Регион
100 дена од трагедијата во Нови Сад, студентите потворно на протест

Студентите од Србија денеска упатија повик до граѓаните низ целата земја да им се придружат на улиците во знак на поддршка за нивните барања, на стотиот ден од трагедијата во Нови Сад, кога при уривање на настрешница загинаа 15 лица.
Во Белград е најавена блокада на најпрометниот мост „Газела“ од 11 до 18 часот, додека во Нови Сад, од 11 до 14 часот, ќе бидат блокирани трите главни раскрсници, со што ќе биде оневозможен влез во градот.
Протестите започнаа на 1 ноември, откако настрешницата на железничката станица во Нови Сад се урна, при што загинаа 15 лица. Студентите бараат одговорност, истакнувајќи дека трагедијата е резултат на корупција и неквалитетна работа.
Незадоволството брзо се прошири низ целата земја, а демонстрантите инсистираат на оставки и суштински промени. И по сто дена, студентите остануваат доследни во своите барања, нагласувајќи дека нема да престанат со протестите сè додека не се постигне правда за жртвите.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
(Видео) Силно невреме во Србија: ветерот корнеше дрвја, дел од зградите останаа без покриви

Силна бура го погоди Белград и некои делови од Србија во раните попладневни часови. Пет лица се повредени, а предизвикана е голема материјална штета, пренесуваат тамошните медиуми.
Бурни налети на ветер соборија кран на градилиштето во Нов Белград, превртеа приколка за влечно возило, а осамна и видео од Ледино кај Сурчин, каде што бројни станбени згради останаа без покриви. Луѓето во областа според написите, избегаа без никакви последици, а најмалку две згради останаа без покриви.
Републичкиот хидрометеоролошки завод издаде портокалово предупредување, објавува Спутник.
МУП издаде и тревога за ризик од силна бура со дожд, грмежи, голем град и силни налети на ветер.
Регион
Поради екстремните горештини затворен познатиот Акропол во Грција

Поради екстремната топлина што ја зафати Грција, познатиот Акропол во Атина ќе биде затворен за посетители до 17 часот.
Во земјата се очекуваат температури до 42 степени, а издадени се и бројни предупредувања поради зголемениот ризик од пожар, јавува Би-Би-Си.
Грчките власти одлучија повторно да го затворат Акрополот, еден од најпосетуваните археолошки локалитети во Европа, додека метеоролозите најавуваат нови високи температури и многу висок ризик од пожар.
Министерството за култура објави дека Акрополот ќе биде затворен во најжешкиот дел од денот, помеѓу 13 и 17 часот.
„Мерката е усвоена за безбедноста на вработените и посетителите“, соопшти Министерството за култура. Повеќе од 4,5 милиони луѓе го посетуваат Акрополот годишно.
Регион
Силен земјотрес во близина на Крит: ги вознемири жителите на островот

Силен земјотрес денес го погоди подрачјето во близина на брегот на Крит.
Епицентарот на земјотресот се наоѓа 31 километар источно-североисточно од Закрос на овој остров, објавува грчкиот „Прототема“.
Земјотресот се случил во 20:46 часот по грчко време, а сеизмичкиот потрес имал јачина од 5 степени според Рихтеровата скала, според Геодинамичкиот институт.
Длабочината на која се наоѓал епицентарот на земјотресот била 7,8 километри, објавуваат медиумите.