Доналд Трамп стана вирален на социјалните мрежи пред Генералното собрание на Обединетите нации во Њујорк.

Пред да влезат во салата, американскиот претседател и првата дама Меланија Трамп се заглавија на ескалаторите, кои застанаа токму кога стигнаа до нив. Но, тоа не беше сè. Откако Доналд Трамп, со помош на соработници, успеа да стигне до местото наменето за говорот, телепромптерот (т.н. „идиот“) се расипа токму во моментот кога претседателот требаше да го започне својот говор.

This is insane…

As Trump arrived to the UN, the escalator stopped working the moment he stepped on it.

Then the teleprompter stopped working the moment he got up to the podium to speak. pic.twitter.com/XBTgfr6zJ8

— Geiger Capital (@Geiger_Capital) September 23, 2025

„Кој и да е задолжен за овој телепромтер е во голема неволја“, рече Трамп и ја насмеа публиката. Тој импровизираше неколку воведни реченици, обидувајќи се да го скрие изненадувањето предизвикано од техничкиот проблем.

„Никогаш не добив телефонски повик од Обединетите нации во кој ќе ми понудат да помогнам во финализирањето на договор за прекин на војните. Сè што добив од Обединетите нации беше ескалатор кој застана точно на средина на патот до горе. Ако првата дама не беше во одлична форма, ќе паднеше. Но, ние сме во одлична форма, двајцата сме во добра форма, а потоа телепромтерот не работеше – тоа се две работи што ги добив од Обединетите нации.“

Видеата од „несреќите“ на Трамп брзо се проширија на социјалните мрежи и предизвикаа бројни коментари.

„Можете ли да замислите да беше Бајден? Ќе беше заглавен на тој ескалатор додека не го поправат“, „Можеби е само карма“, „Дали ќе ги санкционира Обединетите нации затоа што ескалаторот застана?“, „Причините се непознати. Погледнете го изразот на Трамп, тој точно знае што се случува“, „На Трамп не му треба смрдлив телепромтер“, „Некој ќе биде отпуштен денес“, „Хаха, ОН немилосрдно го трола Трамп“ се некои од коментарите на X, пишува Index.hr.

Фото: принтскрин

Претседателката на Европската комисија, Урсула фон дер Лајен, денес во Њујорк изјави дека американскиот претседател Доналд Трамп е во право и дека тие работат на тоа Европа да престане да купува нафта од Русија до крајот на годината.

Таа на маргините на Генералното собрание на Обединетите нации изјави дека сака Европа да престане да купува руска нафта.

„Трамп е апсолутно во право. Работиме на тоа“, рече фон дер Лајен, пренесува Ројтерс.

За време на денешниот говор на сесијата на Генералното собрание на Обединетите нации, Трамп истакна дека САД се подготвени да воведат серија царински тарифи за Русија доколку не се постигне договор за прекин на војната во Украина и ги обвини поединечните членки на НАТО за финансирање на руската војна во Украина со продолжување на купувањето руска нафта.

Трамп рече дека е потребно сите да усвојат исти мерки за да бидат ефикасни.

„Тие мора веднаш да ги сопрат сите купувања на енергија од Русија, во спротивно сите ќе губиме многу време“, рече Трамп, додавајќи дека ќе разговара со европските лидери за ова прашање оваа недела.

Претходно, Трамп постојано ги повикуваше европските земји да престанат да купуваат нафта од Русија, барајќи дополнителен притисок врз претседателот Владимир Путин да ја запре војната во Украина.

Според Блумберг, тој му предложил на амбасадорот на Соединетите Американски Држави во НАТО, Метју Витакер, да го зголеми притисокот врз Европа.

Фото: принтскрин

Државниот секретар на САД, Марко Рубио, денес изјави дека иако постои надеж дека средбата меѓу американскиот претседател Доналд Трамп и рускиот лидер Владимир Путин во август во Алјаска ќе донесе одреден напредок, Путин, како што изјави, сè уште се држи до своите цели.

„Мислам дека отсекогаш знаевме дека неговите намери се да го земе Донецк, на пример, и тој отворено го дефинираше тоа. Мислам дека имаме надеж, бидејќи ние сме единствената земја во светот што навистина може да разговара со двете земји што се вклучени во ова – ние сме единствената што може да разговара со Украина и Русија, и сите нè охрабрија да ја играме таа улога. Во одреден момент, таа улога би можела да заврши“, рече Рубио во интервју за NBC News.

Тој истакна дека американскиот претседател веќе изразил длабоко разочарување од „насоката“ на Путин и апелираше до европските земји да ги заострат санкциите кон Русија, особено оние што продолжуваат да купуваат руска нафта и гас.

„Во моментов, постојат земји во Европа кои продолжуваат да купуваат огромни количини нафта и природен гас од Русија, што е апсурдно. Мислам, тие бараат од САД да воведат повеќе санкции, но има земји во Европа кои не прават доволно. Затоа мислам дека треба да направат повеќе“, рече американскиот државен секретар.

А Трамп, додаде Рубио, има способност да направи повеќе и размислува да направи повеќе „поради насоката во која се движи ова“.

Тој подвлече дека Трамп ја наследил оваа војна и „сè што сака е да ја заврши“.

„И тој ќе направи сè што може, ќе му даде секоја шанса да успее. Штом ги зголемиме санкциите и сè друго, нашата способност да дејствуваме како посредник во постигнувањето мир е намалена, а потоа оваа војна продолжува уште две години и стотици илјади луѓе ќе умрат. Затоа се обидуваме да го избегнеме тоа. Се надеваме дека ќе го избегнеме тоа“, нагласи Рубио.

Како што изјави, тоа зависи од Путин.

„Ако тој одлучи да не ја прифати таа понуда, тогаш за жал ќе мора да го направиме она што мораме да го направиме“, предупреди американскиот државен секретар.

Рубио додаде дека Трамп направил повеќе отколку што некогаш направил Џозеф Бајден за да ја заврши војната, обвинувајќи го поранешниот американски претседател дека „дури и немал план за војната“.

Фото: принтскрин