Спорт
Ѓоковиќ од Вимблдон преку Макфакс порачува: Ветувам, многу бргу се гледаме во Македонија!
Пред почетокот на годинешниов трет гренд слем турнир во Вимблдон, на воведната прес конференција, најдобриот тенисер на сите времиња, Новак Ѓоковиќ одговори и на три прашања на известувачот на Макфакс.
Макфакс: Новак, прв противик на Турнирот во вторник ќе ви биде Александре Муле од Франција. Во интервјуто дадено за интернационалниот тениски портал, „Клеј“, тој открива две приватни работи кои би сакал да ги прокоментирате. Првата, после Киријос тој е вториот тенисер кој јавно кажува дека објавува фотографии на Онли Фенс. Звучи забавно, но, можеби, открива еден аспект од тенисот и спортот, проблем со кој спортистите се сретнуваат, а тоа се финансиите за да ја продолжат кариерата и патуваат низ светот на турнири. Неговиот втор проблем е здравствен. Тој боледува од Кронова болест, што често може да биде незгодно во текот на мечот. Ме занима, дали постои емпатија во врвниот спорт, кога се јавува сериозен здравствен проблем додека трае играта? Колку сте подготвени тоа да го толерирате во ситуација кога е интензитетот висок и кога прекинот може да влијае на резултаот? И, на крај, повеќе како констатација: би ве потсетил дека македонскиот премиер уште во 2019. година јавно ве покани да дојдете во Скопје и Охрид и дека сé уште ве чекаме.
Ѓоковиќ: Во право сте. Најпрво на тоа ќе одговорам. Треба да дојдам во Македонија, и многу бргу тоа ќе го сторам. Ветувам!
Што се однесува до Муле, не сум знаел за неговата ситуација. Тоа е сериозна болест и сериозен здравствен проблем. Не сум во негова кожа, но верувам дека не му е лесно секојдневно, особено кога е вклучен во врвни, професионални спортови. Го имаме случајот и со Александар Зверев, кој е дијабетичар и кој се боцка со игла за време на натпревар за да го балансира нивото на шеќер во крвта, што е навистина необично, но и импресивно! Од друга страна, гледајќи го стресот и сè што подразбира врвниот тенис, а тие да успеваат да ги надминат тие сериозни здравствени предизвици и да бидат таму каде што се, особено Зверев, кој е втор-трет во светот, и Муле, кој има извонредни резултати, игра најдобар тенис веќе неколку години и има најдобар ренкинг. Му посакувам сé најдобро, не во натпреварот со мене, но приватно имам апсолутно сочувство за сè низ што поминува.
Јас, искрено, не ни знам како изгледа таа платформа Онли Фенс! Сé што знам е дека се покажуваат делови од телото повеќе отколку што би требало, но искрено – не знам како изгледа! Дека тоа е поврзано со финансиски проблеми и предизвици – можно е. И не е прв пат некој играч да направи нешто такво. Луѓето и медиумите нé претставуваат нас неколкумината на врвот што заработуваме милиони дека сме богати кои сé нешто се бунат и жалат околу пари. Јас секогаш се трудев кога можев, особено кога бев активен во Советот на играчи на АТП или ко-основач на ПTПA, постојано да зборувам за тоа колку е важно да се шири свеста за тоа колку мал број на играчи живее од овој спорт. Многумина го напуштаат спортот, огромното мнозинство уште на почетокот од кариерата, затоа што немаат поддршка од Федерацијата или од некој спортски систем. Огромното мнозинство од нив играат тенис, но немаат средства да платат тениски тренер или кондиционен тренер, а камоли физиотерапевт. Секако дека постојат спортови кои се мачат многу повеќе од нас, но кога зборувам конкретно за Муле и така натаму ова се некои реални ситуации што се присутни и се случуваат. Затоа и ПTПA, како организација која ги застапува правата на играчите, е основана да се бори за тие играчи и за нивни подобри услови.
Ненад Живановски-Столиќ
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Обрадовиќ до јуни ќе биде одмор
Жељко Обрадовиќ пред две недели замина од кошаркарскиот клуб Партизан. Девет кратниот европски клупски првак, поднесе оставка на функцијата по серијата лоши резултати.
По заминувањето од Партизан, Обрадовиќ го поврзаа со уште еден „црно-бел“ клуб, ПАОК од Солун. Грчкиот клуб има големи амбиции, а најавени се и сериозни финансиски вложувања.
Обрадовиќ овие шпекулации ги коментираше за грчките медиуми.
„Во моментов немам ништо друго на ум, освен моето семејство.“
До крајот на јуни сигурно нема да работам во ниту еден клуб. Во тој период немам намера да разгледувам никакви понуди за ангажман, без оглед од каде доаѓаат“, рече Обрадовиќ.
