Свет
Гренланд не е на продажба: порака од премиерот до Трамп

Гренланд не е на продажба, изјави денеска премиерот Муте Егеде, реагирајќи на најавата на новоизбраниот американски претседател Доналд Трамп дека САД ќе ја преземат „сопственоста и контролата“ на овој арктички остров.
„Гренланд е наш. Ние не сме на продажба и никогаш нема да бидеме на продажба. Не смееме да ја изгубиме нашата долга борба за слобода“, рече Егеде, пренесе Ројтерс.
Во неделата Трамп објави дека го избрал Кен Хаури, поранешниот американски амбасадор во Шведска, за нов американски амбасадор во Данска. Трамп на својата платформа Tryth Social напиша дека е апсолутно неопходно САД да ја преземат сопственоста и контролата врз Гренланд за, како што наведе, националната безбедност и слободата ширум светот.
Американскиот конгресмен од Грузија, Мајк Колинс, сојузник на Трамп, во ноември предложи, САД повторно да се обидат да го купат Гренланд, кој и припаѓа на Данска, пренесува Танјуг.
Во 2019 година, Трамп изрази интерес за купување на Гренланд, нарекувајќи го „голем договор за недвижнини“.
„Волстрит журнал“ тогаш објави дека Трамп всушност ги сака богатите природни ресурси на данскиот остров, но данскиот премиер Мете Фредериксен ја нарече идејата „апсурдна“, посочувајќи дека Гренланд „не е на продажба“ содржи огромни наоѓалишта на ретки елементи кои се користат во производството на електрични возила и турбини на ветер. Островот е автономен од 1979 година, а Данска ја задржува контролата над надворешните работи, одбраната и монетарната политика. Од 2010 година, автономијата на Гренланд се прошири на подземните ресурси, вклучувајќи ги и активностите за истражување и експлоатација на минерали.
САД се обидоа да го купат Гренланд од Данска неколку пати, вклучително и во 1867 година, кога државниот секретар Вилијам Х. Севард преговараше за купување на Алјаска од Русија. Вториот обид да се купи се случил во 1910 година, а во 1946 година американската влада и понудила на Данска понуда од 100 милиони долари, која ја одбила.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Пакистан ги затвори сите гранични премини со Иран

Пакистан ги затвори сите гранични премини со соседен Иран на неодредено време, потврдија покраинските власти, а Израел и Иран разменуваат интензивен оган и се закануваат со понатамошни напади.
„Граничните премини во сите пет области се затворени“, изјави Кадир Бакш Пиркани, висок функционер во покраината Белуџистан, која граничи со Иран, за АФП.
Од Техеран за време на викендот беше испратена порака дека Пакистан ќе го нападне Израел со нуклеарно оружје во случај на израелски нуклеарен напад врз Иран.
Зборувајќи на државната телевизија, генералот Мохсен Резаи, висок ирански воен командант и член на Советот за национална безбедност, рече дека Пакистан се согласил да го поддржи Иран и да почне нуклеарен напад во случај на израелски нуклеарен напад.
„Пакистан ни кажа дека ако Израел употреби нуклеарна бомба врз Иран, тогаш и Пакистан ќе го нападне Израел со нуклеарна бомба“, рече Резаи.
Сепак, Пакистан го негира тврдењето. Пакистанскиот министер за одбрана, Хаваџа Мухамед Асиф, рече дека Пакистан не презел таква обврска.
„Нашите нуклеарни капацитети служат за доброто на нашиот народ и за одбраната на нашата земја од непријателските планови на нашите непријатели. Ние не водиме хегемонистичка политика против нашите соседи како што Израел прави обилно овие денови“, рече Асиф.
Европа
(Видео) Блиска сојузничка на Орбан ги плаши Унгарците со влезот на Украина во ЕУ: објави снимка од маж врзан во багажник

Унгарската опозиција го осуди видеото објавено од Александра Сенткираљи, блиска сојузничка на премиерот Виктор Орбан.
Сенткираљи објави видео на „Фејсбук“ на кое се гледа маж врзан во багажникот на автомобил, додека Сенткираљи зборува за наводното зголемување на заканите поврзани со трговија со луѓе, шверц со дрога и трговија со органи доколку Украина се приклучи на Европската Унија.
Подоцна се дозна дека човекот на видеото е вработен во канцеларијата на унгарскиот премиер.
Until yesterday, Fidesz Party had only one well-known female politician. But no longer.
Alexandra Szentkirályi was someone you could either like or dislike. You could agree with her or criticize her.
One thing is certain: as of today, Alexandra Szentkirályi has no place in… pic.twitter.com/MeA99i3QyD— Magyar Péter (Ne féljetek) (@magyarpeter102) June 14, 2025
Ференц Геленчер, пратеник од опозицијата од партијата Моментум, изрази негодување поради видеото и најави дека ќе поднесе полициска пријава против Сенткираљи. Тој тврди дека лагите што би можеле да го загрозат јавниот ред, да шират опасни шпекулации или да сугерираат закани за јавната безбедност се кривични дела.
„Како некој може да биде толку глупав за вака да напаѓа земја во која живеат и Унгарци?“, рече Геленчер повикувајќи ја Сенткираљи да го избрише видеото.
Сенткираљи му беше портпаролка на Орбан од 2020 до 2024 година. Минатата година таа објави дека ќе се кандидира за градоначалник на Будимпешта како претставник на владејачката партија, но подоцна ја повлече својата кандидатура во корист на друг технички кандидат поддржан од Орбан.
Орбан неодамна повтори дека Украина не треба да биде примена во Европската Унија тврдејќи дека земјата е домаќин на измамници што ги лажат Унгарците и заработуваат пари наводно дејствувајќи од украинска територија. „Украина е опасна земја“, нагласи Орбан.
Свет
Русија: Подготвени сме да посредуваме меѓу Израел и Иран

Русија сè уште е подготвена да дејствува како посредник во конфликтот меѓу Израел и Иран, а претходните предлози на Москва за складирање ирански ураниум во Русија остануваат на маса, објави денес Кремљ.
„Претходните предлози на Русија за решение на конфликтот се сè уште на маса, но меѓусебните напади меѓу двете земји ја комплицираа ситуацијата“, изјави портпаролот на Кремљ, Дмитриј Песков.
Пред повеќе од три години Русија почна целосна инвазија на Украина и ги отфрла сите предлози за прекин на огнот, и украински и американски.
Претседателот на САД, Доналд Трамп, вчера во интервју за „Еј-би-си њуз“ изјави дека е отворен за можноста рускиот претседател Владимир Путин да ја преземе улогата на посредник меѓу Израел и Иран.
Францускиот претседател Емануел Макрон јасно ја отфрли таквата идеја.
„Не верувам дека Русија, која моментно е вклучена во конфликт со висок интензитет и со години ја игнорира Повелбата на ОН, може да биде посредник“, рече Макрон.
Кина исто така упати повик за дипломатија. Таа ги повика Израел и Иран да преземат итни мерки за смирување на тензиите по израелските напади на иранска територија и одговорот на Техеран со лансирањето ракети во израелски области.
„Ги повикуваме сите страни да преземат итни мерки за смирување на тензиите што е можно побргу, да спречат понатамошна нестабилност во регионот и да создадат услови за враќање на дијалогот и преговорите за решавање на разликите“, изјави портпаролот на кинеското Министерство за надворешни работи, Гуо Џијакун.