Македонија
Груевски во Кина: Македонската економија има најниски трошоци за правење на бизнис во Европа
Премиерот Никола Груевски, заедно со владина делегација во чиј состав е заменик претседателот на Владата задолжен за економски прашања, Владимир Пешевски, министерот за надворешни работи, Никола Попоски, и заменик министерот за економија, Христијан Делев во четвртокот учествуваa на бизнис форум во Пекинг каде што беа претставени можностите за инвестирање и поволностите кои што се нудат за водење на бизнис во Македонија.
Бизнис форумот се одржа во соработка со Фондацијата за инвестиции на Кина, а присуствуваа голем број на кинески компании од областа на градежништвото, технологијата, металската и прехранбената индустрија, и енергетскиот сектор.
Премиерот Груевски посочи дека една од важните работи за Македонија е што државата е ориентирана кон креирање на добра бизнис клима што пак е потврдено од значајни меѓународни финансиски институции.
„Светската Банка еднаш годишно го објавува извештајот Дуинг Бизнис со кој се рангираат земјите според добрата бизнис клима. Во 2006 година нашата земја беше на 94 место, и правејќи многу реформи, преземајќи многу чекори дојдовме до 12 место во светот според добрата бизнис клима, и на 6 место во Европа веднаш по Обединетото Кралство, Данска, Шведска, Норвешка и Финска“, изјави Груевски.
Тој посочи дека Владата креираше добра бизнис клима преку преземање на различни мерки, а една од нив е мерката регулаторна гилотина со која се намалија или отстранија, или се направија поевтини, илјадници бирократски процедури во земјата во последните години и тоа во соработка со стопанските комори и над 350 компании од приватниот сектор од различна големина и област.
Од ваквата соработка дојдовме до многу идеи и предлози кои беа применети и на тој начин ја подобривме добрата бизнис клима за домашните и странски инвеститори, изјави премиерот Груевски.
Претседателот на Владата Груевски посочи дека една од карактеристиките на македонската економија е тоа што има најниски трошоци за правење на бизнис во Европа.
„Кога зборам за најниски трошоци мислам на сите трошоци кои се дел од еден бизнис, почнувајќи од даноците, и се што е поврзано со даночните трошоци, трошоците за енергија, бирократски процедури итн, така што земено вкупно имаме најниски трошоци за правење бизнис споредено со било која земја со Европа“, истакна Груевски.
Посочи и дека персоналниот данок на доход изнесува 10 проценти, исто како и данокот на добивка, а во случај на реинвестирање на добивката данокот е нула отсто како и фактот дека Македонија има најниска ефективна даночна стапка во светот во износ од 7,4 проценти.
Вицепремиерот Пешевски во своето обраќање се осврна на деталите и можностите кои ги нудат технолошко индустриските зони за потенцијалните инвеститори и на важноста за продлабочување на трговските односи со Кина.
Во соработка со Фондацијата за инвестиции на Кина одржавме презентација пред околу 150 компании, на кои им ги пренесовме информациите важни за правење на бизнис и добрата бизнис клима, истакна во изјава вицепремиерот Пешевски.
Освен тоа тој посочи дека се одржаа и одделни средби со петнаесетина компании и очекува дел од тие средби да резултираат со конкретни резултати и во иднина.
Вицепремиерот Пешевски се осврна и на посветеноста за развивање на трговските односи на Македонија со Кина и склучувањето на протоколот за извоз на смрзнато јагнешко месо произведено во Македонија во Кина кој беше потпишан во четвртокот во Пекинг.
Директорот на Агенцијата за храна и ветеринарство Зоран Поповски во четвртокот потпиша протокол со соодветните служби на кинеската држава за извоз на смрзнато јагнешко месо од Македонија со што се зголемуваат можностите за продлабочување на соработката.
„Убеден сум дека Кина како втора економија во светот и една од најбрзорастечките економии, е вистинско место да се посети сега, бидејќи како што се отвораат сега постепено кон другите пазари токму оние земји кои ќе успеат сега успешно да се презентираат и да образложат добри проекти ќе може да остварат поинтензивна соработка и тоа е нешто што го цениме и е во интерес на граѓаните на Република Македонија“, изјави Пешевски.
