Наука
SpaceX не успеа да го сочува Falcon 9 за ново лансирање
Приватната американска корпорација „SpaceX“ повторно не успеа да го сочува за повторно лансирање првиот степен од ракетата „Falcon 9“ која беше лансирана од крај космодромот Кејп Канаверал, објави извршниот директор на компанијата, Илон Маск.
„Полетот беше успешен, Dragon e на пат за ISS (Меѓународната вселенска станица –з.м.), ракетата се приземји на платформата, но премногу грубо за да преживее“, напиша Мас на својот мироблог на Twitter.
Во февруари годинава, при лансирањето на сателитот DSCOVR првиот степен на ракетата „Falcon 9“ имаше меко спуштање, но во океанот, поради неповолните временски услови пловечката платформа не беше насочена кон местото на атерирањето на ракетата.
Корпорацијата „Space Exploration Technologies (SpaceX)“ претходно објави дека развива технологијата за повеќекратно користење на ракета. Доколку спее во тоа, компанијата ќе може да го користи реактивниот степен повеќекратно, што целосно ќе ја промени економичноста на лансирањата. Првиот експеримент на следување на „Faлcon 9“ на подвижна платформа во океан се исклучи во јануари годинава и, исто така, заврши неуспешно.
Вселенската компанија „Space Exploration Technologies (SpaceX)“ во почетокот на декември 2010 година од космодромот Кејп Канаверал го изврши првото лансирање на ракета „Falcon 9“ со пробната беспилотна капсула „Dragon“, со што стана првата првата приватна компанија која се обидува да лансира влеселнско летало.
Оваа капсула во иднина американската весленска агенција NASA има намера да ја користи за своите потреби, бидејќи леталото „Dragoн“ може да понесе во космосот седум лица. Основанта намена не е само за орбитални летови, туку да може да се употребува и за доставување разни материјали за објекти во орбитата, на пример за потребите на Меѓународната вселенска станица (ISS).
Овој проект предвидува по лансирањето и ослободувањето од ракетата носач, леталото да може да изврши самостоен лет со времетраење од четири до пет часа, за тоа време двапати обиколувајќи ја Земјата. За време на летот, „Dragon“ до центарот пренесува телеметрички податоци, добива команди за маневрирање.
Капсулата „Dragon“ е создадена во рамките на проектот COTS (Commercial Orbital Transportation Services), што почна да го реализира NASA во 2006 година за градба на вселенски бродови способни за летови до ISS затоа што дотогашните шатл летала беа повлечени од употреба во 2011 година. Ова летало се состои од два модула: команден дел и цилиндричен инструмнентарно-агрегатен дел. Снабдувањето со енергија го овозможуваат соларни панели и батерии. Целокупната поставеност и изгледот на овој вселенски брод е сличен на вселенските летала од серијата „Apollо“ и во скоро време проектираните нови вселенски бродови „Orion“.
Посебна гордост на програмерите, како што истакнува NASA, е концептот за безбедност на леталото. Имено под капсулата се наоѓа резервен модул, кој во случај на хаварија на „Dragon“ може да го спаси екипажот, бидејќи за извонредно кусо време се одвојува од бродот.
Првото лансирање на „Falcon 9“ се случи во јуни 2010 година,а пред тоа во февруари и во април, кога компанијата „SpaceX“ спроведе конечно тестирање на моторите и целосната функционалност на вселенскиото летало. Во август истата година, „SpaceX“ изврши и пробно слетување на капсулата „Dragon“, која беше спуштена од височина од 14,5 километри, во областа на американската морнаричка база „Вандербург“ во Калифорнија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Наука
Здравиот начин на живот го неутрализира влијанието на генетиката за повеќе од 60 проценти, покажува истражување
Здравиот начин на живот може да го компензира влијанието на генетиката за повеќе од 60 проценти и да додаде уште пет години на животот, според првата студија спроведена на оваа тема.
Добро е познато дека некои луѓе се генетски предиспонирани за пократок животен век, објави Гардијан.
Исто така, добро е познато дека факторите на животниот стил, особено пушењето, консумирањето алкохол, исхраната и физичката активност, можат да влијаат на долговечноста.
Сепак, досега не е направено истражување за степенот до кој здравиот начин на живот може да се спротивстави на генетиката.
Наодите од неколку долгорочни студии сугерираат дека здравиот начин на живот може да ги ублажи ефектите од гените што го скратуваат животот за 62 проценти и да додаде дури пет години на животот.
Резултатите беа објавени во списанието BMJ Evidence-Based Medicine.
Оваа студија ја појаснува клучната улога на здравиот начин на живот во ублажувањето на влијанието на генетските фактори врз скратувањето на животниот век, заклучија истражувачите.
