Црна хроника
Двајца мажи пронајдени починати во неготинско и кичевско
Двајца мажи биле најдени починати последните два дена во неготинско и кичевско, а според првичните информации, и двајцата починале од природна смрт.
Шеесет и едногодишен маж од Демир Капија во понеделникот во 21 часот бил најден починат кај местото Балдовец подрачје Барово, Неготино. Екипа од Полициската станица Кавадарци, заедно со дежурен лекар од ЈЗУ Здравствен дом Кавадарци излегле на лице место при што не се констатирани траги на насилство. По наредба на јавен обвинител, телото на починатиот е пренесено во Институтот за судска медицина Скопје за обдукција.Кичевец кој на 4-ти јули бил пријавен за исчезнат бил пронајден мртов во вторникот кај местото Стредорек во атар на село Белица, кичевско. На телото биле видливи мали повреди во вид на гребаници на лицето и нозете. Обдуцијата треба да покаже како настанала смртта./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Црна хроника
Стружанец објавувал експлицитна содржина од малолетничка
Полицијата во Тетово поднесе кривична пријава против А.А.(41) од Струга, поради постоење основи на сомнение за сторени кривични дела „злоупотреба на лични податоци“ и „производство и дистрибуција на детска порнографија“.
Пријавениот, на социјална мрежа, објавил фотографии и видео снимки со експлицитна содржина од женско лице, кое во тоа време било малолетно.
Црна хроника
Жена од Гевгелија измамила Грк дека е од Царина и му зела 2.000 евра
Полицијата поднесе кривична пријава против М.Ј.(46) од Гевгелија, поради измама.
„Пријавената, на 13 септември на царинскиот терминал на Граничниот премин „Богородица“, го довела во заблуда грчкиот државјанин К.Г.К., на начин што лажно се претставила дека е застапник во царински постапки и лажно му прикажала факти дека сторил тежок царински прекршок, поради што ќе биде задржан на македонско-грчката граница од страна на царинските власти и му побарала 2.000 евра, за да му помогне, на што се согласил“, објави МВР во дневниот билтен.
Црна хроника
Демолиран изборен штаб во Конче
Г.Г.(45) од село Дедино, општина Конче, пријавил во полицијата дека ноќта помеѓу 24 и 25.04.2024 во времето од 22.00 до 06.00 часот било скршено стакло на објект во село Дедино, кој се користел како штаб на кандидат за претседател на државата.
Увид на местото извршила екипа на ОВР Радовиш и се преземаат мерки за расчистување на случајот.