Силно невреме проследено со обилни врнежи од дожд предизвика хаос во неколку региони во Романија. Активиран е црвен аларм за поплави во 12 области. Неколку стотици пожарникари се на терен, бидејќи водата влегла во многу куќи по поплавите, а и браните пукнале.

Дождот ќе продолжи да паѓа и денес, пренесуваат локални медиуми.

На жителите во округот Ковасна вчера им беше наредено да ги напуштат своите домови бидејќи во секој момент постои ризик поројот да однесе сè пред себе.

„Брегот на реката е зајакнат со вреќи со песок, но проблемот е што е многу блиску до куќите.

Евакуиравме 90 проценти од селото“, рече градоначалникот на Добарлау, Богдан Барбу.

Најтешко е за мештаните кои гледаат како сè што изградиле во текот на животот е оставено на милост и немилост на природата.

„Ова не е прв пат, веќе еднаш поминавме низ ова. Ги зедовме сите највредни работи и излеговме надвор. Имаме мали деца, не смееме да останеме“, рече еден локален жител.

Нивниот најголем проблем е како да го заштити добитокот.

„Ги ставивме во приколка и ги однесовме кај чичковци и тетки, кој можеше да ги земе. Останаа неколку кокошки и пилиња. Ги зедовме кучињата и ги пуштивме“, додаде тој.

Додека не помине опасноста, оние што немаа каде да одат се сместени во специјални засолништа.

„Ситуацијата е сè уште критична бидејќи земјиштето е презаситено со вода. Луѓето се исцрпени и исплашени“, рече министерот за животна средина Мирча Фекет, кој ги посети поплавените подрачја.

Унгарскиот премиер, Виктор Орбан, денес изјави дека претседателствувањето на Доналд Трамп донесе „цивилизациски промени“ и „ја врати надежта во светот“.

Во својот воведен говор на Конференцијата за конзервативна политичка акција (CPAC) во Будимпешта, Орбан рече дека ја предвидел победата на Трамп на истата конференција минатата година.

„И тој победи. Следната година има избори во Унгарија. Дали има уште прашања“, рече Орбан, како што објави MTI.

Тој го опиша враќањето на Трамп како „торнадо на Трамп што го зафати светот“, нагласувајќи дека американскиот претседател „ја врати надежта и мирот во нормалниот живот“.

„Нема да се удавиме во море од „разбудена“ идеологија, нема да бидеме преплавени од мигранти“, рече Орбан, опишувајќи ја победата на Трамп како најголемиот камбек што Западот некогаш го видел.

Магацин на Обединетите нации во централниот дел на Појасот Газа беше пробиен, додека очајни и гладни луѓе упаднаа во објектот во потрага по храна. Според извештајот на Светската програма за храна (WFP), две лица загинаа во инцидентот, додека неколку други беа повредени. Обединетите нации предупредуваат дека Газа е на работ на тотален глад и апелираат за итно зголемување на испораките на помош за да се избегне хуманитарна катастрофа.

After nearly three months of forced starvation and an aid blockade imposed by Israel, “hordes of hungry people” broke into a UN warehouse in Gaza, the World Food Programme says.

“Initial reports indicate two people died and several were injured,” the UN agency added pic.twitter.com/uJaSy1NhxQ

— TRT World (@trtworld) May 29, 2025

Видеата потврдени од Ројтерс како автентични покажуваат големи групи луѓе како упаѓаат во магацинот, носејќи торби и кутии со храна, додека во позадина се слушаат истрели.

"2 people have died & several others injured after a UN aid warehouse in central Gaza was broken into"

The way to prevent scenes like this is to flood Gaza with aid. But Israel wants scenes like this. Thats why they're only allowing a tiny amount of food in #GMB pic.twitter.com/VxRx0ZcAMS

— Saul Staniforth (@SaulStaniforth) May 29, 2025

По единаесет недели целосна блокада, пред десет дена Израел дозволи ограничена хуманитарна помош да влезе во Газа, преку Обединетите нации и новоформираната Американска хуманитарна фондација за Газа (GHF). Сепак, специјалниот претставник на ОН за Блискиот Исток, Сигрид Кааг, предупреди дека количината на помош „изгледа како чамец за спасување откако брод ќе потоне“.

Во меѓувреме, израелските сили продолжуваат со воените операции, при што во средата загинаа најмалку 30 Палестинци, според локалните здравствени власти. Војната избувна на 7 октомври 2023 година, кога Хамас го нападна јужен Израел и зеде околу 250 заложници, при што загинаа 1.200 луѓе. Оттогаш, според палестинските податоци, повеќе од 53.000 луѓе се убиени во израелски напади.

Израелскиот премиер Бенјамин Нетанјаху изјави дека убиството на лидерот на Хамас во Газа, Мохамед Синвар, означило пресвртница кон „тотален пораз на Хамас“ и дека Израел сега „ја презема контролата врз дистрибуцијата на храна“.

Обединетите нации велат дека досега успеале да превземат само над 200 од 800 камиони со помош што влегле во Газа, поради небезбедност и ограничен пристап. Во исто време, Фондацијата GHF наведува дека досега дистрибуирала повеќе од 840.000 оброци и отворила втор центар за дистрибуција на помош.

Канцеларијата на ОН за човекови права објави дека во вторникот 47 лица биле повредени во обид да побараат помош, додека GHF тврди дека никој не бил повреден на нивните локации.