Претседателот на Владата на Република Северна Македонија Христијан Мицкоски оствари телефонски разговор со Дејвид Лами, британскиот државен секретар за надворешни работи, Комонвелт и развој.

Соговорниците разменија мислења за актуелните состојби, економската и политичка соработка.

Премиерот Мицкоски ја истакна заложбата за потесна соработка со Обединетото Кралство на заеднички проекти кои ќе донесат економски и политички бенефит за граѓаните.

Постои простор за интензивирање на пријателските односи и за заеднички проекти во инфраструктурата, енергетиката и економската размена.

Се разговараше за повеќе прашања од регионален контекст, при што беше истакната заложбата на македонската страна за водење на политика на дијалог и заедничка соработка за зацврстување на меѓусебните односи.

Согласно извешатите за спроведени активности од страна на општините за периодот 20-24 јануари, во 11-те општини што доставиле извештаи до Министерството за животна средина и просторно планирање се спроведувале редовни и засилени инспекциски контроли. Инспекциските служби на Општина Гази Баба при редовна обиколка и контрола на загревањето на малите сервиси не затекнала согорување на отпад, но на две физички лица затекнати како гуми и електрични кабли им се изречени казни. Исто така, на едно правно лице му е изречена казна за несоодветно депонирање на отпад, а на три домаќинства што се загреваат согорувајќи дрвен отпад (иверки, отпадни даски и слично) по овој основ им се изречени опомени и им е наложено итно отстранување на отпадот од дворните места и користење на огревно дрво за затоплување.

Општина Кисела Вода изрекла две казни на физички лица за горење на отпад на отворено, додека општина Илинден во неколкуте рутински контроли на отворен простор на подрачјето на општината не утврдила неправилности.

Општина Охрид спровела инспекциски надзори во два авто сервиса од кој еден се загревал на дрва, а другиот на електрична енергија, а во двата отпадните масла се предавале на овластена фирма.

Во Општина Битола извршени се вонредни инспекциски надзори во 4 инсталации со Б интегрирани еколошки дозволи: МЛЕКАРА АД Битола, ЛАЦТАЛИС ДООЕЛ Битола, ИМВ ВЕЛКОВСКИ ДОО Битола и КВАСАРА АД Битола. Од страна на акредитиран субјект извршени се мерења на емисии во воздух при што е констатирано дека кај МЛЕКАРА АД Битола и ЛАЦТАЛИС ДООЕЛ Битола каде како енергенс се користи мазут, има надминување на дозволеното ниво на емисии NOx (азотни оксиди), а кај КВАСАРА АД БИТОЛА каде како енергенс се користи дрво, има надминување на CO (јаглерод моноксид), за што им се изречени опомени. Контролни надзори ќе се извршат во јануари 2025 год.

Исто така, при вонредните надзори на четири пекари констатирано е дека сите користат исклучиво огревно дрво.

Во општина Тетово, од пет засилени контроли на мали инсталации констатирано е дека четири од нив корист дрво во произведствениот процес (главно пекари), а само една електрична енергија.

Разобличена е една огромна завера против мене поврзана со случајот за злоупотреба на биолошка терапија на Клиниката за Онкологија, вистината победи, порача претседателот на Социјалдемократскиот сојуз на Македонија, Венко Филипче, на денешната прес-конференција.

Филипче на прес-конференцијата ги презентираше извештаите поднесени до анкетната комисија за Клиниката за онкологија, формирана на барање на ВМРО ДПМНЕ која ја водеше Рашела Мизрахи.

„Мизрахи, од тогаш па до денес, тврди дека јас имам одговорност во тој случај. Мизрахи тврди дека такви извештаи немало и ова го повторува во јавноста со месеци, водејќи брутална негативна кампања против мене обивнувајќи ме, иако од самиот почеток тврдев дека одговорност кај мене не постои. Сите извештаи добро и уредно пополнети и заверени беа доставени.“, рече Филипче.

На прес-конфренцијата, Филипче порача дека ова е скандал преседан и ги повика ВМРО ДПМНЕ и Мизрахи да се извинат за тоа што ја донесоа јавноста во заблуда.

„ Очекувам итно да излезат и да се извинат на целата македонска јавност и до мене и Рашела Мизрахи и ВМРО-ДПМНЕ што ја донесоа јавноста во заблуда и го оцрнија моето име“, рече претседателот на СДСМ, Венко Филипче, додавајќи дека нема ништо позлобно од тоа да се прикрива вистината во еден таков грозоморен случај за политички поени и да се кријат докази од истражните органи.