Присутните претставници на кинеските компании дадоа позитивна оценка за презентираните можности за водење бизнис кои ги има нашата земја. Ванг Јанг од компанијата Кина камкеи инжињеринг, кој веќе бил во неколкудневна посета на Македонија и е заинтересиран за развивање на соработка во повеќе области, изрази задоволство од односот на македонската Влада кон бизнис заедницата и добрата бизнис клима.
„Македонија има една од најдобрите бизнис клими за правење на бизнис и верувам дека преку нашиот бизнис партнер Еуромакс и Владата на Македонија може да развиеме многу успешен бизнис. Бев во Македонија пред две недели и имавме импресивно искуство. Бевме таму за два проекти, првиот е од областа на рударството, а вториот е од областа на енергијата кој го развива државата“, изјави Ванг.
Генералниот менаџер за Европа на Нучтеч компани, компанија која веќе инвестирала во Полска, и е присутна на европскиот пазар, Квијан Фу, позитивно ги оцени можностите за инвестирање и напорите кои ги прави Владата за привлекување на инвестиции.
„Денес сме изненадени од инвестициската политика и добрите бизнис услови во Македонија. Во иднина имаме планови да го продолжиме нашето производство во Европа. Македонија е потенцијалното место за нашата втора инвестиција за источно европскиот пазар“, изјави Фу./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Економија
Пензиите ќе пораснат за 2.500 денари по 1 април, Владата обезбеди средства
Пензионерите во Македонија ќе добијат вториот дел од ветените 5.000 денари од страна на ВМРО-ДПМНЕ, на 1 април, со исплатата на мартовската пензија. Првиот дел, од 2.500 денари, веќе беше исплатен во октомври. Власта истакнува дека за овие средства се обезбедени доволни ресурси во Буџетот и дека не очекуваат никакви проблеми со пензискиот фонд, додавајќи дека стабилноста на Фондот за пензиско и инвалидско осигурување (ПИОМ) е загарантирана. Се очекува ПИОМ да биде стабилен во наредните шест до седум години, додека не започнат исплатите од Вториот пензиски фонд.
За 2025 година, во Буџетот се предвидени 105,5 милијарди денари за исплата на пензиите, што вклучува средства за најавеното зголемување од 2.500 денари. Директорот на Фондот за ПИОМ, Никола Мемов, изјави дека ќе се продолжи со краткорочни и среднорочни мерки за стабилизирање на буџетскиот дефицит. Тој очекува пораст на приходите од придонеси, додека стапката на пензиско осигурување ќе остане на 18,8 проценти.
Меѓутоа, експертите предупредуваат дека целосното исполнување на ветувањето за линеарно зголемување на пензиите ќе создаде дополнителен притисок врз буџетот, со дополнителен трошок од околу 200 милиони евра годишно. Според нив, ваквите ад-хок решенија треба да се избегнуваат, бидејќи постојат системски прилагодувања на пензиите два пати годишно, кои, иако оправдани поради зголемената инфлација, можат да предизвикаат фискални потешкотии.
Сојузот на здруженија на пензионери на Македонија го поздрави зголемувањето на пензиите, нагласувајќи дека секое зголемување е добредојдено за пензионерите, но истовремено истакнаа важноста од очувување на фискалната стабилност на ПИОМ за да се обезбеди редовна исплата на пензиите.
Зголемување на старосната граница за пензионирање: предлогот на Фискалниот совет
Од Фискалниот совет на Македонија дојде предлог за зголемување на старосната граница за пензионирање на 67 години за мажи и жени, со цел да се обезбеди долгорочна стабилност на ПИОМ. Во нивното мислење, предложено е ова зголемување да влезе во сила од 2026 година, истовремено зголемувајќи ја стапката на пензиско осигурување за 0,7 проценти, односно на 19,5 проценти.
