна жена задушена со перница
Полицијата уапси дваесет и петгодишен жител на село Малотино од општина Старо Нагоричане, осомничен за убиство на седумдесет и осумгодишна...
Љубов или вино: што навистина славиме на 14 февруари?
Секој 14 февруари, истата ситуација – некои го препознаваат само Свети Трифун, додека други го сметаат Свети Валентин, или Денот...
Цвета Ристовска поднесе оставка од Антикорупциската комисија: „Никогаш немав намера да прикријам информација“
Членката на Државната комисија за спречување на корупцијата (ДКСК), Цвета Ристовска, поднесе неотповиклива оставка од функцијата, која ја доставила до...
Суспендирана полицајка од Кочани: се сомничи дека насилно внела колешка во возило и не ѝ дозволила да излезе
МВР поднесе кривична пријава против припадничка на полицијата од Кочани, поради сомнение за кривично дело „противправно лишување од слобода“, предвидено...
Манасиевски: Обвинителката Кадриу сведочи дека Филипче немал ниту елаборат за струја за модуларната болница во Тетово
Членот на Централниот комитет на ВМРО-ДПМНЕ, Валентин Манасиевски, на денешната прес-конференција изјави дека, според сведоштвото на поранешната обвинителка Лејла Кадриу,...
Мицкоски во Германија: Разговараме и привлекуваме реномирани светски компании кои веруваат во потенцијалот на нашата држава
Денеска во Минхен остварив работна средба со менаџментот на германскиот гигант Schwarz Group, под чија капа работат светски познатите брендови...
(Фото) Инспекциска акција во Центар, нема да толерираме диви депонии и небезбедни напуштени објекти, порача Герасимовски
Инспекциските служби на општина Центар започнаа со расчистување на два напуштени објекти на улиците „Тетовска“ бр. 20 во Ново Маало...
По информациите за енормно загадување на водата за пиење во Струга, обвинителството оформи предмет
Во врска со информациите за енормно загадување на водата за пиење и за основни животни потреби на подрачјето на градот...
(Видео) Страшна сообраќајна несреќа во Сараево: 23-годишник загина кога го удри трамвај на станица
Окружното обвинителство на Сараево денес ја продолжи истрагата за околностите околу тешката сообраќајна несреќа што се случи претходниот ден кога...
„Филипче ја составил документацијата за модуларната болница во Тетово без елаборат за електрична енергија, кој ќе сноси одговорност за техничките пропусти поради кои загинаа 14 луѓе“, прашува ВМРО-ДПМНЕ
„Поранешниот министер за здравство Венко Филипче, бил директно инволвиран во процесот на изработка на техничката документација за модуларната болница во...
Поголем пристап до американскиот пазар, Македонија и САД усогласија рамка за договор за реципрочна, фер и балансирана трговија, соопшти МНР
Република Северна Македонија и Соединетите Американски Држави усогласија Заедничка изјава и Рамка за договор за реципрочна, фер и балансирана трговија,...
Шефот на Пентагон им порача на членките на НАТО да ги зајакнат своите борбени капацитети
Високиот функционер на Пентагон, Елбриџ Колби, им порача на европските министри за одбрана во Брисел дека мора да ги зајакнат...
Рубио во пресрет на Минхенската конференција: Стариот свет повеќе не постои, време е да се стави крај на војната во Украина
Државниот секретар на САД, Марко Рубио, изјави дека Соединетите Американски Држави интензивно работат на завршување на конфликтот во Украина, нагласувајќи...
Откриена масовна измама со билети за Лувр: Запленети 130.000 евра
Париската полиција уапси десет лица осомничени за организирање масовна измама со билети во музејот Лувр. Меѓу уапсените наводно има вработени...
Трамп сè уште одбива да се извини за видеото на кое Обама и неговата сопруга се прикажани како мајмуни
Доналд Трамп продолжи да ги игнорира широко распространетите критики за расистичкото видео објавено на неговиот профил на социјалните мрежи минатата...
Нови е-пораки откриваат: Епстин нарачал скриени камери за куќата во Флорида
Објавена е преписка од е-мејл од 2014 година на која се гледа како осудениот сексуален престапник Џефри Епстин бара од...
Зеленски: За Трамп, прекинот на огнот во Украина е само политичка победа и прашање на наследство
Украинскиот претседател Володимир Зеленски во интервју за „The Atlantic“ изјави дека претпочита да не склучува никаков мировен договор со Русија...
„Не сум магионичар“: Кос за идејата сите земји од Западен Балкан да влезат во ЕУ одеднаш
„Живееме во геополитички чувствително време. Може да има мир во Украина и тоа ќе донесе нова реалност во Европа“, изјави...
Касами: Собранието го разреши раководството на партијата, важен чекор кон спојување на ВЛЕН во еден субјект
Централното собрание на Движењето Беса со мнозинство гласови ја одобри одлуката за распуштање на Централното претседателство на Движењето Беса, во...
