Македонија
Светски ден на новинарите: Ниски плати, несигурност и притисоци

На 3 мај се одбележува Светскиот ден на работниците и медиумските работници, кога се фрла светло врз условите во кои работат новинарите, кои не се борат само за вистината – туку и за основните права, достоинствени услови и безбедност.
Синдикатот на новинари и медиумски работници објави податоци за ризиците со кои се соочуваат новинарите. Тие истакнуваат дека најголем дел од новинарите и медиумските работници во земјава работат во услови на прекаријат – со ниски плати, несигурни работни места, под силни притисоци и често со високо ниво на автоцензура.
Како еден од ризиците ССНМ го истакнуваат и влијанието на вештачката интелигенција.
„Иако на голема врата влијае врз новинарството се уште не се зема сериозно, бидјеќи медиумската сфера се соочува со низа на сериозни проблеми“ велат од ССНМ.
Нивните податоци покажуваат дека во медиумите во земјава работат околу 2100 луѓе, распоредени на 3146 работни позиции и дека околу половина од новинарите и 70 отсто од медиумските работници имаат припаѓа под просечната месечна плата.
Во онлајн медиумите пак, од околу 700 луѓе, само 39,1 отсто се редовно вработени, што е речиси исто и со локалните медиуми каде речиси две третини се хонорарно вработени новинари и медиумски работници.
„Една четвртина од граѓаните во Република Северна Македонија распротранети на повеќе од половина од територијата живеат во тн. медиумски пустини“ велат од ССНМ.
Тие истакнуваат дека без професионално новинарство не може да има развој на демократијата и дека само социо-економски обезбедени новинари може да известуваат објективно и да го бранат јавниот дискурс.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Македонија
Регистрирани се 20 пријави за нарушување на изборниот молк

За време на предизборниот молк, во текот на 18.10.2025 до 07:00 часот на 19.10.2025, односно до отворање на избирачките места, регистрирани се 20 пријави за нарушување на изборниот молк од кои шест на подрачје на СВР Скопје, четири на подрачје на СВР Куманово, потоа СВР Велес – три, по два настани на подрачје на СВР Охрид, СВР Штип и СВР Битола и еден на подрачје на СВР Струмица. По преземени мерки не се потврдени пријавите за 15 настани, извести МВР.
„Покрај ова, регистрирани се 47 објави на социјалните мрежи за време на изборниот молк кои се однесуваат на повик за гласање за одредени кандидати, како и објавени видеа и слики од партиски активности во штабови.
На сите подрачја гласањето на болни и изнемоштени лица и затвореници помина без нарушување на гласањето, регистриран е само еден настан“, додаваат од МВР.
Македонија
(Видео) ДИК: На две избирачки места гласањето се одвива без користиње на уредот за биометриска идентификација

Во Куманово едно избирачко место, број 1133, каде се запишани 12 гласачи, поради објективни околности, односно немање струја во тоа избирачко место, се гласа без уредот за биометриска идентификација, известија од ДИК.
„Согласно Изборниот законик, ДИК донесе одлука гласањето на ова избирачко место да продолжи непречено без користиње на уредот за биометриска идентификација. Не сакавме да се губи времето, затоа одлучивме на ова избирачко место гласањето да продолжи со користење на УВ спреј и УВ ламба“, изјави Борис Кондарко, претседател на ДИК.
Иста ваква одлука е донесена за едно избирачко место во Штип, број 2271 каде што има запишано 507 гласачи.
„На ова избирачко место поради технички причини, ИТ лицата ангажирани од ДИК направија обид со два резервни уреди и две смарт картички, но не можеше да се стартува тој уред за биометриска идентификација. За непречено одвивање на гласањето, донесовме одлука и во ова избирачко место гласањњто да продолжи со УВ спреј и УВ ламба за идентификација на гласачите“, додаде Кондарко.
Македонија
(Видео) Тошковски: На терен се над 90 отсто од силите со кои располага МВР

Денеска е ден на демократијата, денеска македонските граѓани ќе можат да си го остварат своето право на глас во рамки на едни фер и демократски избори да си ги изберат своите градоначалници и советнички листи, кажа министерот за внатрешни работи Панче Тошковски.
Тој извести дека само во едно место, село во општина Прилеп, гласањето започнало подоцна.
Министерот очекува мирна, демократска и фер изборна атмосфера.
„Ги повикувам сите граѓани да го остварат своето право на глас, да ги дефинираат чекорите во иднина, да можеме да искреираме иднина каква што заслужуваат нашите граѓани“, кажа Тошковски.
Тој додаде дека се активирани над 90 отсто од силите со кои располага МВР и се фокусирани на спроведување на мирен изборен процес.
„Ги преземаме сите дејствија коишто треба да се преземат. На терен сме, ги контролираме оние жешки точки. Сега за сега нема никакви проблеми. Имаме констатирано четири настани кадешто има потенцијално нарушување на изборниот молк во текот на вчерашниот ден. Се постапува и се истражува. По утврдувањето на целосната фактичка состојба ќе биде известена јавноста“, извести Тошковски.