Спорт
(Видео) Трипл-дабл, пет забивања на Јокиќ и пораз на Денвер во Чикаго

Трипл-дабл на Никола Јокиќ и пораз на Денвер Нагетс веќе не е изнендување во НБА лигата. По дебаклот во дуелот со Минесота, Нагетс загубија и во Чикаго. Булс славеа со 129:121.
Натпреварот во Чикаго домаќините го решија во последната четвртина со серија 13:2. Денвер се доближи во 124:121, но потоа Лавин го реши дуелот.
Јокиќ блескаше во Чикаго со 33 поени, 12 скока и 14 асистенции и некарактерситчно за него имаше пет забивања. Ова е шестти трипл дабл на спрскиот ас во последните седум натпревари.
Кристијан Браун постигна 28 поени, Џамал Мареј 18 поени со шут 8/20, додека Мајкл Портер Јуниор исто така постигна 18 поени.
Зак ЛаВин ги предводеше Булси до победата со 21 поен, Никола Вучевиќ постигна 20 поени, 10 скока и шест асистенции, додека Лонзо Бол постигна 18 поени.
Резултати:
Шарлот – ЛА Лејкерс 97:102
/Бриџис 26 – Дејвис 42/
Кливленд – Детроит 110:91
/Гарланд 22 – Канингем 22/
Мајами – Орландо 125:119 (108:108)
/Хиро 30 – Ф. Вагнер 29/
Бруклин – Сакраменто 96:110
/Расел 19 – Фокс 30/
Бостон – Хјустон 112:114
/Браун 28 – Брукс 36/
Њујорк – Мемфис 143:106
/Биџес 28 – Џексон 21/
Торонто – Њу Орлеанс 113:104
/Барнс 21 – Вилијамсон 31/
Минесота – Атланта 100:92
/Едвардс 23 – Хантер 35/
Далас – Вашингтон 130:108
/Томпсон 23 – Кулибали 16/
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Убедлив триумф на Литванија во првиот меч на ЕП

Европското првенство во кошарка, 42. по ред, започна со убедливата победа на Литванија против селекцијата на Велика Британија 94:70.
Балтичката селекција против Велика Британија ја оправда својата улога како фаворит во првото коло. Велика Британија даде се од себе, ослабена од отсуството на Гејб Оласени поради повреда на грбот.
Литванците лошо шутираа на овој меч, погодија само две тројки од 19 обиди, но одбраната и офанзивниот скок им обебзедија убедлива победа. Две третини од поените Литванците постигнаа од рекетот.
Британците добро се држеа три четвртини, се враќаа на едноцифрен минус, но потоана во последноте седум минути кога Литванците направија предност од 20 пеони.
Очекувано доминираше во рекетот Јона Валачиунас со 18 поени и девет скока, поен помалку со седум скока имаше Тубелис, а Јокубаитис и Нормантас забележаа по 12 поени.
на спротивната страна се истакна Јебоа со 17 поени, а двоцифрени, со по 10 поени беа Филип и Хенсон.
Foto/ EPA/KIMMO BRANDT
Спорт
Вулверхемптон одби уште една понуда од Њукасл за Ларсен

Фудбалскиот клуб Вулверхемптон ја одби и втората понуда од Њукасл за норвешкиот напаѓач Јорген Странд Ларсен, кој постигна два гола во вчерашната победа над Вест Хем во Лига купот.
Њукасл овој пат понуди 55 милиони фунти, откако претходно беше одбиена и понуда од 50 милиони фунти.
Управата на Вулверхемптон не сака да се откаже од 25-годишниот репрезентативец на Норвешка, пред сè поради краткото време за наоѓање замена, бидејќи шреодниот рок завршува за четири дена.
Странд Ларсен беше купен од Селта минатото лето за 23 милиони фунти и постигна 14 гола во Премиер лигата минатата сезона.
Спорт
Бојан Димоски се сели во ТСЦ

Левиот бек Бојан Димоски кариерата ќе ја продолжи во ТСЦ. Клубот од Бачка Топола ќе издвои 100.000 евра за неговиот трансфер од Акрон, дознава „Моцарт Спорт“.
Во ТСЦ процениле дека им е потребно засилуваеа на левата страна, бидејќи Немања Петровиќ сè уште не се вратил на теренот поради сериозна повреда од минатата сезона.
Димоски одигра четири натпревари оваа пролет за Партизан, на кој му се приклучи од Акрон како позајмен играч.
Пред тоа, ги бранеше боите на Брера од Струмица и на Вардар. Одигра 20 натпревари за репрезентацијата на Македонија.