Свет
Британка обвинета за убиство на двегодишна ќерка

Жена (42) во Британија е обвинета за убиство на својата двегодишна ќерка Анабел Меки, јавува „Скај њуз“. Девојчето исчезнало од својот дом на 10 септември 2023 година, а набргу потоа било пронајдено во несвест во езерце по што починало.
Анабел Меки (2) исчезна од својот дом во Кингсли, Хемпшир, Англија. Набргу по нејзиното исчезнување, таа била пронајдена во несвест во езерцето Кингсли. Во тешка состојба била пренесена во болница, но следното попладне починала. Алис Меки беше обвинета за убиство. Таа е во притвор и денеска треба да се појави пред судот во Бејсингсток.
Таткото на Анабел ѝ оддаде почит на својата ќерка во изјава опишувајќи ја како убаво, весело и многу среќно девојче.
„Таа имаше неверојатно чиста и грижлива природа, која ужасно ни недостига. Сакаше да раскажува приказни, за кучиња и за нејзината кукла. Уживаше да пее песни“.
Според извештаите, Алис Меки по професија е учителка и пораснала на помалку од еден километар од езерцето во кое била пронајдена Анабел.
Во 2015 година се омажила за компјутерскиот консултант Питер Меки, а во 2020 година се преселиле од Лондон во Кингсли. Истрагата за смртта на Анабел и нејзините движења пред да биде пронајдена во езерцето ја водеше тимот за сериозен криминал во Хемпшир.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Свет
Лувр повторно отворен, крадците сè уште се во бегство

Музејот Лувр повторно ги отвори вратите утрово откако дрскиот грабеж на француските крунски скапоцености ја шокираше јавноста. Полицијата сè уште интензивно бара четворица крадци кои украдоа осум непроценливи предмети од познатата сала Аполо сред бел ден, во грабеж што траеше само четири минути, објави „Ен-би-си њуз“.
Париската обвинителка Лоре Беко вчера потврди за време на телевизиско интервју дека проценетата вредност на украдените скапоцености се проценува на 88 милиони евра.
Директорката на музејот, Лоренс де Кар, ќе одговара на прашања во текот на денот пред комитетот за култура на францускиот Сенат. Инцидентот предизвика национална дебата за нивото на безбедност во клучните културни институции.
Грабежот нанесе тежок удар врз француската национална гордост, која веќе беше погодена од политички превирања и социјални немири. Францускиот министер за внатрешни работи во понеделникот изјави дека овој настан создал негативна и тажна слика за земјата во светот.
Париските обвинители ја доверија истрагата на специјализирана единица позната како БРБ, која често се занимава со кражби од висок профил. Поранешен офицер кој служел во единицата откри дека токму БРБ ја водел истрагата за грабежот на Ким Кардашијан во 2016 година, кога банда провалила во нејзиниот стан во Париз, ја врзала и избегала со накит вреден околу 5,54 милиони евра.
Паскал Шкудлара, поранешен член на единицата, објасни дека БРБ има околу 100 агенти, од кои повеќе од десетина се специјализирани за кражби во музеи. Истражителите ги прегледуваат видео снимките, телефонските записи и форензичките докази и разговараат со информатори.
Шкудлара рече дека БРБ може да има тимови кои работат на тоа 24/7 долго време, додавајќи дека е 100 проценти сигурен дека крадците ќе бидат фатени.
Уметничкиот детектив Артур Бренд, кој им помага на полициите низ цела Европа, додаде дека истражителите исто така ќе ги прегледуваат снимките од надзорните камери од пред неколку недели за да бараат сомнителни луѓе кои можеби ја разгледувале галеријата.
Експертите веруваат дека само мал круг криминалци е способен да изврши таков дрзок грабеж и дека тие веројатно веќе ѝ се познати на полицијата. Експертот за кражба на уметнички дела, Ентони Аморе, за „Скај њуз“ изјави дека сторителите веројатно биле европска криминална банда.
Освен еден од украдените предмети – круната што ѝ припаѓала на царицата Евгенија, сопругата на Наполеон III – и која била пронајдена на местото на настанот, француската министерка за култура Рашида Дати потврди дека полицијата пронашла и мотоцикли и регистарска табличка.
Фото: Пехелс
Регион
Повторно отворена Амбасадата на Србија во Киев

Амбасадата на Србија повторно е отворена во Киев, главниот град на Украина, по привременото затворање во 2022 година поради безбедносната состојба, јави агенцијата „Анадолија“.
По тој повод бил организиран прием на кој присуствувале дипломати, претставници на државни институции и други гости.
Амбасадорот на Србија во Украина, Андон Сапунџи, изјавил дека отворањето на амбасадата симболизира „враќање на Србија во Киев“ и обновување на активната соработка меѓу двете земји.
„Нашиот работен простор сè уште не е целосно завршен, но сакав да ја споделам оваа радост со вас уште сега. Србија се врати.“ – истакнал Сапунџи, додавајќи дека од почетокот на војната повеќе од 100.000 Украинци заминале во Србија, каде што отвориле компании, а нивните деца одат на училиште.
Според украинската агенција Интерфакс, Србија обезбедува хуманитарна помош на Украина, учествува во проекти за изградба на подземни градинки во близина на фронтот, испорачува опрема за енергетската инфраструктура и организира образовни програми за деца од Сумска и Харковска област.
Двете земји воспоставиле дипломатски односи на 15 април 1994 година, а амбасадата во Киев почнала со работа во 1995.
Во март 2022 година, неколку дена по почетокот на руската инвазија, нејзината работа беше привремено прекината поради безбедносната состојба.
Свет
Орбан: Подготовките за самитот Трамп-Путин во Будимпешта продолжуваат

Унгарскиот премиер Виктор Орбан изјави дека подготовките за состанокот меѓу американскиот претседател Доналд Трамп и рускиот лидер Владимир Путин во Будимпешта продолжуваат, иако самитот беше привремено одложен поради одбивањето на Москва да прифати прекин на огнот во Украина, јави Ројтерс.
Рускиот министер за надворешни работи Сергеј Лавров изјави дека барањето за итен прекин на огнот е спротивно на договорите постигнати на претходниот самит на Алјаска, предлагајќи наместо тоа привремено примирје.
„Министерот за надворешни работи Петер Сијарто е во Вашингтон. Подготовките продолжуваат, датумот сè уште е неизвесен. Кога ќе дојде време – ќе се одржи.“
Трамп, кој претходно најави средба во обид да го прекине војниот конфликт, изјави дека не сака да одржи „бесмислен состанок“, но најави дека во следните два дена ќе има нови информации.
Орбан, долгогодишен сојузник на Трамп, одржува и блиски односи со Москва, што често го става во судир со Европската унија.