Регион
Турција: Судири меѓу полицијата и пучистите близу истанбулскиот аеродром и базата Коња

Припадниците на безбедносните сили отвориле предупредувачки оган за време на апсењето на поддржувачи на неуспешниот обид за воен преврат во близина на меѓународниот истанбулски аеродром „Сабиха Гекчен“, како и во воената воздухопловна база кај Коња.
Како што рекле неименувани извори од турските власти за агенцијата Reuters, пучистите не одговориле на огнот. Во моментов се спроведува операција за нивно апсење по наредба на турското обвинителство. Не е познат бројот на полицајците кои учествуваат во операцијата, а се претпоставува дека во аеродромскиот гарнизон има околу 60 вооружени војници.
Порталот на весникот Sabah, пак, објави дека на аеродромот „Сабиха Гекчен“ биле уапсени 11 луѓе. Полицијата дошла на аеродромот со цел да изврши претреси на неговиот воен дел, а кога стражарот ги забележал двапати пукал во воздух. Потоа двајца стражари биле уапсени, и нема настрадани. Заедно со нив полицијата уапсела уште девет лица.
Судир меѓу полицијата и припадниците на побунетата фракција во турската армија имало и во воздухопловната база Коња. „Ситуацијата е под контрола“, изјавил претставник на турските безбедносни структури.
Полицијата и припадниците на специјалните единици на министерството за внатрешни работи спроведувале операција за апсење на учесниците во неуспешниот воен преврат во воздухопловната база во покраината Коња. Според телевизијата Haber Turk, во операцијата биле употребени водени топови.
Полицијата влегла во базата за со налог за апсење на неколку осомничени за учество во обидот за превратот и неколку пилоти на ловци. Употребата на водените топови сведочи дека полицијата наишла на отпор, заклучува телевизијата и додава дека операцијата уште е во тек. /крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.

Регион
Трета жртва од тешката сообраќајка во Сремска Митровица – почина за време на операцијата

Уште едно лице загинало по сообраќајната несреќа што се случи денес во Сремска Митровица, кога автобус се преврте и излета од патот. Ова е третата жртва на ужасната сообраќајна несреќа.
Како што објави „Н1“, лицето загинало за време на операцијата.
Како што претходно беше објавено, возачот на автобусот е приведен и во притвор до 48 часа.
Повредени се околу 80 лица. Причините за несреќата засега не се познати.
Регион
Вучиќ: Србија ќе се приклучи на развојот на руската вакцина против рак

Претседателот на Србија, Александар Вучиќ, изјави дека разговарал со Александар Кецман, директор на Институтот „Гамалеја“ во Москва, кој го информирал дека во Русија се развива вакцина против рак.
„Ми објаснија одредени работи. Имаме голем процент на заболени од рак. Оваа вакцина е поинаква, бидејќи им помага на веќе болните луѓе — не е превентивна. Може да биде успешна до 85 проценти,“ рече Вучиќ.
Тој додаде дека Србија ќе се вклучи во проектот веднаш штом Русија го дозволи тоа:
„Ќе подготвиме целосна инфраструктура за да бидеме спремни за два до три месеци. Не можеме уште да ја произведуваме, но ќе направиме сè за да бидеме подготвени.“
Вучиќ нагласи дека во Србија има повеќе случаи на малигни заболувања отколку во другите земји, што, според него, е поврзано со последиците од бомбардирањето во 1999 година.
Регион
Возачот на автобусот приведен по тешката несреќа кај Сремска Митровица: две жртви и 80 повредени

Возачот на автобусот кој денеска се преврте кај Сремска Митровица е приведен и му е одредено задржување до 48 часа, соопшти српското Министерство за внатрешни работи (МУП), пренесе „Н1“.
Во несреќата загинаа две лица, а околу 80 се повредени. 35 повредени лица се згрижени во Општата болница во Сремска Митровица, една личност е пренесена во Клиничкиот центар на Војводина, а уште една е во операциона сала. За останатите се врши дијагностика.
Автобусот на компанијата „Сирмиум бус“, кој превезувал работници од фирмата „Хелткеар“, излета од патот и се преврте на кров од засега непознати причини. Несреќата се случи околу 14:45 часот.
Полицијата го затвори патот и не дозволува пристап до местото на несреќата, а на лице место излезен е и јавен обвинител за да ја утврди причината за трагедијата.