Да ве потсетиме дека Обрадовиќ го водеше Партизан четири и пол сезони, а претходно направи едногодишна пауза откако го напушти Фенербахче.
Исто беше и во 2012 година, кога го напушти Панатинаикос, а потоа чекаше една година за да го преземе следниот клуб, што беше токму Фенер.
Foto/ EPA
Спорт
(Видео) ПСЖ го плати 20 милиони за да биде резерва, вчера Сафонов им го донесе Интерконтинеталниот куп
Фудбалерите на ПСЖ се победници на Интерконтиненталниот куп на ФИФА. Во финалето одиграно во Катар, тие победија против Фламенго по подобро изведување на пенали. По регуларните 90 минути и продолженијата, резултатот беше 1:1, а головите ги постигнаа Кваратц за ПСЖ и Жоржињо од пенал за Фламенго.
Во пенал рулетот, во херој се претвори голманот Матвеј Сафонов, кој одбрани дури четири пенали, по што неговите соиграчи го носеа низ теренот на стадионот Катар како херој.
Тој ги одбрани ударите на Саул Нигез, Педро, Лео Переира и Луис Араухо и со тоа ја спречи сензационалната победа на Бразилците над европските шампиони од Париз.
THE RUSSIAN WALL 🇷🇺pic.twitter.com/nJkg3RpGYw
— 𝐏𝐒𝐆𝐈𝐍𝐓 (@PSGINT_) December 18, 2025
Матвеј Сафонов е 26-годишен голман од Краснодар, неговиот роден град и клубот со исто име каде што ги направи своите први фудбалски чекори и стана професионалец. По 175 настапи за сениорскиот тим на Краснодар, Парижаните го доведоа во 2024 година за 20 милиони евра и го претворија во резервен голман.
Минатата сезона, како замена за Џанлуиџи Донарума, тој одигра 17 натпревари, прими 13 гола, на седум натпревари успеа да го одбрани својот гол.
Иако Донарума го напушти ПСЖ ова лето, статусот на Сафонов не се промени и тој сè уште е резерва, сега на Лукас Шевалие (24), за кого ПСЖ, на Лил му плати 40 милиони евра.
Натпреварот со Фламенго беше негов четврти оваа сезона, а во него, со четири одбрани во пенал-серијата, тој стана првиот голман што го сторил тоа во 21 век.
Неговиот договор со ПСЖ важи до 2029 година, а „Трансфермаркт“ ја проценува неговата вредност на 15 милиони евра, што го прави еден од најевтините играчи на ПСЖ.
Спорт
Убиени еквадорски фудбалер и неговата сопруга
Поранешниот репрезентативец на Еквадор и фудбалер на Барселона од Гвајакил, Марио Пинеида (33), им подлегна на повредите по нападот на локалните банди.
Полицијата ја потврди смртта на Пинеида без да даде многу детали. Објавено е дека 33-годишниот дефанзивец на Барселона е убиен. Уште едно лице, чиј идентитет полицијата не го откри, исто така е убиено во инцидентот, а трето е рането. Медиумите наведуваат дека станува збор за неговата сопруга и мајка.
Еквадорските медиуми објавија дека нападот се случил во регионот Саманес на северниот врв на Гвајакил, кој се наоѓа 265 километри југозападно од главниот град Кито.
Пинеида не е првиот фудбалер убиен од куршум. Четири играчи беа убиени оваа година. Со години, државата се бори против криминалните организации кои ги проширија своите операции на територијата на Еквадор во врска со меѓународните нарко-картели.
Terrible.!!
Se confirma la muerte del jugador de Barcelona Mario Pineida en un ataque armado afuera de una carnicería en Samanes 4.
El fútbol ecuatoriano está de luto pic.twitter.com/4rvebawAYO— Emergencias Ec (@EmergenciasEc) December 17, 2025
Марио Пинеида ја започна својата професионална кариера во Индепендиенте дел Вале, каде што играше од 2010 до 2015 година. Потоа, во 2016 година, се пресели во Барселона, со која двапати беше шампион на Еквадор. Исто така, кратко играше во Бразил, за тимот на Флуминенсе (2022), како и за Насионал од Кито (2024).
Одигра девет натпревари за репрезентацијата на Еквадор од 2015 до 2021 година.
Поднесено обвинение за упадот во просториите на редакцијата на „Инфомакс“
Јавен обвинител ја заврши постапката за прибирање докази и до Основниот кривичен суд Скопје поднесе обвинение против едно лице за...
Грција со реакција на изјавата на Мицкоски: Името Северна Македонија е дел од Уставот
Грчкото Министерство за надворешни работи повтори дека Преспанскиот договор, со кој се реши деценискиот спор за името меѓу Атина и...
