Спорт
(Видео) Шортс ги избриша солзите, па премина во Панатинаикос

Плејмејкерот и член на идеалниот состав на Евролигата, Ти-Џеј Шортс, повеќе не е член на Париз, а клубот сподели видео порака во која натурализираниот репрезентативец на Северна Македонија, висок 175 см, се збогува со шампионите на Франција.
„Постојат многу емоции зад оваа одлука и дефинитивно не ми беше лесно да го напуштам Париз. Ова беше мој дом две години“, започна 27-годишниот Шортс откако ги избриша солзите.
Merci pour tout @TjShorts5 🐐🙏
Le club te souhaite le meilleur dans la suite de ta carrière 🖤❤️💙 pic.twitter.com/ZMcZkf5K98
— Paris Basketball (@ParisBasketball) June 26, 2025
Шортс откри дека се консултирал со својот агент и семејството пред да одлучи кога е вистинско време да го напушти Париз и да проба нешто ново.
Тој го издвои освојувањето на Еврокупот како свој омилен момент во клубот, а Шортс се стреми кон поголеми цели – стана член на Панатинаикос, и помина долго време пред да биде објавен тој трансфер.
Атинскиот гигант донесе член на идеалната петорка на Евролигата за минатата сезона за две сезони, а грчката SDNA тврди дека договорот нема клаузула за „излегување од НБА“ за ова лето.
Офанзивниот арсенал на „зелените“ стана многу помоќен со доведувањето на човек кој бележеше просек од 18,7 поени и 7,5 асистенции по натпревар во натпреварите од Евролигата со 2,7 скока и 1,1 украдени топки, а ќе биде интересно кога ќе биде спарен со Кендрик Нана, најкорисниот играч на елитното континентално натпреварување минатата сезона.
Парижаните ќе го паметат Шортс по споменатиот Еврокуп 2024, но и по освојувањето на првата титула национален шампион во кратката историја на клубот по победата над Монако со 3:2 во финалната серија.
Тимот предводен од турскиот стручњак Ергин Атаман минатата сезона важеше за „супер тим“, но не успеа бидејќи го испушти финалето на Евролигата и титулата во грчкото првенство, но го освои домашниот Куп.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Спорт
Витсел како слободен играч се пресели во Џирона

Аксел Витсел (36) како слободен играч го напушти Атлетико Мадрид. Се очекуваше да потпише договор со Удинезе, но во последен момент ја смени одлуката. Белгиецот реши да остане во Шпанија.
Аксел Вотсел наредната сезона ќе го носи дресот на Џирона. Тој ќе потпише двегодишен договор со каталонскиот клуб. Изминатите три сезони ги помина во Атлетико Мадрид, за кој одигра 116 натпревари и постигна три гола.
Спорт
Спарс замената за Сон ја најдоа на „Етихад“

Тотенхем експресно најде замена за Сон. Клупската легенда по 10 години го напушти клубот и се пресели во Лос Анџелес. Замената за Сон треба да биде крилниот напаѓач на Манчестер сити, Савињо.
Бразилецот дојде во Сити минатата сезона. Во 48 натпревари постигна само еден гол, но запиша 13 асистенции.
Тотенхем ја испрати првата понуда. Таа изнесува 50 милиони евра, двојно повеќе од сумата што „граѓаните“ му ја платија на Троа минатото лето. Сити ја одби првата понуда со образложение дека сака повеќе.
Ќе видиме како ќе се одвиваат работите, бидејќи Бразилецот сака трансфер, со оглед на тоа што не му е загарантирано место во првата поставата.
Спорт
Ѓоковиќ мора да сруши делови од вилата
Новак Ѓоковиќ и шпанските власти најдоа решение, за вилата на тенисерот во Марбеља.
Покрај казната што српскиот тенисер ќе мора да ја плати, тој ќе мора да отстрани одредени помошни објекти за кои немал градежна дозвола.
„Ла Опин де Малага“ пишува дека проблемот е всушност тремот, надворешниот туш и пренамената на подрумот во гаража.
„Во февруари 2025 година, општината го предупреди српскиот ас да ги отстрани неправилностите во рок од два месеци – што не се случи. Ова е трета казна откако купи вила во Марбеља во 2020 година, а вкупната сума сега изнесува 15.000 евра“, пишува „Нова“.
Ве потсетуваме дека Ѓоковиќови се заљубиле во вилата додека престојувале во Марбеља како закупци, плаќајќи околу 10.000 евра неделно. во 2024 година.