Црна хроника
Седум тешко повредени во сообраќајката кај Пресека, четворица префлени во Скопје
Седум лица се тешко повредени во сообраќајната незгода што се случи утроо 9 часот на магистралниот пат Кичево-Охрид, во близина на планинскиот превој Пресека.
Поради сериозноста на здобиените тешки телесни повреди, на Ургентниот центар во Скопје испратени се И.А. (21) и М.С. двајцата од Скопје, Б.С.(25) од скопското село Глумово и Д.В. од струшкото село Лабуништа. Со сериозни тешки повреди, во болницата во „Свети Еразмо“ во Охрид, префрлени се Д.А. и М.Ш. и двајцата од селото Лабуништа и Н.А. (46) од селото Глумово. Во сообраќајната незгода учествувале патничко моторно возило марка „мерцедес“ со италијански национални ознаки управувано од М.В.(51) од струшкото село Лабуништа кое по магистралниот пат се движело од Охрид кон Кичево и патничко возило „голф“ со македонски национални ознаки управувано од И.А. кое се движело во спротивниот правец. При разминување на двете возила, се случил судар на нивните предни леви страни. На местото на сообраќајната незгода, извршен е увид во присуство на Јавен обвинител, крим техника и полициски екипи од полициската станица за безбедност на патниот сообраќај од Кичево. За време на увидот имаше мал прекин на сообраќајот а потоа физичко регулирање од полициски службеник со наизменично пропуштање на патничките и другите моторни возила./крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Уапсен дилер од Штип, пронајдена дрога и голема сума пари
МВР информира дека вчера по преземени оперативни мерки и дејствија, полициски службеници од Отсекот за недозволена трговија со дрога и оружје го уапсиле 32 годишниот Б.М. од Штип.
При претрес во неговиот дом во Штип извршен по насоки од надлежен обвинител, биле пронајдени и одземени прашкаста материја, поголема сума на пари и дигитална вага.
„Лицето е задржано во полициска станица и во текот на денот со кривичната пријава ќе биде предаден на судија на претходна постапка за понатамошно постапување“, соопштија од полицијата.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.