Премиерот Христијан Мицкоски категорично одби вакви мерки во новогодишното интервју, истакнувајќи дека неговата влада нема да ја зголемува старосната граница ниту ќе ги зголемува придонесите за пензиско осигурување. Тој нагласи дека приоритет ќе биде борбата против сивата економија и намалување на даночната евазија за да се соберат повеќе средства во Буџетот.
Синдикатите и експертите против зголемувањето на старосната граница
Од Сојузот на синдикати на Македонија изразија противење на предлогот за зголемување на старосната граница. Според нив, пензиските реформи треба да се прават врз основа на сеопфатни анализи, а не со избрзани одлуки. Наместо продолжување на старосната граница, предлагаат воведување на повеќе услови за пензионирање, како што се пензионирање по навршени 40 години работен стаж за мажи и 35 години за жени, воведување бенефициран стаж за работници кои работат во тешки услови и други мерки.
Експертите, пак, предупредуваат дека зголемувањето на старосната граница нема брзо да реши проблемите со пензискиот фонд и дека резултатите од таквото решение ќе се видат по неколку години. Универзитетскиот професор Бранимир Јовановиќ смета дека укинувањето на даночните ослободувања и зголемувањето на стапката на придонесите за пензиско осигурување ќе имаат поголем ефект врз стабилноста на ПИОМ.
Европски трендови: зголемување на старосната граница за пензионирање
Во некои европски земји, како што се Белгија и Германија, веќе се спроведуваат слични мерки за зголемување на старосната граница, со цел да се адаптираат на демографските промени и да се обезбеди финансиска стабилност на пензиските фондови. Ваквите промени, според експертите, ќе бидат неопходни и во Македонија во иднина, но не пред сè, бидејќи животниот век е значително понизок отколку во западноевропските земји.
Овој тековен предизвик во Македонија ги поставува важните прашања за долгорочната одржливост на пензискиот систем и потребата од реформи кои ќе ги земат во предвид сите аспекти на економијата и општеството.
Економија
Обединетите нации: Цените на храната паднаа во декември, шеќерот најмногу
Цените на храната благо паднаа во декември 2024 година, со значително поевтин шеќер и стабилни цени на житните култури, објави денеска Агенцијата на Обединетите нации за храна и земјоделство (ФАО).
Индексот на цените на ФАО за кошничката со основните прехранбени производи во просек изнесуваше 127,0 поени во декември, што е за 0,5 отсто помалку од ноември, пресмета ФАО. Сепак, во споредба со декември 2023 година, цените на храната се повисоки за 6,7 отсто.
Во текот на 2024 година кошничкта со основните прехранбени производи беше поевтина за 2,1 отсто, при што значително пониските цени на житните култури и на шеќерот го надминаа поскапувањето на растителните масла, млекото и млечните производи и месото. Цените на шеќерот паднаа најмногу во декември, 5,1 отсто во однос на ноември, благодарение на подобрените прогнози за жетвата на водечките производители. Во однос на декември претходната година неговите цени се пониски 10,6 отсто.
Млекото и млечните производи во декември поевтини од ноември, а поскапи од лани на глобално ниво
Забележливо падна и цената на млекото и млечните производи во последниот месец од минатата година, 0,7 отсто во однос на ноември. Нивните цени се намалија првпат од април под притисок на пониските цени на путерот поради намалената побарувачка и акумулираните резерви. Во однос на декември минатата година, цените на млекото и млечните производи се повисоки 17 отсто, а во текот на 2024 година се зголемени во просек 4,7 отсто.
Цените на житото се задржаа на нивото од претходниот месец во декември. Во однос на декември 2023 година тие се за 9,3 отсто пониски. Извозните цени на пченицата беа стабилни во декември како одраз на рамнотежата помеѓу намалената побарувачка и подобрената понуда во Аргентина и Австралија и лошите услови за културите на пченицата во Русија.
