Поранешниот американски сенатор Боб Менендез (71) е осуден на 11 години федерален затвор под обвинение за мито, изнуда и корупција.

Менендез, долгогодишен претставник на Демократската партија од Њу Џерси, беше осуден по 16 точки поврзани со обвинувањата за примање мито, вклучително и златни прачки и готовина, во замена за политички услуги.

Во 12-минутниот говор пред изрекувањето на пресудата во федералната судница во Њујорк, Менендез со солзи ги призна грешките од минатото, но ја бранеше својата јавна служба, објавија неколку американски медиуми кои беа присутни на сослушувањето.

– Направив многу повеќе добро отколку лошо, рече тој.

Федералната порота во Њујорк во јули го прогласи Менендез за виновен за примање мито од стотици илјади долари и дејствување како нерегистриран странски агент.

Обвинителите тврдеа дека Менендез примал мито од тројца бизнисмени од Њу Џерси, Фред Даибес, Ваел Хан и Хозе Урибе, вклучувајќи златни прачки, плаќања за хипотека, луксузен автомобил и повеќе од 480.000 долари во готовина. Во замена, тој, наводно, штител поединци од гонење и ја користел својата позиција во корист на египетската и катарската влада.

Менендез поднесе оставка како претседател на Комитетот за надворешни односи на Сенатот во август и беше познат и по тоа што се противеше на продажбата на оружје на Турција, сојузник на САД во НАТО, поради очигледните врски со грчкото и ерменското лоби во САД.

Регионален патнички авион на „Американ ерлајнс“ се судри во воздух со хеликоптер на американската армија „Блек Хок“ во близина на националниот аеродром „Реган Вашингтон“ синоќа, по американско време, соопштија официјални лица. Патнички авион се урна во реката Потомак, објавија медиумите.

Сенаторот Тед Круз од Тексас потврди на социјалните мрежи дека „има смртни случаи“, но не прецизираше колку. Телевизиската мрежа Ен-Би-Си јави дека досега се извлечени најмалку две тела од реката Потомак, а четири лица се извлечени живи од реката.

Initial video from Kennedy Center/EarthCam shows crash at Reagan Airport pic.twitter.com/t8nRcesQU5

— Tim Renaud (@TimWCBD) January 30, 2025

Американската федерална управа за авијација (ФАА) објави дека регионалниот авион на ПСА Ерлајнс се судрил во воздух со хеликоптер „Блек Хок“ додека се приближувал до Реган. Претставник на американската војска потврди дека еден од нивните хеликоптери учествувал во несреќата.

ПСА управуваше со летот 5342 за Американ Ерлајнс, кој полета од Вичита, Канзас. Американ ерлајнс објави дека во авионот имало 60 патници и четворица членови на екипажот, а авионот може да превезе до 65 патници. Американската војска соопшти дека во хеликоптерот имало тројца војници.

Нијагарините водопади, создадени пред повеќе од 125 века, се делумно замрзнати поради ниските температури кои го зафатија поголемиот дел од Соединетите Американски Држави.

Екстремниот студ и рекордно ниските температури продолжуваат да се забележуваат во делови од САД.

Niagara Falls frozen as coldest US winter in 13 years continueshttps://t.co/mNPx03oTCj

🎥: Lokman Vural Elibol pic.twitter.com/T8gRw3qSdJ

— Anadolu Images (@anadoluimages) January 29, 2025

Снимките од дрон покажуваат дебели слоеви мраз и снег околу Нијагарините водопади, кои денес се граница меѓу САД и Канада и една од петте најатрактивни туристички дестинации во светот.

Нијагарините водопади се серија од масивни водопади лоцирани на реката Нијагара во источниот дел на Северна Америка.

Тие се вбројуваат меѓу седумте светски чуда, а поларните минусни температури создадоа леден синџир околу водопадите и на тој начин формираа прекрасни сцени.