Доналд Трамп синоќа изјави дека Украина можеби нема да преживее, со или без Американците. Тој го изјави ова во интервју за „Фокс Њуз“. Водителката на „Фокс“, Марија Бартиромо го праша Трамп: „Дали сте задоволни со фактот што се повлековте и Украина можеби нема да преживее?“

„Па, тие и онака можеби нема да преживеат. Таа војна немаше да се случи ако јас бев претседател“, рече Трамп.

🇺🇸🇺🇦- Fox's Maria Bartiromo: 'Are you comfortable with fact that you walked away and Ukraine may not survive?'

Trump: Well, it may not survive anyway pic.twitter.com/58cS42QWr8

— IL Libanese (@Dal_Libano) March 9, 2025

Тој додаде: „Бајден ме остави со отворени граници кои пуштаат 21 милион луѓе, од кои многумина не треба да бидат тука. Многумина се криминалци, многумина се убијци, дилери на дрога, нарко босови. Ја имаме целата оваа збрка со Израел и нападот на 7 октомври, како и сите последици од најлошото и најглупавото повлекување во историјата“.

Соединетите Држави денеска ќе се сретнат со украинска делегација во Саудиска Арабија за да утврдат дали Украина е подготвена да направи материјални отстапки на Русија за да ја прекине војната, соопштија двајца официјални лица.

Членовите на американската делегација се заинтересирани и за тоа дали Украинците навистина сакаат подобрување на односите со администрацијата на Трамп, изјавија двајца официјални лица за Ројтерс под услов да останат анонимни, по неодамнешната средба меѓу американскиот и украинскиот претседател во Белата куќа, која брзо се претвори во кавга пред камера.

Со измените на Законот за медиуми, кои се во владина процедура и наскоро ќе влезат во собраниска расправа, ќе се воведат нови критериуми за професионално работење на онлајн медиумите. Ова го истакна министерот за дигитална трансформација, Стефан Андоновски, во интервју за „Тема на денот“ на ТВ Сител.

„Медиумите што ќе имаат импресум, назначен уредник, најмалку тројца вработени и ќе се регистрираат во Агенцијата за аудио и аудиовизуелни медиумски услуги (АВМУ) ќе добијат статус на препознаени медиуми. Ова е барање од ЕУ, но и наша намера да воспоставиме јасна граница за тоа кој ги информира граѓаните, а кој работи аматерски или со злоупотреба на информациите“, изјави Андоновски.

Тој додаде дека нема да има пречки за оние што ќе одлучат да не се регистрираат или немаат тројца вработени, но дека препознавањето на онлајн медиумите ќе биде олеснето за оние што ќе ги исполнат новите услови, особено во меѓународни рамки.

Најдоцна до јуни годинава ќе биде изработена Националната ИКТ стратегија, која што се базира на четири клучни столба. Првиот е поврзливост или инфраструктура, вториот се услугите или дигитална трансформација и на бизнис секторот и на јавните услуги, третиот се новите технологии и вештачката интелегенција и четвртиот е дигиталните вештини за граѓаните и за вработените во јавниот сектор, изјави вечерва министерот за дигитална трансформација Стефан Андоновски.

„Нашиот фокус сега е да одиме во два правци. Едниот правец е да ги дигитализираме услугите што граѓаните најмногу ги користат за да ја поткренеме свесноста дека постојат вакви електронски услуги и секако паралелно со тоа да одиме со оние институции коишто се најподготвени за брза дигитализација на нивните услуги“, рече Андоновски.

Министерот посочи на соработката со Агенцијата за катастар. Имотниот лист и пет други најкористени услуги од катастарот од оваа недела се достапни на порталот uslugi.gov.mk. Во сите центри за услуги во Скопје, во Општина Аеродром, во Јегуновце, во Куманово, во Охрид, во Битола и во Тетово граѓаните ќе можат да извадат ваков документ преку електронска услуга од катастарот.

„Што значи практично дека шалтерите од катастарот ги прошируваме низ целата држава и во нашите центри за услуги“, рече министерот.

Со измените на Законот за електронски документи од 1 јануари секој документ којшто ќе се испечати од порталот односно електронски документ ќе може да се користи како традиционален документ, со синиот печат.

„Што значи дека овие документи имаат електронски печат, електронски потпис, времен жиг кој што точно утврдува кој го произвел, кој го потпишува и во кое време, што значи имаат полноправна валидност и ќе можат да се користат“, рече Андоновски.

Обвинетиот Валмир Етеми кој е организатор на криминална група за трговија со дрога и оружје во охридско-струшкиот регион, кој беше во бегство, беше екстрадиран, но сега е пуштен од притвор откако Скопскиот Апелационен суд ја прифати неговата жалба.

Судот го прифатил предлогот за гаранција во висина од над 600.000 евра, обезбедена со хипотека на недвижен имот. Покрај тоа, му се определени и мерки на претпазливост, вклучувајќи редовно јавување на суд и одземање на патната исправа.

Скопскиот Апелационен суд објави дека за утре ќе дадат повеќе информации за образложението по кое ја прифатиле жалбата на обвинетиот, а го пуштиле на слобода, иако обвинителството за организиран криминал веќе испрати негативно мислење за пуштање на обвинетиот, наведувајќи неколку важни причини.