Цените на месото не се зголемија многу
Цените на пченката благо пораснаа благодарение на благо подобрениот извоз во САД во услови на намалена понуда и силна побарувачка за украинскиот извоз. Во текот на минатата година цените на житните култури беа во просек за 13,3 отсто пониски од 2023 година. Тие се намалија втора година по ред по рекордното ниво во 2022 година, забележува ФАО.
Растителните масла поевтинија за 0,5 отсто во декември во однос на ноември. Во споредба со крајот на 2023 година поскапеле 33,5 отсто. Во текот на целата 2024 година нивните цени беа во просек за 9,4 отсто повисоки од 2023 година поради намалената понуда, според ФАО. Месото беше исклучок на крајот на минатата година со месечен раст на цената од скромни 0,4 отсто. На годишно ниво неговите цени се зголемени 7,1 отсто.
Економија
Континуиран растечки тренд на користењето на дигиталните канали за извршување на електронските плаќања
Народната банка на Република Северна Македонија ги објави податоците од доменот на платежната статистика за третиот квартал од 2024 година, кои покажуваат постојан тренд на зголемена употреба на дигиталните канали за извршување на плаќањата во земјата.
Овие податоци се особено значајни, бидејќи ја истакнуваат промената во навиките на граѓаните во насока на сѐ поголема употреба на платежните картички при иницирање на плаќањата, како и користење на решенијата за мобилно плаќање кај електронските кредитни трансфери (платните налози).
Во третиот квартал од 2024 година се забележува значителен годишен раст кај бројот и вредноста на платежните трансакции на граѓаните во трговијата во земјата. Трансакциите со картички, издадени од домашните даватели на платежните услуги, пораснале за 10,2% по број и за 13,6% по вредност. Овој раст најмногу се должи на високиот годишен раст на бројот на плаќањата во е-трговијата во земјата, кој изнесува 29,2%, како и растот од 8,8% на плаќањата преку терминалските уред ПОС.
Покрај тоа, забележан е и годишен раст во бројот на плаќањата на граѓаните со платни налози. Бројот на платежните трансакции се зголемил за 9,9%, а вредноста на остварените трансакции пораснала за 22,2%. Ова укажува на натамошно зголемување на употребата на дигиталните канали за иницирање на овие плаќања. Најзначајни се резултатите од употребата на апликациите за мобилно плаќање, кои покажуваат годишен раст од 50,2% во бројот на платежните трансакции споредено со истиот период од 2023 година. Во рамките на овие податоци, се истакнува податокот дека граѓаните извршиле 65% од вкупниот број електронски иницирани платни налози преку мобилните платежни апликации, што покажува дека мобилните апликации за плаќање стануваат сѐ попопуларни, бидејќи нудат побрзи и поедноставни решенија за иницирање на платежните трансакции.
Податоците од доменот на платежната статистика за третиот квартал од 2024 година, освен што ги опфаќаат платежните трансакции на граѓаните во земјата, вклучуваат и податоци за платежните трансакции на правните лица во земјата. За повеќе информации, податоците се достапни на следнава врска.
Чулев обвинува за сериозни злоупотреби од претходната власт во разузнавачкиот систем, го повика Обвинителството да отвори истраги
Поранешниот министер за внатрешни работи, Наќе Чулев, обвини за сериозни злоупотреби во безбедносно-разузнавачкиот систем, за време на претходната власт предводена...
(Видео) СДСМ нема да ги поддржи интереплациите на ДУИ: „Не се потребни нови етнички поделби“
Портпаролката на СДСМ, Богданка Кузеска кажа дека партијата нема да ги поддржи и нема да гласа за интерпелациите што се...
Кривична против поранешен началник на Одделот за воздухопловни единици, го оштетил Буџетот на МВР за над 926 илјади денари
Одделот за внатрешна контрола, криминалистички истраги и професионални стандарди при Министерството за внатрешни работи до Основното јавно обвинителство за гонење...
Во мај Мицкоски ќе соопшти 90 отсто од имињата на кандидатите за градоначалници, партиските анкети почнуваат месецов
Општинските комитети веќе ги доставиле предлозите за кандидати за градоначалници на претстојните локални избори, рече денес премиерот и лидер на...
