Спорт
(Видео) Дембеле во солзи: Да ми кажеше некој…
Усман Дембеле е најдобриот фудбалер во светот за 2025 година, а откако го крена престижниот трофеј, не можеше да ги задржи солзите.
Французинот, кој ги освои сите домашни трофеи и Лигата на шампионите со Пари Сен Жермен, не можеше да поверува што му се случи.
„Неверојатно и извонредно е ова што ми се случи“, рече Дембеле откако ја прими Златната топка од легендарниот Роналдињо.
„Сезоната со ПСЖ беше неверојатна. Малку сум нервозен… Да го земам овој трофеј и да го примам од рацете на Роналдињо – нереално. Благодарам на ПСЖ што ме донесе во 2023 година, благодарам на тимот, клубот што е како семејство, претседателот, целиот персонал – и секако Луис Енрике, кој ми е како татко.“
OUSMANE YOU DID IT! #ballondor pic.twitter.com/0eiclvXuXN
— Ballon d'Or (@ballondor) September 22, 2025
Тој исто така се потсети како му одеше кариерата пред да дојде во ПСЖ, кога многумина го отпишаа.
„Во добри и лоши моменти, овој тим беше покрај мене. Оваа награда е индивидуална, но сите ја носиме заедно како тим. Благодарност и до Борусија Дортмунд, Рено и секако, во Барселона ги исполнив моите соништа – играв покрај Меси и Иниеста. Тоа беше живптна школа.“
Тој им се заблагодари на своите соиграчи, тренерот Луис Енрике и селекторот Дидие Дешан.
Сепак, најмногу се расплака кога зборуваше за своето семејство, неговата мајка и неговиот најдобар пријател, со кои минуваше низ тешки времиња.
Matters as well 🥺🌕 #ballondor pic.twitter.com/Jsxpl5QV9d
— Ballon d'Or (@ballondor) September 22, 2025
„Благодарност до моето семејство, особено до мајка ми – таа беше со мене во сите тешки моменти. Благодарност до мојот агент кој секогаш веруваше во мене. Ако некој ми кажеше дека еден ден ќе ја освојам Златната топка… Благодарност и до мојот најдобар пријател со кого поминав низ сè во последните пет години. Тој секогаш беше тука – и ќе биде до крајот“, заклучи Дембеле.
Фото/ Принтскрин
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Спорт
Синер ќе ја брани титулата на Завршниот Мастерс
Италијанскиот тенисер Јаник Синер се квалификуваше за финалето на Завршниот Мастерс во Торино. Трета година по ред Синер ќе се бори за трофејот во Торино. Интересно е да се напомене дека Синер стана најмладиот тенисер во историјата кој играл во финалето на сите четири Гренд слем турнири и во финалето на завршниот турнир во иста сезона. На овој начин, тој ги повтори подвизиве на Ѓоковиќ и Федер, станувајќи само третиот играч на кого му успеало тоа.
Во првото полуфинале, Синер го победи Алекс де Минор со 7:5, 6:2 по еден час и 52 минути игра и со тоа го забележа својот 13-ти триумф во исто толку натпревари против тенисерот од Австралија.
Де Минор на маки го стави Синер во првиот сет, кој траеше повеќе од еден час.
Причината беше што не ги користеше брејк шансите. Ја искористи осмата и тоа во 11-от гем. Исто така во првиот сет, Синер, беше соочен со три брејк топки, сите успеа да ги спаси.
Синер освои четири гема на почетокот од вториот сет, правејќи двоен брејк со што го реши прашањето околу конечниот победник.
Вториот полуфинален пар го сочинуваат Карлос Алкараз и Феликс Оже-Алијасим.
Спорт
(Фото) Жестока провокација од романските хулигани пред мечот со БиХ во Зеница
Вечерва, со почеток во 20:45 часот, во Зеница ќе се игра квалификациски натпревар за Светското првенство помеѓу Босна и Херцеговина и Романија. БиХ моментално е втора во групата со 13 бода, Романија има десет. Австрија е лидер со 15 бода, а сите три репрезентации треба да одиграат уште два натпревари до крајот на квалификациите.
Пред дуелот во Зеница, главна тема се романските навивачи. На пат кон Зеница тие поминаа низ Белград, се сликаа со транспарент, пред храмот Свети Сава, кој предизвика жестока реакција во Босна и Херцеговина.
На социјалните мрежи се појави фотографија со транспарентот подготвен од романските навивачи, на кој на англиски јазик беше напишана поддршка за воениот злосторник, Ратко Младиќ.
„Младиќ е европски херој, ги сведува муслиманите на нула“, пишува на транспарентот.
15.11.2025, Dinamo Bucharest🇹🇩 in Serbia🇷🇸 before Bosnia🇧🇦, click for more here: https://t.co/zZBoMT3m7T
All in one place. Tap to download.
🔗 https://t.co/FXnrFRp1rX pic.twitter.com/49Ftz7dyYY— Hooligans.cz Official (@hooliganscz1999) November 15, 2025
Спорт
(Видео) Белгија не успеа да победи во Казахстан
Фудбалерите од Казахстан и Белгија одиграа нерешено 1:1 во натпреварот од претпоследното коло од Групата Ј од европските квалификации за Светското првенство.
Белгијците не го оправдаа својот статус на големи фаворити во далечната Астана, но сепак се единствените што се прашуваат за првото место и директен пласман на Светското првенство.
Тие имаат 15 бода на првата позиција, два повеќе од Македонија и пет од Велс (кој има натпревар помалку).
Белгија, во вторник има зицер, во во Лиеж ќе го пречекаат аутсајдерот Лихтенштајн и со победа ќе ја завршат работата, па дури и со бод бидејќи имаат многу подобра гол-разлика од своите ривали.
Казахстан ги шокираше гостите и поведе во деветтата минута, по одличен пробив и прецизен удар на суперталентираниот иден играч на Каират, кој веќе е продаден во Челзи, Дастан Сатпаев.
Бод за Белгија, која не е истата екипа без Куртоа, Де Брујне и Лукаку, донесе Ханс Ванакен во 48-та минута.
Репрезентацијата на Казахстан денес го заврши овој циклус, тие собраа 10 бода, што е извореден резултат за оваа репрезентација.