Студијата опфатила 353.742 луѓе од Обединетото Кралство Биобанка и открила дека оние со висок генетски ризик за пократок живот имаат 21 отсто зголемен ризик од рана смрт во споредба со оние со низок генетски ризик, без оглед на нивниот животен стил.
Наука
Балканот ќе биде еден од најтешко погодените региони во Европа, ниту на Mакедонија не ѝ се пишува добро
Иако научниците имаат алатки и методи за мерење на влијанието на климатските промени – како може тоа да се направи така што поединецот, во својот живот, има одредена вредност со која може да измери како, под влијание на климатските промени, неговиот живот е исто така се менува?
Не е лесно да се замисли што точно е „просечно глобално затоплување од 1,5 °C или 2 °C“ и како тоа ќе го промени нашето секојдневие, пишува Слободна Далмација.
На ова се обратија истражувачите од Технолошкиот институт во Масачусетс (МИТ)”; тие развија нов начин за мерење на влијанието на глобалното затоплување во реалниот живот и предвидување на долгорочните ефекти. Излегува дека и луѓето на Балканот ќе ја чувствуваат значајната промена.
Мерката на научниците од МИТ, создадена со помош на податоци од 50 различни климатски модели, е одредена од тоа колку ќе се зголеми или опадне бројот на „надворешни денови“ на различни дестинации низ светот до 2100 година, односно 24-часовни периоди кога температурите се доволно удобни за повеќето луѓе да се вклучат во активности на отворено, без разлика дали се за работа или за одмор. Ова се денови кога не е ниту премногу топло, ниту премногу студено, што научниците го сместуваат во температурен опсег од приближно помеѓу 10 °C и 25 °C, без екстремни временски појави.
Студијата на МИТ покажа дека тропските дестинации ќе доживеат најголеми промени во деновите на отворено. Најголемиот удар ќе го претрпи Доминиканската Република која до крајот на векот ќе губи дури 124 дена пријатно време годишно. Мексико, Индија, Тајланд и Египет ќе изгубат половина од тие денови.
Во Европа, на север ќе има повеќе денови со пријатно време бидејќи зимите ќе станат потопли, но на југ екстремните горештини во летните месеци ќе предизвикаат намалување на деновите на отворено.
Според податоците на МИТ, Балканот најверојатно ќе биде еден од најтешко погодените региони во Европа. Така Албанија ќе загуби 30 дена, Србија 26, Македонија 21, Бугарија 17, а Романија 12 дена. На југ, Грција би можела да изгуби 37 денови на отворено до 2100 година поради екстремните горештини помеѓу мај и јуни, според студијата на МИТ.
Промени ќе доживее и Пиринејскиот Полуостров: Португалија ќе има 33, а Шпанија 13 помалку денови на отворено.
Истражувачите велат дека разликата веќе се чувствува во Европа, при што луѓето избираат каде да патуваат врз основа на сè поекстремните жештини на претходно популарните дестинации.
Северна Европа ќе доживее попријатни денови, но причините за тоа не се добри вести. Франција, Германија и Австрија ќе добијат меѓу 18 и 52 дена пријатно време до 2100 година, главно поради потоплите зими, но ова би можело да биде фатален удар за и онака борбената скијачка индустрија во Европа. Поради недостигот на снег, се размислува за замена со вештачки снег, но многумина мислат дека тоа ни оддалеку не би помогнало да се одржи скијачката индустрија, за која „пријатни“ и целосно профитабилни „денови на отворено“ се само оние со многу реални снег.
Наука
Еден Американец и двајца Руси со руско летало заминаа на МВС во вселената
Еден Американец и двајца Руси полетаа со руско летало од космодромот Бајконур во Казахстан до Меѓународната вселенска станица. Станува збор за астронаутот на НАСА Лорал О’Хара и космонаутите на Рокосмос Олег Кононенко и Николај Чуб.
О’Хара ќе помине шест месеци на станицата, а Кононенко и Чуб ќе останат таму една година.
Тројцата космонаути требаше да заминат во вселенската станица минатата пролет, но нивната првична капсула послужи како придружба за друг екипаж. Вториот екипаж – исто така двајца Руси и еден Американец – се враќа дома на Земјата кон крајот на овој месец.
Нивниот престој беше продолжен од шест месеци на една година бидејќи нивната капсула Сојуз испушти течност за ладење додека беа на станицата.
Според НАСА, кога командантот на мисијата Кононенко ќе го заврши својот престој во вселената, тој ќе постави рекорд како човек кој поминал најмногу време – повеќе од илјада дена – во вселената.