Мицкоски за интерпелациите: Очекувам напади што ќе поттикнат меѓуетничка нетолеранција, но тоа ќе биде јалово и неуспешно
Неуспешен обид за интерпелација на петмина функционери во Собранието очекува премиерот Христијан Мицкоски. Собранието в петок почнува со работа, а...
„Се обидуваме да откриеме дали има некаква мутација“, рече грчкиот министер за здравство по потврдата за првиот случај на метапневмовирус во Грција
Во Солун е потврден првиот случај на човечкиот метапневмовирус (ХМПВ) кај 71-годишен маж, кој е хоспитализиран. Според грчките медиуми, човекот...
Веста дека Груби се соочува со отказ од Универзитетот во Тетово е одраз на културата на неодговорност и ароганција на ДУИ, велат од „Влен“
„Веста дека нон грата Артан Груби се соочува со отказ од Универзитетот во Тетово поради неоправдани отсуства е јасен одраз...
Најмногу снег на Попова Шапка
Утрово, најстудено било во Берово, каде што се измерени -1 степен, 2 степена било на Попова Шапка, Крива Паланка и...
Повторно алармантно загадување во Струмица во последните два дена
Министерството за животна средина и просторно планирање информира дека според податоците од Државниот автоматски мониторинг-систем за квалитет на амбиенталниот воздух...
Скопје повторно соборува рекорди, се најде на прво место во Европа по загаденост
Скопје се најде на седмото место на листата со најзагадени градови во светот, а на прво во Европа, со индекс...
ДУИ: Мицкоски вчера го откри планот за деградирање на албанскиот јазик, нема да дозволиме
Вчерашната изјава на премиерот јасно го откри неговиот план за деградирање на службениот статус на албанскиот јазик, враќајќи една застарена...
Се урна мал авион во Австралија, загинаа туристи од Швајцарија и Данска
Три лица загинаа, а тројца се повредени при уривање мал авион во близина на градот Перт во западна Австралија, соопштија...
Трудо ја отфрли заканата на Трамп за присоединување на Канада кон САД како економска сила
Канадскиот премиер во заминување Џастин Трудо ја отфрли изјавата на новоизбраниот американски претседател Доналд Трамп дека може да употреби економска...
(Видео) Лос Анџелес во пламен: „Пожарникарите веќе не се ни обидуваат да спасат куќи“
Шумски пожар беснее во богат дел на Лос Анџелес уништувајќи домови, а 30.000 луѓе се евакуирани под огромните облаци од...
Две лица загинаа во престрелка во фабрика во Германија, напаѓачот уапсен
Две лица загинаа откако маскиран и вооружен маж упадна во фабриката Хенел во градот Бад Фридрихшал во германската покраина Баден-Виртемберг...
Трамп: Членките на НАТО треба да трошат 5 отсто за одбрана
Новоизбраниот американски претседател Доналд Трамп денеска изјави дека земјите од НАТО треба да потрошат пет отсто од својот бруто домашен...
Голем број куќи се срамнети со земја – најмалку 126 лица загинаа во земјотресот на Тибет, а околу 200 се повредени
Најмалку 126 лица загинаа во силниот земјотрес што денеска ги погоди подножјето на Хималаите во близина на едно од најсветите...
Сиљановска ја образложи одлуката за ветото, Мицкоски најави корекции: „Ќе биде прецизно формулирано“
Претседателката Гордана Сиљановска-Давкова вели дека немала намера да употреби вето за да навреди некој јазик или нација, ниту, пак, се...
За да се реши загадувањето потребна ни е изградба на гасни централи што би траело и до 3 години, вели Мицкоски
Гасните централи би можеле да го решат загадувањето, но тоа е процес што би траел со години. Премиерот Христијан Мицкоски,...
Мицкоски ги повика бегалците од правдата да се вратат дома
Премиерот Христијан Мицкоски ги повика сите бегалци од правдата да се вратат и да се соочат со доказите пред органите....
