Европа
Баварскиот премиер планира нова средба со Путин
Премиерот на покраинската влада на најсилната економски германска федерална земја Баварија, Хорст Зехофер, планира да се сретне со рускиот претседател Владимир Путин во октомври во Москва, со што повторно ќе ги предизвика осудите на кои наиден нивната средба во февруари, пишуваат во средата германските медиуми.
Весникот Straubinger Tagblatt, повикувајќи се на интерен документ, пишува дека средната на Зехофер со Путин е планирана за 5-ти октомври, како дел од посетата на Москва којашто ќе вклучува и средба со рускиот министер за надворешни работи Сергеј Лавров.
Хорст Зехофер, кој воедно е челник и на Христијанско-социјалната унија (CSU) која е неприкосновена и ограничена на Баварија, е сестринска партија на Христијанско-демократската унија (CDU) на Ангела Меркел, последната година остро ја критикува политиката на отворени врати за бегалците и имигрантите, особено по серијата напади кои се случија последниот период во оваа јужна германска покраина, во кои напаѓачите беа во најмалку два напада радикализирани баратели на азил, што предизвикува тензии во рамките на владејачката Унија CDU/CSU.
CSU е меѓу најгласните на германската политичка сцена во барањата упатени до канцеларката да ги затвори границите и да ги враќа имиргантите ускратуваќи им го правото на политички азил, што во еден период се закани и со раскинување на долгогодишната коалиција.
Исто така, постапките на Зехофер со посетата на Москва во февруари годинава, предизвика и тензии во десно-левата голема коалиција во владата, со социјалдемократите од SPD. Критичарите го обвинуваат дека на своја рака води алтернативна надворешна политика.
Зехофер, меѓутоа, решително ја брани својата посета на Москва, аргументирајќи го тоа со потребата да се зачуваат политичките и економските врски со Русија, додека канцеларката Меркел зазема остар став по примерот на САД за наводните руски активности во источна Украина.
Портпаролот на баварскиот премиер ја потврди планираната посета на Москва, но не сакал да зборува за датумот./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Русија: Евакуиравме над 30.000 луѓе од пограничните области со Украина
Околу 30.400 луѓе, меѓу кои речиси 8.000 деца, се евакуирани од областите што граничат со Украина поради гранатирање и напади, изјави рускиот комесар за човекови права.
Комесарката Татјана Москалкова во интервју за порталот Аргументи и Факти изјави дека сите евакуирани се сместени во речиси 1.000 центри за привремено сместување низ Русија.
Украина, која беше нападната од Русија во февруари 2022 година, возврати со гранатирање и напади врз руските погранични области, при што војската тврди дека нападите се насочени кон инфраструктурата клучна за воените напори на Москва.
Украинските сили уште во август започнаа напад и упаднаа во регионот Курск, преземајќи контрола над десетици места. Оттогаш, тие ги задржаа повеќето од нивните позиции.
Москалкова рече дека и се пожалиле дека сега не се знае каде се наоѓаат повеќе од 1.000 руски државјани на Курск и дека се верува дека биле однесени од украинските воени сили.
Европа
ЕУ сака да воведе санкции против Иран поради испраќање ракети до Русите, пристигна одговорот на Техеран
Министрите за надворешни работи на ЕУ денеска ќе разговараат за ескалацијата на конфликтот на Блискиот Исток и напорите на ЕУ да ја поддржи Украина против руската инвазија, и покрај отпорот од Унгарија.
ЕУ планира да ги погоди руските актери и организации обвинети за дестабилизација на демократијата и безбедноста на Молдавија со нови санкции пред клучниот референдум за членство во ЕУ кон крајот на овој месец.
Унијата, исто така, сака да го казни Иран за снабдување на Русија со балистички ракети за употреба во Украина.
Санкциите на ЕУ што треба да бидат усвоени во понеделник се насочени кон компании и поединци вклучени во иранската програма за балистички ракети и снабдувањето со ова и друго оружје за Русија.
Една од целите е иранската државна авиокомпанија Иран Ер. Германија и Франција веќе најавија дека работат на санкции против компанијата.
Иран ги осуди предложените мерки на ЕУ. „Јасно кажав и повторно повторувам: НЕ испорачавме балистички ракети на Русија“, изјави министерот за надворешни работи Абас Арагчи. „Ако на Европа и треба случај за да се смири израелската уцена, подобро е да се најде друга приказна“, додаде тој.
Улогата на Иран и неговите регионални застапници Хезболах во Либан и Хамас во Газа ќе биде во фокусот на состанокот на министрите за надворешни работи во Луксембург.
ЕУ се бори да најде одговор кој би можел да помогне да се спречи конфликтот да се претвори во спирална регионална војна на Блискиот Исток.
Тоа најверојатно ќе биде последната средба на првиот дипломат на ЕУ, Жозеп Борел, додека поранешната естонска премиерка Каја Калас се подготвува да ја преземе оваа улога.
Друго големо прашање е блокадата на Унгарија која трае веќе една и пол година, како и клучната политика на ЕУ за воена помош за Украина, Европскиот фонд за мир (ЕПФ), вреден 6,6 милијарди евра.
Будимпешта не сака да испраќа оружје во Украина, сметајќи дека тоа само ја продолжува војната. „Искрено, тоа е многу време, тоа е многу пари и ја поткопува нашата политичка волја да ја поддржиме Украина на кој било фронт“, рече претставник на ЕУ во знак на растечката нетрпеливост на ЕУ кон Унгарија.
Европа
Русија ја нападна Украина со 68 дронови
Русија синоќа истрела 68 беспилотни летала и четири ракети врз Украина, соопшти украинската армија.
„Две балистички ракети Искандер-М ги погодија регионите на Полтава и Одеса, а две ракети Х-59 беа лансирани кон регионите Чернихив и Суми“, соопштија украинските воздухопловни сили на апликацијата за комуникација Телеграм.
Украинските сили за противвоздушна одбрана, наводно, уништиле 31 дрон.