Телеметриската сеизмолошка мрежа на Република Северна Македонија, на сеизмолошките станици инсталирани ширум нашата територија, одржувани од Сеизмолошката опсерваторија при Природно-математичкиот факултет во Скопје, вечерва 6 јануари 2025 година во 18 часот и 44 минути регистрираше земјотрес чиј епицентар се наоѓа 25 километри северозападно од Скопје, со Рихтерова локална магнитуда ML2.5.

Според досегашните податоци со кои располага опсерваторијата, земјотресот е почувствуван во градот Скопје и северозападните делови на Републиката со интензитет од III степени според Европската макросеизмичка скала.

Секторот за внатрешни работи Тетово ја известува јавноста дека сообраќајот во Маврово е нормализиран и се одвива без проблеми. Согласно годишниот план за постапување во зимски услови, на подрачјето на Маврово е воведен кружен тек на движење на возилата за да се обезбеди безбедно и непречено одвивање на сообраќајот. Но, поради непочитување на правилата и препораките, во текот на вчерашниот ден настанаа проблеми во одвивањето на сообраќајот.

За да се надминат проблемите и да се обезбеди безбедно и непречено одвивање на сообраќајот во Маврово, ОВР Гостивар дополнително ангажираше дваесетина полициски службеници од другите полициски одделенија за да со физичко регулирање на сообраќајот се надминат проблемите, што беше и направено.

СВР Тетово апелира до граѓаните, да ги почитуваат сите правила и прописи во сообраќајот, да не ги паркираат нивните возила на коловоз, да ги почитуваат наредбите од полициските службеници во врска со поставениот сообраќаен режим и да се движат согласно предвидените правила, да не тргнуваат во правец на Маврово и Попова Шапка со летни гуми и без соодветна зимска опрема, затоа што на тој начин го попречуваат нормалното одвивање на сообраќајот. Апелираме до возачите да придонесеме сите заедно за безбедно и непречено одвивање на сообраќајот, велат од СВР Тетово.

Канадскиот премиер Џастин Трудо поднесе оставка. Тој ја напушта функцијата шеф на Либералната партија и премиер. Но, тој ќе остане на премиерската позиција додека партијата не избере ново партиско раководство.

Тој ја започна прес-конференцијата велејќи дека секое утро откако се разбудил како премиер, е инспириран од издржливоста и дарежливоста на Канаѓаните. Тој вели дека откако станал премиер во 2015 година, се борел за Канада и нејзиниот народ, за зајакнување и раст на средната класа. Тој истакнува дека гледал како земјата се обединува кога се поддржувале меѓусебно за време на пандемијата и како работел за да ја заштити слободната трговија на континентот.

Трудо вели дека одлуката да поднесе оставка ја донел по долги разговори со семејството – истакнува дека неговиот успех бил резултат на нивната поддршка. Синоќа на вечера на своите деца им рекол дека ќе поднесе оставка.

Тој додава дека „оваа земја го заслужува вистинскиот избор“ на следните избори. Тој, исто така, рече дека станало јасно дека ако мора да води „внатрешни битки“, тој не може да биде најдобриот избор за гласачите во Канада.

Тој тврди дека парламентот бил „парализиран со месеци“ – што тој го нарекува најдолгата седница на малцинскиот парламент во канадската историја.

Трудо понатаму наведува дека тоа е причината поради која на земјата и е потребна нова собраниска седница и дека таа ќе биде одложена за 24 март.