Лајен: Импресивен напредок на Албанија и Црна Гора, проширувањето на ЕУ, за прв пат по повеќе од десет години, стана реална можност
Потпретседателката на Европската комисија, Урсула фон дер Лајен, синоќа во Брисел изјави дека Албанија и Црна Гора постигнале импресивен напредок...
Трамп го критикуваше Бајден: Тој го остави хаосот, јас ја извлеков Америка од работ на пропаст
Во своето обраќање до нацијата во среда вечерта, американскиот претседател Доналд Трамп го критикуваше поранешниот американски претседател Џозеф Бајден за...
Минск е можно место за нова средба меѓу Путин и Трамп
Можна нова средба меѓу рускиот претседател Владимир Путин и американскиот претседател Доналд Трамп би можела да се одржи во Белорусија,...
Шефот на Европскиот совет: Западниот Балкан избира, да остане во минатото или европска иднина
Западен Балкан може да избере да остане заробен во минатото или да продолжи кон заедничка иднина во Европската Унија, изјави...
Арсовска не знаела дека треба да поднесе имотна состојба по престанокот на мандатот, ја обвини ДКСК за јавен линч
Поранешната градоначалничка на Град Скопје, Данела Арсовска, не знаела дека треба да поднесе имотна состојба по престанок на нејзиниот мандат...
Мицкоски: Поради вештачки причини ние сè уште не можеме да бидеме дел од европското семејство
Поради вештачки причини ние сè уште не можеме да бидеме дел од европското семејство, изјави премиерот, Христијан Мицкоски во Брисел....
(Видео) Кузеска: Фирма со тројца вработени добила 1,2 милион евра за два месеца
„Им благодариме на сите граѓани кои се приклучија и доставија информации и докуметни на нашата дигитална платформа за борба против...
Преку мобилна апликација секој ќе може да си провери дали има казна од „Безбеден град“, ќе се бележи историја на прекршоци за секого
Граѓаните што направиле некој од четирите прекршоци што ги регистрираат камерите на „Безбеден град“ и без да им стигне известување...
35 поранешни и 19 новоизбрани градоначалници не ја пријавиле имотната состојба, меѓу нив Ѓорѓиевски и Арсовска, соопшти Комисијата за спречување на корупцијата
Државната комисија за спречување на корупцијата, во согласност со член 17 од Законот за спречување на корупцијата и судирот на...
Орце продолжува со скандалозни назначувања, партиски кадар со криминално досие на чело на Зоолошката, велат од Левицата
Левицата предупредува дека најавите за ново раководство во Зоолошката градина во Скопје претставуваат уште еден алармантен пример за тоа како...
Куќен притвор и 24-часовен надзор за Љупчо Пецов-Ѓаволот, доставил документи за влошена здравствена состојба
Во текот на вчерашниот ден во Основниот кривичен суд Скопје пред судија на претходна постапка беше спроведен Љупчо Пецов-Ѓаволот, на...
Кривични пријави за измама и давање лажен исказ: изготвиле фактури иако знаеле дека договорите за превоз на ученици во Тетово биле истечени
СВР Тетово поднесе кривична пријава против М.З.(46) од Тетово и против правно лице –транспортно претпријатие од Тетово поради постоење основи...
Ја убиле со пиштол, телото ѝ го спуштиле во дупка и го запалиле: истрага против две лица за свирепо убиство на жена во гостиварско Неготино
Основното јавно обвинителство Гостивар донесе Наредба за спроведување истражна постапка против две лица осомничени дека извршиле кривично дело – Убиство...
„Дали Коцевски тактизира со оставката за да купи време и да се забошотат над 40 предмети за висока корупција за функционери од СДС и ДУИ“, прашува ВМРО-ДПМНЕ
„Љупчо Коцевски тактизираше дури и со сопствената оставка и одлучи да ги пресретне непријатните дискусии и вистината за неговото работење...
Трамп ја продолжи забраната за патување во САД за уште седум земји
Американскиот претседател Доналд Трамп вчера го прошири списокот на земји чии граѓани имаат забрана за патување во Соединетите Американски Држави,...
Терористот од Сиднеј обвинет за 59 кривични дела
24-годишниот Навид Акрам, кого полицијата го сомничи дека стои зад масакрот на плажата Бонди во Сиднеј, е обвинет за вкупно...
(Видео) Филипче го соопшти новото раководство на партијата: СДСМ има нов тим, нова сила – нова енергија!
Претседателот на Социјалдемократкиот сојуз на Македонија, д-р Венко Филипче, по завршувањето на вчерашната седницата на Централниот одбор на СДСМ го...
МВР: Шалтер за „Безбеден град“, граѓаните од утре ќе можат да ги променат контакт-податоците
Од Министерството за внатрешни работи известуваат дека граѓаните од утре (17.12.2025), на посебен шалтер во Одделот за граѓански работи, во...
