Скопје
Силното невреме причина за повеќе пожари во Скопје, сите се изгаснати или локализирани
Попладнево скопскиот регион беше зафатен од силно невреме проследено со силен ветер и дожд, по што речиси истовремено избија повеќе пожари на отворен простор кои беа видливи од различни делови на градот и предизвикаа вознемиреност меѓу граѓаните.
Според информациите на Центарот за управување со кризи (ЦУК), пожарот кој го зафати подрачјето над селото Локе–Крушопек е локализиран, а екипите остануваат на терен за следење на состојбата и целосно гасење на сите жаришта.
Од Дирекцијата за заштита и спасување (ДЗС) соопштија дека за дел од овие пожари постојат сомневања дека се намерно подметнати. Силниот ветер и дождот во регионот на скопскиот аеродром го оневозможија полетувањето на авионите-ер трактори и армискиот хеликоптер, иако тие беа ставени во состојба на готовност за поддршка на пожарникарите.
Пожари избувнаа на повеќе локации:
Општина Сарај, с. Крушопек, кон падините на Водно (ниска вегетација и мешана шума).
Општина Карпош, кај спортската сала „Борис Трајковски“ (ниска вегетација).
Општина Гази Баба, с. Виниче и Црешево (ниска вегетација и мешана шума).
Општина Бутел, кај последна 57 (ниска вегетација).
Општина Гази Баба, с. Инџиково (трева и ниска вегетација).
Сите пожари се изгаснати или ставени под целосна контрола.
ЦУК апелира до граѓаните кои имаат претрпено материјални штети или забележале дополнителни ризици веднаш да се јават на бројот за итни повици 112.
Голема благодарност беше упатена до екипите на скопската Бригада за противпожарна заштита за нивната брза и пожртвувана реакција, како и до тимовите на ДЗС, доброволното противпожарно друштво од Чаир и граѓаните кои несебично помогнаа на терен.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Делови од Центар и Зелениково денеска без вода
Од ЈП Водовод и Канализација известуваат дека денеска поради дефект на затварач од ф – 100 мм на ул. 5 бр. 47 во село Моране, во периодот од 08.30 часот па се до отстранување на дефектот без вода ќе останат дел од корисниците од село Моране, општина Зелениково.
Од ЈП Водовод и Канализација исто така информираат дека поради уличен дефект на ул. Васил Ѓорѓов б.б – пред ОУ Киро Глигоров, во периодот од 09.00 часот па се до отстранување на дефектот без вода ќе останат корисниците од улиците Васил Ѓорѓов, Адам Мицкиевиќ, дел од корисниците од улиците Киро Глигоров и Козара, како и објектот на заводот за физикална медицина и рехабилитација, општина Центар.
Македонија
Дел од Аеродром денеска без струја
Од ЕВН Македонија АД известуваат дека денеска без електрична енергија ќе останат:
– во периодот од 09.00 до 11.00 часот, корисниците од улицата Тодор Чангов – крак 48. (општина Аеродром)
Македонија
(Фото) Со песна и насмевки коледарчињата од Кисела Вода во Бадниковата поворка
Со песна, радост и детска насмевка, коледарчињата од Кисела Вода денеска беа дел од Бадниковата поворка. Дарувани со подароци од градоначалничката на Општина Кисела Вода, Бети Стаменкоска Трајкоска и со Божикни ѕвезди кои претходно ги изработуваа на креативните работилници, тие од Кисела Вода се упатија кон Музејот на Град Скопје, а потоа и кон Плоштад Македонија, пред големата пештера, каде што празничната програма во пресрет на Хистовот раѓање-Божик, продолжи во организација на Град Скопје.

„И покрај дождливото утро, денеска во Кисела Вода силно ја почувствувавме празничната атмосфера и духот на Бадник. Коледарчиња од нашата општина, со песна и насмевки, го најавија Христовото Раѓање и ја продолжија традицијата што со генерации се пренесува и се чува.

Со задоволство ги пречекавме и ги дарувавме дечињата, како дел од обичаите кои нè обединуваат и нè потсетуваат на вистинските вредности: заедништво, почит и грижа еден за друг“, рече градоначалничката на Општина Кисела Вода, Бети Стаменкоска Трајкоска.

„Заедно продолживме кон Музејот на Град Скопје, а потоа и кон Плоштад Македонија, пред големата пештера, каде што празничната програма продолжи во организација на Град Скопје.

Овие денови нè потсетуваат колку е важно да бидеме заедно, со отворено срце и подадена рака, не само на празник, туку во секој ден од годината.

Од срце им благодарам на дечињата за убавината што ја донесоа во ова утро, како и на нивните родители што ја негуваат љубовта кон обичаите и вистинските животни вредности.

Нека ни е за многу години овој светол празник и нека ни донесе здравје, мир и љубов во секој дом“, изјави градоначалничката на Општина Кисела Вода, Бети Стаменкоска Трајкоска.


