Македонија
И во Центар ќе се проверуваат сите објекти за да се утврди дали се безбедни од пожари
На итен состанок на Штабот за заштита и спасување на Општина Центар, што се одржал вчера со присуство на инспекциските служби на општината и Командирот на ПС Беко Игор Стаменковски, била разгледана безбедносната состојба во општината и предложени мерки за подобрување на сигурноста и заштитата на граѓаните.
На состанокот, одржан барање на градоначалникот Горан Герасимовски, се анализирала безбедноста на станбените објекти, при што биле утврдени потенцијални ризици и предложени конкретни мерки за зголемување на безбедноста, како и на угостителските објекти и биле дискутирани мерки за подобрување на безбедноста и усогласување со прописите. Исто така се разговарало и за функционалноста на хидрантната мрежа во станбените и деловните објекти, како и за мерките за подобрување на безбедноста на училиштата и градинките.
– Првиот состанок го имавме со директорите на сите општински основни училишта, затоа што безбедноста на децата за наш е најважна. Сите училишта и градинки имаат изработено План за заштита и спасување, Процена на загрозеност на институцијата и за истите имаат добиено позитивно мислење од Дирекцијата за заштита и спасување, што потврдуваме дека имаме темелна основа за континуирана превенција и обезбедување на безбедна средина за нашите деца, истакна Герасимовски, пренесува службата за односи со јавност на Општина Центар.
Инспекторот за домување добил насоки и задолженија во текот на следната недела да закаже состанок со управителите на станбени, станбено-деловни и деловно-станбени згради како и со регистрираните заедници на сопственици, во врска со почитувањето на пропишаните норми и стандарди за домување, особено во делот за заштита и спасување (хидранти, пп апарати, лифт, фасада итн.)
– Ќе се вршат инспекциски надзори, ќе се преземаат инспекциски мерки и ќе се носат инспекциски акти во врска со почитувањето на одредбите од Законот за домување, Правилникот за нормите и стандардите за домување во станбените згради како и останатата законска како и подзаконска регулатива која е во наша надлежност во однос на Плановите за одржување на станбените згради како и застапеноста на противпожарната опрема и одржувањето на истата. Исто така ќе бидат известени надлежните институции и органи во однос на противпожарната опрема во зградите каде истата не е застапена или е нефункционална. Дополнително, во текот на следната недела ќе закажеме состанок со Подрачното одделение за заштита и спасување – Центар, во однос на заедничка акција односно заедничко постапување на службите, изјави Герасимовски.
Во таа насока, Општина Центар ги потсетува сите угостителски објекти на нивната обврска за преземање на неопходни безбедносни мерки и ги информира дека инспекциската служба на општината ќе продолжи со спроведување на засилени инспекциски контроли.
За таа цел, потребно е управителите на угостителските објекти да извршат безбедносни проверки и да ја подготват следната документација, која ќе биде предмет на инспекциската контрола:
Тековна состојба (не постара од 6 месеци)
Лична карта на одговорното лице
Контакт лице со телефонски број и е-маил адреса
Имотен лист за објектот во кој се врши дејноста
Одобрение за вршење дејност или Известување за започнување со вршење дејност, заверено од Државен инспекторат за труд
Известување за започнување со вршење дејност, доставено до Општина Центар – Скопје
Потврда за работно време издадена од Централен регистар на РСМ
Пријава за работно време и распоред на работното време за угостителските објекти во Општина Центар – Скопје
Заверени нормативи за храна и пијалоци
Одобрение за поставување урбана опрема
Елаборат за поставување урбана опрема
Елаборат за заштита на животна средина
Елаборат за заштита од пожари и доказ за негово спроведување на лице место Оваа документација треба да биде достапна во објектот, а лицата што управуваат или работат во него треба да ја приложат на увид на инспекторите.
– За потребите на инспекциската постапка, документите треба да бидат во фотокопија (оригиналите ќе бидат само на увид). Доколку инспекторите утврдат неправилности, ќе биде издадено Решение за отстранување на недостатоците, кое треба да се реализира во рок од 8 дена, укажуваат од Општина Центар. Нагласуваат дека остануваат посветена на унапредување на безбедноста на сите граѓани и апелираат на соработка од страна на угостителските субјекти за заедничко создавање на побезбедна средина.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Мицкоски со благодарност до Фондацијата Конрад Аденауер: Партнерството и соработката продолжуваат
Денес сме собрани за да одбележиме едно партнерство и сме овде за да изразиме благодарност. Да го признаеме придонесот на еден сојузник, на една визија, на една вредносна платформа што стана дел од нашата современа историја и пат. Фондацијата Конрад Аденауер, именувана по еден од најголемите европски државници на 20. век, е амбасадор на демократската идеја. Таа е сведоштво дека вредностите можат да патуваат преку граници, преку генерации и преку тешкотии — и да вкоренат стабилност, дијалог и надеж“, рече претседателот на Владата Христијан Мицкоски на денешниот свечен прием по повод одбележување на 25 години од работата на Фондацијата Конрад Аденауер во Република Северна Македонија.
