Дваесет лица се повредени во судир на два градски автобуси што се случи утринава на раскрсницата на улиците Вуковарска и Чесариќева во Осиек, а според досегашните информации, никој не е во животна опасност, известија од градската управа на Осиек.

Градоначалникот Иван Радиќ за новинарите изјави дека несреќата се случила утрово околу 6.40 часот кога автобус од Градскиот патнички превоз (ГПП) во Осиек запрел на семафор со десет патници кога во него удрил друг автобус  со 20 патници.

Во болница се примени 20 повредени лица, а засега ниту едно не е во животна опасност, а во тек е полициска истрага за утврдување на причините за несреќата, посочи градоначалникот.

Тој додаде дека автобусот, кој удрил во друг автобус, полицијата ќе го однесе на технички преглед, иако веќе поминал редовен технички преглед, а во февруари периодичен технички преглед, кој не констатирал недостатоци.

Градоначалникот Радиќ на сите повредени патници им посака брзо закрепнување. Од КБЦ Осиек потврдија дека примиле 20 повредени лица, медицинска помош е во тек, а според првичните информации ниту една од повредите не е опасна по живот.

Гренландскиот премиер Муте Б.  Егеде го нарече многу агресивен потег посетата на американската делегација во земјата, во која е и сопругата на американскиот потпретседател, Уша Венс.

Уша Венс, сопруга на американскиот потпретседател Џ. Венс доаѓа на Гренланд оваа недела за да присуствува на националната трка на кучиња и „да ја прослави културата и заедницата на Гренланд“, се вели во соопштението на Белата куќа. За Гренланд треба да отпатува и советникот за национална безбедност на Трамп, Мајк Волц, потврди извор запознаен со маршрутата.

„Што прави советникот за национална безбедност на Гренланд? Единствената цел на неговата посета е да ја демонстрира американската моќ над нас. Неговото присуство дополнително ќе ги охрабри Американците да веруваат во мисијата на Трамп, а притисокот ќе се зголеми“, изјави Егеде за гренландскиот весник Sermitsiaq.

Тензиите меѓу САД и Гренланд се зголемија откако американскиот претседател Доналд Трамп постојано вели дека САД имаат намера да ја анектираат автономната територија на Данска, доколку е потребно со сила или економски притисок.

„Мислам дека ќе го добиеме на еден или друг начин“, рече Трамп претходно овој месец во обраќањето пред Конгресот.

Гренланд, најголемиот остров во светот богат со ретки минерали важни за високотехнолошката индустрија, со години е предмет на стратешките интереси на САД, Кина и Русија. Заканите на Трамп дополнително ги влошија односите меѓу САД и Данска, која сè уште има контрола врз одбраната и надворешните работи на Гренланд.

Забава за 16-ти роденден во Лондон заврши со напад на група млади со ножеви, при што беа повредени двајца тинејџери.

Полицијата уапси тројца тинејџери по инцидентот во основното училиште Елм Парк во Хеверинг, Есекс, кој се случи во саботата вечерта.

Околу 21 часот упаднале околу 50 млади луѓе во училишната сала, по што избиле тепачки кои траеле до 23 часот.

Last night, a school in Elm Park had a party, but the party stopped as a gang of youths with knives turned up. pic.twitter.com/6ncFs7MyXx

— London & UK Street News (@CrimeLdn) March 23, 2025

19-годишник и 16-годишно момче се пренесени во болница со повреди кои не се опасни по живот.

Лондонската полиција соопшти дека биле нападнати и нивни полицајци.

Тројцата уапсени тинејџери се однесени во полициска станица во источен Лондон и пуштени со кауција, со обврска да се вратат на сослушување.

Мајката на 15-годишното девојче, кое заврши во болница, за локалните медиуми изјавила: „Таа отишла на забава за која се вели дека има обезбедување, но немало ништо и се тргнало наопаку“.

„Полицијата беше повикана нешто по 21 часот во саботата, на 22 март, на тепачка во која учествувала поголема група млади. Кога полицајците пристигнале, неколку тинејџери станале агресивни кон нив. Тројца биле уапсени поради напад. На полицајците им била укажана помош на местото на настанот без потреба од хоспитализација”, изјавил портпаролот на полицијата.

Истрагата е во тек.