Шпанските министри денеска се согласија да ја намалат законската работна недела на 37,5 часа без намалување на платите, продолжувајќи со една од клучните мерки на коалициската влада и покрај противењето на здруженијата на работодавачи.

За време на неделниот состанок, владата го одобри намалувањето од сегашните 40 часа со извршен декрет подготвен од министерката за труд Јоланда Дијаз, лидер на екстремно левичарската партија Сумар, пренесува Ројтерс.

„Овој предлог е да се живее подобро, да се работи помалку и да се биде многу попродуктивен и економски поефикасен“, им рече Дијаз на новинарите.

Мерката сè уште треба да биде одобрена во парламентот, каде што владата на левиот центар предводена од социјалистичкиот премиер Педро Санчез нема јасно мнозинство и мора да ги балансира барањата на неколку помали партии за усвојување на законот.

Дијаз, која е и вицепремиер, направи план за намалување на работното време до крајот на 2025 година како централен дел од поддршката на нејзината партија за премиерската функција на Санчез.

Каталонците и работодавците против предлогот

Сепак, каталонската централно-десничарска сепаратистичка партија Јунтс веќе изрази противење на предлогот, додека главното здружение на работодавачи CEOE рече дека овој потег ќе ги зголеми трошоците за шпанските компании и ќе ги направи помалку конкурентни.

По неколкумесечни преговори меѓу Дијаз, синдикатите и претставниците на работодавачите, разговорите со CEOE пропаднаа во ноември, откако работодавачите инсистираа дека пократката работна недела не треба да се наметнува со закон, туку да се договори преку колективни договори според потребите на секоја компанија.

„Деловниот свет е за дијалог, а не за монолог“, изјави денеска претседателот на  CEOE, Антонио Гараменди.

Централната банка на Шпанија и поранешниот министер за економија предупредија дека повисоките трошоци за работна сила може да ја поттикнат инфлацијата и да го ограничат создавањето работни места. По одлуката на владата, Куерпо рече дека компаниите можат полесно да ја прифатат промената со оглед на силниот економски раст на Шпанија, падот на инфлацијата и најниската стапка на невработеност во последните 16 години.

Европската унија мора да го најде најкреативниот начин да ги искористи замрзнатите руски средства и да ги зајакне санкциите против Русија, ставајќи до знаење на Кремљ дека колку подолго трае нејзината агресивна војна против Украина, толку поголема ќе биде цената за Русија, изјави претседателката на Европската комисија, Урсула. фон дер Лајен.

Како што јави Укринформ, Фон дер Лајен ја даде изјавата во својот говор на годишната конференција на амбасадорите на ЕУ во Брисел, според извештајот на дописникот на Укринформ.

„Никој не сака мир повеќе од народот на Украина. Но, постои само еден пат до праведниот и траен мир што го бараат. И тој пат води низ воената и финансиската сила на Украина“, рече таа.

Посочи дека санкциите на ЕУ и нанесуваат сериозен удар на руската економија, која се соочува со висока инфлација и рекордни каматни стапки. Таа додаде дека ЕУ во моментов го подготвува 16-тиот пакет санкции против Русија и нагласи дека постепеното отстранување на зависноста од руските фосилни горива мора да продолжи.

„Исклучително е важно што земјите-членки го продолжија замрзнувањето на руските средства. Сега можеме да продолжиме да размислуваме за најкреативниот начин да ги искористиме овие средства за поддршка на Украина во нејзината борба за слобода. Мораме да му покажеме на Кремљ дека колку е подолга војната, толку повисока ќе биде цената за Русија“, рече Фон дер Лајен.

Пет лица се застрелани во училиште за возрасни во централна Шведска, соопшти полицијата.

Пукањето се случило во Оребро, 200 километри западно од Стокхолм.

Shcool shooting in Örebro captured: https://t.co/HJQfnVIniU

— Rebecca Mistereggen (@RMistereggen) February 4, 2025

Полицијата свика прес-конференција во 15.30 часот во врска со пукањето во Оребро.

Лена Варенмарк, која предава во училиштето „Кампус Рисбергска“, изјави за SVT Nyheter дека била затворена на своето работно место повеќе од еден час.

„Пред тоа слушавме пукотници многу блиску до нашата работна област. Веројатно, имаше десет истрели“, вели таа додавајќи дека најпрвин одекнале неколку истрели едноподруго, потоа имало кратка пауза, а потоа уште неколку истрели.

Таа објаснува дека училиштето е образовна институција за возрасни и дека имало невообичаено малку ученици, со оглед на тоа што многумина си заминале дома по државниот испит.

Најмалку пет лица се повредени во престрелката во Оребро, јавуваат шведските медиуми.

Малку по 13.30 часот, полицијата добила дојава за напад во училиштето „Кампус Рисбергска“ во Оребро. Пет лица беа застрелани, а полицијата ги повикува граѓаните во областа Вестага да останат дома, пренесуваат тамошните медиуми.