Забава
Ентони Хопкинс без контакт со ќерката повеќе од 20 години: „Животот е болен, но мора да продолжиш“
 
																								
												
												
											Ентони Хопкинс се пожали дека ќерка му Абигејл, со која е во расправија со години, го игнорирала неодамнешниот повик за помирување. Во ново интервју добитникот на „Оскар“ откри дека неговата сопруга Стела Аројаве се обидела да закаже средба, но немало одговор од другата страна.
„Мојата сопруга Стела испрати покана до Абигејл да дојде да нè посети“, рече актерот во интервју за „Њујорк тајмс“. Но, немаше одговор. „Ни збор. Па, мислам, добро. Ѝ посакувам сè најдобро, но нема да пролевам крв поради тоа. Ако сакате да живеете во омраза, добро, слободно“, додаде Хопкинс.
Ентони, кој ја има 57-годишната ќерка Абигејл со својата прва сопруга Петронела Баркер, нагласи дека се обидува да не размислува негативно за минатото затоа што тоа е смрт. „Не живеете правилно. Мора да признаеме едно – не сме совршени“, објасни тој.
Хопкинс верува дека направил што можел за да ги реши разликите со својата ќерка.
„Животот е болен. Понекогаш луѓето се повредуваат“, сподели тој.
„Но, не можеш да живееш така. Мора да го преболиш тоа. А ако не можеш да го преболиш, па среќно. Не осудувам. Но, направив што можев. Тоа е тоа. Тоа е сè што сакам да кажам“.
Кога го прашале дали се надева дека Абигејл ќе ги прочита неговите мемоари, кои излегуваат следниот месец, актерот рече: „Нема да одговорам на тоа. Не. Не ми е гајле“. Сепак, кога еден новинар го прашал дали треба да ја променат чувствителната семејна тема, Хопкинс рекол: „Те молам. Сакам да го направиш тоа. Бидејќи не сакам да ја повредам“.
Ентони и Абигејл не разговарале повеќе од 20 години. Во интервју за „Телеграф“ во 2006 година Абигејл се сетила како ретко го гледала својот татко како дете.
„Го гледав, но можеби еднаш годишно. Малку сум тажна, но морам да продолжам со мојот живот“, признала таа во тоа време.
„Секогаш било така. А потоа, кога имав 16 години, дојде до расправија“.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
 
																	
																															Забава
Меланија Трамп ја украси Белата куќа за Ноќта на вештерките
 
														Меѓу контроверзиите околу градежните работи во Белата куќа, Меланија Трамп ги покажа своите декорации за Ноќта на вештерките, подготвувајќи се за традиционалната прослава што ќе се одржи недалеку од срушеното Источно крило.
Нејзината канцеларија објави фотографии од подготовките со порака: „Белата куќа се подготвува за Ноќта на вештерките 🎃“.
The @whitehouse is getting ready for Halloween 🎃 pic.twitter.com/J7LAs6hqfl
— Office of the First Lady (@FirstLadyOffice) October 28, 2025
Есенска атмосфера и многу тикви
За разлика од претходните години, Меланија се чини дека се одлучила за поедноставна декорација за претстојната Ноќ на вештерките. Задниот влез и скалите се покриени со тикви, додека шарени лисја ги красат столбовите на тремот. Целокупниот впечаток повеќе потсетува на есенска тема отколку на Ноќта на вештерките, што можеби била намерна одлука за да не се исплашат најмладите гости кои доаѓаат на традиционалното собирање слатки.
Забава
Меган Фокс за мајчинството: Не сум спиела седум месеци
 
														Американската актерка Меган Фокс (39) искрено проговори за предизвиците на мајчинството по раѓањето на ќерката Сага, која ја доби со свршеникот Колсон Бејкер.
На проекција на филмот Jennifer’s Body во Лос Анџелес, Фокс откри дека по породувањето, се соочува со силна исцрпеност.
„Само што родив бебе и страдам. Не сум спиела седум месеци“, изјавила таа објаснувајќи дека има тешкотии со концентрацијата и со меморијата.
Актерката додала дека по породувањето, се споредила со трансформацијата на својот лик во чудовиште од филмот, алудирајќи на психолошките промени што ги чувствува.
Иако постојат шпекулации за развод, таа и сопругот останале заедно и по тешкиот период, вклучувајќи го губењето на бременоста во 2023 година, што Меган го опиша како длабоко емотивно и болно искуство.
Забава
(Видео) Дакота Џонсон во спектакуларен фустан: актерката во креација на „Валентино“ по шест години
 
														Популарната актерка Дакота Џонсон блесна на настанот Vogue World 2025: Hollywood кога се појави во спектакуларен фустан од модната куќа „Валентино“ и покажа зошто е една од најзаводливите холивудски ѕвезди.
Интересно е што таа не ги носела креациите на оваа престижна италијанска модна куќа на црвениот тепих веќе шест години, но соработката е обновена и сигурно ќе уживаме во нејзините спектакуларни изданија и во наредниот период.
@dakotajohnsonarg this cutieeeee!!! 💗🤏🏻🥹 #dakotajohnson #VogueWorld #vogue #voguemagazine #hollywood ♬ what is love haddaway – whitelinesprettybabyy 
Дакота, во соработка со стилистката Кејт Јанг, избра многу впечатлива креација од колекцијата пролет 2026, фустан украсен со мониста во нежни, пастелни бои по целата должина.
Инспириран е од 20-тите, а е посебен поради везот на деколтето и делумно проѕирниот дел од тил во нежно розова боја. Друг интересен детаљ е високата јака, која исто така е изработена од тил, но во друга боја. Со овој фантастичен фустан Дакота избра нежно розови чевли од „Валентино“, како и дискретен накит.
@gbr.mag me encontro obcecada pelo look da dakota johnson no vogue world 🥹🤍 #tiktokfashion #dakotajohnson #vogueworld #fashion #moda ♬ original sound – lana del rey ୨୧ 
Провокативната и ефектна комбинација ја комплетира со црна чанта, а додека фотографите ја фотографираа, таа не можеше да ја тргне насмевката од лицето.
фото: принтскрин


 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											 
														 
																											