Германскиот канцелар Конрад Аденауер некогаш рекол:
„Историјата не се менува со зборови, туку со дела. А делата почнуваат со визија и храброст.“
„Почнувајќи уште од времето кога нашето општество се соочуваше со транзиција, со економска и политичка неизвесност, фондацијата беше присутна — со обуки, со јавни дебати, со поддршка на граѓански организации, со едукација на млади луѓе. Настапуваше со почит. Со разбирање. Со волја да се гради и да се слуша. И токму во тие тешки времиња се гради вистинското пријателство. Не кога се слави, туку кога се сомнева. Не кога е лесно, туку кога е потребно.“, посочи Мицкоски.
Премиерот Мицкоски нагласи дека Конрад Аденауер Фондацијата веруваше во нас, како што рече тој дури и кога некои други се двоумеа.
„Нашиот пат кон демократија не беше праволиниски. Имавме свои грешки, сопки, разочарувања. Но и секогаш имавме партнери што веруваа во нашиот капацитет за напредок. Конрад Аденауер Фондацијата веруваше во нас дури и кога некои други се двоумеа. Веруваше дека можеме да станеме дел од европското семејство. Дека младите овде заслужуваат иднина во својата татковина.“, објасни тој и додаде:
„И затоа, кога денес зборуваме за евроинтеграции, за владеење на правото, за борба против корупцијата, за слобода на медиумите- знаеме дека зад тие процеси не стојат само политички декларации. Стојат години на вложување, соработка и визија.
Премиерот Мицкоски се заблагодари на Конрад Аденауер Фондацијата за довербата и досегашната соработката, изразувајќи надеж дека истата ќе продолжи и во иднина.
„Ако нешто научивме во изминатите три децении, тоа е дека трајните промени се можни само кога се градат од внатре- но со надворешна поддршка што е чесна, компетентна и вредносно ориентирана. И затоа, во името на Владата сакам да изразам длабока благодарност до Фондацијата Конрад Аденауер. За довербата. За истрајноста. За партнерството. Нека оваа соработка продолжи. Нека инспирира нови млади, нови идеи и нова надеж. Да продолжи пријателството меѓу Македонија и Сојузна Република Германија.“, порача Мицкоски.
Македонија
Арсовска: „Храбриот“ Меџити наместо да дојде во Чаир заедно со неговата „принцеза на дивоградбите“, промовира туѓи проекти
Изет Меџити наместо да дојде во Чаир, таму каде што е најповикан заедно со неговата „принцеза на дивоградбите“, тој се исмева со граѓаните додека промовира туѓи проекти, вели градоначалничката на Град Скопје, Данела Арсовска, по промоцијата на електричните автомобили.
Арсовска вели дека проектот за споделување на автомобили е проект започнат во соработка со приватна компанија и претпријатијата на градот Скопје.
„’Храбриот’ Меџити никаде го нема да се соочи на терен со мене за дивоградбите кои тој и Висар Ганиу со години спротивно на закон ги граделе и легализирале во Чаир, со фалсификување на документи и одобренија за тие дивоградби“, вели Арсовска.
Срам за Македонија и оваа влада, додава таа, се Изет Меџити и Висар Ганиу.
„Замислете, човек кој стои позади стотици дивоградби, ставил во ризик илјадници граѓани, фалсификувал документи со својот измеќар, сега е вицепремиер и промовира туѓи проекти пред медиумите и граѓаните“, вели Арсовска.
Македонија
ВМРО-ДПМНЕ: Заев се сончаше по плажите додека беснееја пожари
Заев се сончаше по плажите додека беснееја пожари, Владата предводена од ВМРО-ДПМНЕ има конкретен план за справување со пожари во претстојната сезона, реагира ВМРО-ДПМНЕ на обвинувањата од СДСМ.
„Во време на СДС, Заев се сончаше по плажите и не се врати во државата додека во Македонија беснееја пожари. Седум години државата беше оставена без пилоти и со стари возила и технички средства. 7 години двата авиони за гаснење на пожари беа вон функција и без пилоти. 7 години СДС не инвестираше во возила за гаснење на пожари и во технички средства. Владата предводена од ВМРО-ДПМНЕ работи на сериозна и целосна трансформација на целиот систем за управување со кризи“, пишува во реакцијата.
Од таму велат дека „Ер тракторите“ моментално се на сервисирање и во краток рок се очекува да има три „ер трактори“ во пресрет на сезоната на пожари.
„Владата предводена од ВМРО-ДПМНЕ работи посветено и има план за полесно справување во претстојната сезона на пожари“, велат од партијата.
Арсовска: „Храбриот“ Меџити наместо да дојде во Чаир заедно со неговата „принцеза на дивоградбите“, промовира туѓи проекти
Изет Меџити наместо да дојде во Чаир, таму каде што е најповикан заедно со неговата „принцеза на дивоградбите“, тој се...
