Доналд Трамп порача до компаниите во светот дека ако не произведуваат во САД, ќе се соочат со царини во вредност од „билиони долари“.

Тоа би значело воведување на универзални тарифи, од кои многумина стравуваат, а кои би влијаеле на целиот свет.

„САД ќе бидат светска престолнина на вештачката интелигенција и криптовалутите… Дојдете и правете ги вашите производи во Америка, но ако не, тоа е ваша одлука. Но, многу едноставно, ќе плаќате тарифи во различни износи, што ќе насочи стотици милијарди, дури и биллиони долари во нашата каса“, рече Трамп во обраќањето во Давос.

„Ја сакам Европа, но таа се однесува многу неправедно со Америка“

Трамп упати и критики до Европската Унија.

Рече дека царините и даноците во европските земји се превисоки, нивните регулативи се рестриктивни, трговскиот дефицит со САД е преголем и дека тужбите против американските компании како Гугл се неправедни.

„Планираме да направиме нешто околу тоа. Се обидувам да бидам конструктивен бидејќи ја сакам Европа. Ги сакам европските земји, но процесот е многу комплициран и тие се однесуваат кон САД многу, многу неправедно“, рече Трамп.

„Сè што сакаме од Кина е праведност“

Трамп беше прашан за односите меѓу САД и Кина.

„Сè што сакаме е праведност“, рече тој. „Ние само сакаме еднакви услови за игра“, додаде.

Трамп, исто така, рече дека се надева оти Кина може да им помогне на САД да ја прекинат војната меѓу Русија и Украина.

„Тие имаат големо влијание врз оваа ситуација“, рече тој.

Додаде дека сака да работи со Кина за денуклеаризација, истакнувајќи дека другите светски лидери, вклучително и рускиот претседател Владимир Путин, ќе ја поддржат идејата.

Ракометната репрезентација на Македонија ја забележа втората победа, прва во главната фаза, на 29.Светско првенство. Попладнево во Вараждин, Македонија го победи Катар со 39:34 (21:17).

Македонија против Катар го одигра најдобриот меч во досегашниот тек на Мундијалот. Од втората минута кога со серија од три гола го презедоа водство, со искучок на еден дел од првото полувреме кога Катар изедначи на 7:7 ја имаа предноста на своја страна.

Во вториот дел Катар неколку пати успеа да се доближи на негатива од два гола, но не и да ја загрози предноста на Македонија. Практично мечот беше решен на девет минути до крајот кога Македонија водеше со 36:30.

Пешевски и Кузмановски постигнаа по шест гола, Митев и Костески по пет, Лазаревски четири. Голманите заедни имаа 13 одбрани (Кизиќ девет, Митревски четири). Франкис Карол со 12 гола од 19 обиди го предводеше Катар.

Македнија со четири бода сега е трета на табелата во Групата 3.

Честитките што македонските политичари ги испратија за изборот на новата влада во Бугарија, евроамбасадорот во земјата, Михалис Рокас, смета дека се добредојдени. При денешната посета на Куманово, Рокас рече дека и по изборот на новата влада во Бугарија, фокусот на делегацијата на ЕУ во земјата е помош за спроведување на реформите.

„Факт е дека имаме нова влада во Бугарија, ги видов пораките со честитки што се разменија, што е многу добредојдено. Од наша страна, како делегација на ЕУ, ние ќе се фокусираме на помагање на државата да ги имплементира реформите. Како што веќе реков, има голем момент и голема можност за проширување на ЕУ. Премиерот веќе двапати досега беше во Брисел во декември, значи има интензивна дипломатска активност. Она што се обидуваме да го направиме тука е она поради што оваа дипломатска активност тече, помагањето во надминувањето на овој проблем и поместувањето нанапред. Ние се фокусираме на испорака на реформите, а особено реформската агенда, која беше одобрена од Владата“, рече евроамбасадорот Рокас по средбата со градоначалникот на Куманово, Максим Димитриевски.

Тој денес само ги слушаше и се запознаваше со проблемите на Куманово и рече дека е подготвен да работи рака под рака со жителите за да ги забрза реформите и проектите што ги имаат во градот.