Руските единици за противвоздушна одбрана уништија најмалку 11 украински беспилотни летала на пат кон Москва, изјави рано утрово градоначалникот на руската престолнина, додека воздухопловните власти соопштија дека ги прекинале летовите на двата аеродроми кои го опслужуваат градот.

Московскиот градоначалник Сергеј Собјанин изјави дека беспилотните летала биле соборени над областите Раменское и Домодедово во московскиот регион. И двете области се наоѓаат на околу 40 до 50 километри јужно и југоисточно од Кремљ.

„Според прелиминарните информации, нема штета или повредени“, рече Собјанин на апликацијата за пораки Телеграм.

Рускиот авијациски регулатор соопшти дека летовите на аеродромите Жуково и Домодедово се суспендирани поради загриженост за безбедноста на воздухот по извештаите за напади. Немаше коментари од Украина.

Киев честопати вели дека неговите напади во Русија се насочени кон уништување на инфраструктурата која е од клучно значење за севкупните воени напори на Москва и се одговор на континуираното руско бомбардирање на Украина од почетокот на војната пред три години.

Explosions and fire tonight across the Russian capital of Moscow, following a large-scale Ukrainian drone attack against the city. Damage has been reported to a number of high-rise apartment buildings and other locations, with Russian authorities claiming that air-defenses downed… pic.twitter.com/lwmQvG4wrK

— OSINTdefender (@sentdefender) March 11, 2025

Сепак, според снимките кои утринава се шират на Икс, во градот може да се забележат серија експлозии. Иако не е потврдено дека тоа е Москва, не би било првпат официјална Русија целосно да демантира какви било напади, додека во реалноста ситуацијата е многу поинаква.

Српскиот претседател Александар Вучиќ и министерот за внатрешни работи Ивица Дачиќ синоќа приредија своевидна драма додека даваа изјави откако го посетија полицаецот во болница за кој рекоа дека бил претепан пред Радио телевизија Србија.

Припадници на Жандармеријата физички се пресметаа со студенти на блокадата пред зградата на Радио и телевизија Србија, која студентите ја блокираа вчера вечер. Како што се гледа на снимката, полицајците со палки удираат студенти додека се обидувале да влезат во зградата на РТС.

Откако Вучиќ даде изјава за синоќешните случувања, се вмеша Дачиќ, кој рече дека „некои медиуми веќе почнале да шират лаги“ и дека „нема полициска интервенција“.

Вучиќ веднаш реагираше на зборовите на Дачиќ и го прекина. „Не можам… Не се лутете, но не можам повеќе да го слушам ова правдање. Ви благодарам многу“, рече Вучиќ, помина покрај Дачиќ пред камерите и си замина. На заминување му рече на Дачиќ: „Ајде правдај се“.

Студентите од Србија, кои подолго време се во блокада против режимот на Вучиќ, ја блокираа зградата на Радио телевизија на Србија (РТС) во Белград и најавија дека блокадата на зградата на јавниот сервис ќе трае 22 часа.

Студентите на социјалните мрежи веднаш по 23 часот објавија дека ги блокирале сите влезови во РТС и дека ќе им биде дозволен излез на сите вработени, но дека „никој не влегува во зградата додека не се ослободи РТС“.

Полицијата физички се судри со некои студенти пред зградата на РТС.

Набргу по пресметката, полицијата се собра во комплексот на РТС, а пред зградата се собираат се повеќе граѓани.

Во текот на ноќта се огласи српското МВР. Наведоа дека „како и досега, не интервенирале и нема да интервенираат против оние што вршат блокади, вклучително и вечерва, доколку не дојде до насилен упад во државните институции и зградата на РТС и напад врз полицијата“.

View this post on Instagram

A post shared by Mašina (@masina.rs)

„При пристигнувањето на задача да влезат во зградата на РТС, за да се сместат внатре во зградата, Жандармеријата е попречена и нападната, при што еден припадник на Жандармеријата е повреден и поради повреда на окото е пренесен во Ургентниот центар. По влегувањето на Жандармеријата во зградата на РТС немало никакви конфликти и интервенции“, се вели во соопштението на МВР.

Се огласи и министерот за внатрешни работи Ивица Дачиќ. Тој рече дека полицијата е во зградата на Таковска 10 и дека ќе интервенира доколку некој насилно влезе внатре. Тој рече дека „демонстрантите ја попречиле жандармеријата да влезе во зградата на РТС и дека бил нападнат припадник на таа единица“.

Тој рече дека кога полицијата пристигнала да се распореди на локацијата, дошло до конфликт кој го нарече „вандалски чин“ и дека полицијата не направила ништо за да предизвика реакција.

„Ќе ги погледнеме камерите. Кој го удрил полицаецот ќе одговара“, рече тој.