Свет
Трамп: Украина може да биде руска еден ден, ние си ги сакаме нашите пари назад

Американскиот претседател Доналд Трамп изјави дека Украина еден ден би можела да биде руска и повтори дека САД инвестирале стотици милијарди долари во земјата и за возврат очекуваат украински ретки минерали.
„Можеби ќе има договор меѓу Русија и Украина, или можеби не. Украина еден ден би можела да биде руска, или можеби не“, рече Трамп во интервју за американски „Фокс њуз“.
Според него, Украина има неверојатно вредна земја кога станува збор за ретки минерали, нафта и гас, а САД сакаат парите што Америка ги вложи во Украина да бидат безбедни, имајќи предвид дека Вашингтон, како што вели, потрошил стотици милијарди долари во Украина.
„Ги сакаме тие пари назад. И реков на Украина дека сакаме еквивалент за тие вложени пари, во форма на ретки минерали во вредност од 500 милијарди долари, на што Киев во суштина се согласи“, рече Трамп.
Како што вели, да немаше таков договор, САД ќе изгледаа глупаво, според медиумот.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
40 ранети во Израел, двајца критично

Вкупно 40 лица побарале медицинска помош по вечерашниот ирански ракетен напад врз Израел, соопштија локалните здравствени служби. Двајца од повредените се во критична состојба.
Најголем број пациенти се лекуваат во болницата Ичилов во Тел Авив – 18 лица.
Според лекарите, пријавените повреди вклучуваат рани од шрапнели, вдишување чад и состојба на шок.
Свет
Израелската војска: Иран истрела помалку од 100 балистички ракети, повеќето ги пресретнавме

Портпаролката на израелската војска, Ефи Дефрин, рече дека помалку од 100 балистички проектили биле истрелани од Иран кон Израел.
Дефрин рече дека „повеќето од ракетите биле пресретнати од воздушната одбрана или паднале пред да стигнат до израелска територија“.
„Регистрирани се ограничен број погодоци на згради, а дел од штетата е предизвикана од фрагменти од пресретнати проектили“, додаде тој.
Според израелските медицински служби, во нападот биле ранети 40 лица.
Свет
Нетанјаху: Ова е можност за иранскиот народ да се спротивстави на режимот

Израелскиот премиер Бенјамин Нетанјаху вечерва и порача на јавноста дека можат да ги напуштат засолништата, откако новиот бран ирански ракети прелета над израелска територија.
„Иранскиот режим никогаш не бил послаб. Ова е можност за иранскиот народ да се спротивстави на режимот“, рече Нетанјаху во вечерашното обраќање.
Тој директно им се обрати и на граѓаните на Иран: „Јас сум со вас, израелскиот народ е со вас“, рече тој.
Министерот за одбрана на Израел, Израел Кац изјави дека Иран „ја преминал црвената линија со лансирање ракети кон израелските цивилни области“ и најави: „Техеран ќе плати висока цена“.
Оваа иранска одмазда следеше по израелските воздушни напади на иранска територија, при што беа погодени нуклеарни постројки и беа убиени високи команданти и научници.