Припадниците на „Беланоца- Барон“ се гонат за убиства, палење на автомобили на службеници од „Идризово“, изнуда на пари од фирми
Обвинителството поднесе обвинение против девет припадници на организираната криминална група „Беланоца- Барон“ за повеќе тешки кривични дела извршени во период...
„Ер тракторите“ се на сервис, недостигаат пилоти и опрема – Ангелов верува дека ќе се справи со слабостите во ДЗС
Новоназначениот директор на Дирекцијата за заштита и спасување (ДЗС), Стојанче Ангелов, пред новинарите зборуваше за агонијата со којашто се соочува оваа...
Меџити убеден дека информатичарот Азир Алиу ќе се снајде и во Здравство: Министерот треба да биде добар менаџер, Алиу е најдобар предлог
Првиот вицепремиер и министер за животна средина Изет Меџити смета дека докторот по информатички науки и поранешен министер за информатичко...
Филипче: Британскиот заем е како да подигнам кредит со вашата лична карта, па од утре да плаќате камати, а не сум ви кажал ништо
Власта со целосно погрешни економски политики ја води државата во погрешен правец, порача претседателот на Социјалдемократскиот сојуз на Македонија, Венко...
За изборот на нов министер на местото на Таравари се чека предлогот од Владата, Гаши уверува дека мнозинството е стабилно
Премиерот треба да го предложи новиот министер за здравство, кој ќе го замени Арбен Таравари. Кога ќе дојде на дневен...
(Фото) Ангелов му ја предаде директорската функција во ЦУК на Мухамед Аљи: Верувам дека ќе биде тешко да го следи моето работно темпо
Денеска, во 10 часот, во просториите на ЦУК ја предадов функцијата директор на ЦУК на Мухамед Аљи, кој на оваа...
Стојанче Ангелов нов в.д. директор на Дирекцијата за заштита и спасување: најави спојување со ЦУК
Досегашниот директор на Центарот за управување со кризи, Стојанче Ангелов, од денеска ќе ја извршува функцијата в.д. директор на Дирекцијата...
Силен земјотрес ја погоди Грција
Земјотрес со интензитет од 4,8 степени според Рихтеровата скала се случи во 3.06 часот наутро по локално време во Грција...
(Видео) 50 повредени во Ливерпул, двајца во критична состојба, полицијата: Не е тероризам
Речиси 50 лица се повредени, а 27 се однесени во болници, вклучувајќи двајца во критична состојба, од кои едно е...
(Видео) Пукање во Филаделфија, најмалку двајца мртви
Две лица се убиени, а најмалку осум други се ранети во масовно пукање што се случи синоќа во паркот Фермаунт...
Зеленски: Разузнавачките информации докажуваат дека Путин нема планови да ја заврши војната
Украинскиот претседател Володимир Зеленски ја обвини Русија дека планира нова офанзива. „Нема знаци дека рускиот претседател Владимир Путин сериозно размислува...
Путин: Ако „Мекдоналд“ одлучи да се врати, нема да му поставиме црвен тепих
Русија нема да „го простира црвениот тепих“ за „Мекдоналдс“ ако компанијата одлучи да се врати во Русија, изјави Владимир Путин...
Ацо Боцевски-Циганот уапсен во грчкиот град Катерини: беше во бегство 27 години
По 27 години бегство, во Грција е уапсен Ацо Боцевски, познат под прекарот Циганот, македонски државјанин осуден за убиство. Според...
Путин: Русија беше принудена да реагира на ситуацијата што се разви во Украина
Русија беше принудена да реагира на ситуацијата што се разви во Украина по државниот удар во 2014 година, вклучително и...
„Кој и да е сопственик, не е блиска пријателка на мојата сопруга“, рече Тошковски за малото модното студио кое ќе набавува униформи за полицијата
Фирмите кои треба да набават униформи за специјалната полиција во вредност од 3,8 милиони евра ги исполните сите услови пропишани...
Разбиена мрежа за проституција: Лица од Бразил и Сирија носеле Бразилки во Скопје каде нуделе сексуални услуги
Основното јавно обвинителство за гонење на организиран криминал и корупција до Основниот кривичен суд поднесе обвинителен акт против четири лица....
Алијанса за Албанците формира Привремен координациски совет за да нема конфузии во јавноста
Алијанса за Албанците формира Привремен координациски совет за да нема конфузии во јавноста по, како што велат, едностраните дејствија на...
Сиљановска-Давкова му подари на папата Лав XIV длабока резба од дабово дрво со мотив „Желад“
Претседателката Гордана Сиљановска-Давкова во Апостолската палата имаше аудиенција кај поглаварот на Римокатоличката црква, папата Лав XIV. На средбата традиционално беа...
Нема нови случаи на мајмунски сипаници, ризикот од ширење е мал, велат од ИЈЗ
Нема нови случаи на мајмунски сипаници во земјата, а ризикот од ширење е мал, велат од Институтот за јавно здравје....
