Спорт
Сасусоло експресно се врати во Серија А

Фудбалерите на Сасуоло по едногодишно отсуство обезбедија враќање во Серија А. На пет кола до крајот на сезоната во Серија Б, Сасусоло стекна недостиѓна предност во однос на ривалите.
Сасуоло, предводен од клупата од поранешниот италијански репрезентативец Фабио Гросо, има недостижни 16 бода предност пред третопласираната Специја. Директен пласман во Серија А ќе изборат најдобрите две екипи од Серија Б, а екипите од третото до шестото место ќе играат плеј-оф и потоа ќе биде познат и третиот патник во најфисокиот ранг на италијанскиот фудбал.
Минатата сезона Сасуоло заврши претпоследен, 19-ти во Серија А, а Гросо го презеде клубот во јуни 2024 година.
Претходно, Гросо го водеше Олимпик Лион три месеци (септември – ноември 2023 година), а во тој период забележа со само една победа во седум првенствени натпревари и повреда што ја заработи кога клупскиот автобус беше каменуван на патот кон стадионот во Марсеј.
Гросо во 2006 година со репрезентацијата на Италија го освои светскиот шампионат во Германија.
Оваа сезона Гросо го предводи тимот до 23. победи и само четири порази во Серија Б.
Пласман во Серија А може да избори и второпласираната Пиза, предводена од уште еден поранешен италијански репрезентативец Филипо Инзаги. Пиза има седум бода предност пред Специја.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Столбот на одбраната на Челзи се здоби со тешка повреда

Дефанзивецот на Челзи, Ливај Колвил, претрпе повреда на предните вкрстени лигаменти, потврди клубот од „Стенфорд Бриџ“.
Човекот кој минатата сезона се етаблираше како најпостојан стопер на „сините“ и столб во походот кон трофејот во Конференциската лига, сега ќе мора да направи долга пауза.
Колвил се повредил на првиот тренинг во понеделникот, а вчера бил опериран.
Предвидувањата велат дека тој би можел да биде надвор од терените помеѓу шест и 12 месеци, во зависност од брзината на закрепнувањето.
Менаџерот Енцо Мареска ги има на располагање Весли Фофана, Тревор Чалоба, Ренато Веига, Аксел Дисаси, Беноа Бадијашил, Тосин Адарабиохо и Арон Анселмино.
Тимот од „Стемфорд Бриџ“ ќе ја започне новата сезона во Премиер лигата на 17 август, кога ќе го пречека Кристал Палас.
Спорт
Мората се враќа во Серија А

По Јувентус и Милан, Алваро Мората ќе игра во Серија А и за Комо. Галатасарај попушти и се согласи да ја раскине позајмицата на искусниот напаѓач, кој минатата зима пристигна од Милан на една година.
Според информациите што доаѓаат од Италија и Шпанија, Турците ќе добијат 5.000.000 евра од Комо, додека Милан ќе добие 1.000.000 за позајмицата.
Милан наредното лето ќе заработи уште 9.000.000 евра, бидејќи Комо ќе мора да го откупи договорот на Мората.
Ова значи дека Комо ќе потроши вкупно 15.000.000 евра за обештетување за 32-годишниот напаѓач.
Комо се исклучително активни во овој преоден рок, досега клубот на засилувања потроши над 100.000.000.
Foto/ EPA/OLAF KRAAK
Спорт
Mozzart ја пишува спортската приказна – нов терен за идните шампиони во Свети Николе

Свети Николе стана третото светло на мапата на надежта, добивајќи мини пич терен, донација од компанијата Mozzart, во рамки на акцијата „Фудбалот е повеќе од игра“. Оваа иницијатива не е само за спорт, туку за соништа, за младите кои со топка во нозете го бараат својот пат кон иднината.
Приказната започна покрај езерото во Охрид, продолжи низ срцето на Велес, и сега, со топлина и гордост, завршува во Свети Николе. Но ова не е крај — ова е само почеток на нешто поголемо.
Трите нови терени ќе бидат места каде ќе се раѓаат идните македонски фудбалски ѕвезди, каде детските соништа ќе добиваат крилја, а секој удар по топката ќе носи надеж.
Новиот терен во Свети Николе гордо ќе го носи името на легендата Бобан Бабунски — симбол на македонскиот фудбал и инспирација за генерации.
„Вистинска чест и задоволство ми е што овој терен ќе го носи моето име. Ова е навистина прекрасна акција на Mozzart, преку која се буди љубовта кон спортот и се создаваат нови успешни приказни. Се надевам дека и други компании ќе го следат овој пример“, изјави Бабунски.
Првите кои ја почувствуваа магијата на новиот терен беа младите фудбалери од ФК Овче Поле, кои одиграа натпревар со хуманитарна цел — собраните средства беа наменети за Центарот за социјална работа во Свети Николе. Фудбалот, уште еднаш, покажа дека може да биде мост меѓу срцата.
„Ова е третиот и последен мини пич терен што го отвораме оваа година. Акцијата Фудбалот е повеќе од игра се покажа како многу успешна, и веќе добиваме нови барања. Започнавме од Охрид, продолживме во Велес и завршуваме во Свети Николе — но оваа приказна само што започна. Следната година нè очекуваат нови проекти. Продолжуваме да создаваме можности за младите спортисти“, рече Ивана Стефановска Крстевска од Mozzart.
Акцијата која започна во Србија, годинава доби своја македонска верзија и со секој нов терен, Mozzart ја потврдува својата посветеност кон спортот, младите и иднината.
ПР