Скопје
Граѓаните учествуваат во креирањето на Буџетот на Општина Илинден
Во рамките на планирањето на Буџетот за 2016 на Општина Илинден се одржа форум на кој граѓаните имаа можност со своето партиципативно учество да придонесат во креирањето на Буџетот, преку посочување на приоритетните проекти во нивните населени места.
Градоначалникот на Општина Илинден, Жика Стојановски, заблагодарувајќи им се на присутните за учеството на Форумот посебно го истакна значењето на граѓанското учество во креирањето на буџетот.
„Граѓанското учество е неопходно во креирањето на буџетот зошто граѓаните во нивните населени места најдобро знаат кои им се приоритетите во насока на подобрување на квалитет на животот. Проблеми секогаш имало, има и ќе има, но затоа ние сме тука да изнаоѓаме решенија. Решенијата некогаш се поедноставни, бараат помалку финансиски средства, но има и проекти кои што бараат повеќе средства. Затоа, целта е со подобра распределба на средствата да постигнеме поголем ефект. Тоа ќе го направиме со ваше директно учество како и досега“, истакна Стојановски.
Тој додаде дека Буџетот располага со ограничени средства, па затоа во рамките на можностите тие треба оптимално да се искористат, за што е неопходно да се дефинираат приоритетите.
Општина Илинден на овој начин уште еднаш ја искажа својата транспарентност, излегувајќи им во пресрет на барањата на граѓаните да учествуваат во креирањето на Буџетот за следната година./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Нема да се наплаќа паркирањето во Центар за време на Велигденските празници, извести ПОЦ
Паркирањето во oпштина Центар за време на Велигденските празници ќе биде без наплата за сите граѓани. На 03.05.(петок), 05.05. (недела) и 06.05.2024 година (понеделник) граѓаните ќе можат да паркираат без надомест на сите паркиралишта со кои стопанисува ЈП Паркинзи на Општина Центар, извести ПОЦ.
Согласно програмата за неработни денови за 2024 година на Министерството за труд и социјална политика, 04.05.2024 година (сабота) е работен ден и следствено на тоа паркиралиштата со кои стопанисува ЈП ПОЦ ќе работат со вообичаено работно време.
Депото на „Пајак“ службата на ЈП ПОЦ ќе работи 24/7 за време на празниците.
Редовната наплата за паркирање на паркиралиштата и издавање на договори во Дирекцијата на ЈП ПОЦ ќе продолжи на 07.05.2024 година (вторник) со вообичаено работно време, се додава во соопштението на ПОЦ.
Скопје
Пуштен во употреба новиот парк на булеварот „Февруарски поход“ во Аеродром
Во пресрет на големиот христијански празник Велигден, со интонирање на македонската химна и подигнување на македонското знаме, денеска официјално беше пуштен во употреба новиот парк лоциран на булеварот „Февруарски поход“ во Општина Аеродром.
На денешниот настан присуствуваше градоначалникот на Општина Аеродром, кој заедно со претседателот на советот Дејан Митески, извидниците и дечињата од детската градинка „Буба Мара“, го означија крајот на изведбата на еден важен проект реализиран од страна на општинското јавно претпријатие за комунални дејности.
Работните активности опфатија целосно хортикултурно и партерно уредување, поставување на нова урбана опрема, како и јарбол со македонското знаме.
Скопје
Пронајдено лице што вчера се изгубило на Водно
Регионалниот Центар за управување со кризи – Скопје информира дека на бројот 112, вчера во 15:23 часот била добиена пријава за изгубено лице во Парк – шумата Водно.
Веднаш биле известени надлежните за нивна понатамошна постапка, по што лицето било пронајдено за околу еден час.
– Од полициската станица – Карпош во 16:34 часот во ЦУК, добиена е информација дека лице од Водно е на пат за градот, пишува во денешното соопштение на Центарот за управување со кризи.