Скопје
Поради маглата, откажани и пренасочени летови од скопскиот аеродром
Скопскиот аеродром „Александар Велики“ поради големата магла откажа неколку летови, а дел ги пренасочи на охридскиот аеродром „Св. Апостол Павле“.
Поради густа магла, од синоќа два лета во пристигнување, кои требало да слетаат на скопскиот аеродром се пренасочени кон аеродромот „Св. Апостол Павле“ во Охрид.
Исто така, лета во кои биле планирани од скопскиот аеродром се пренасочени кон охридскиот аеродром.
Според податоците од интернет страницата на „ТАВ“, два лета во пристигнувања беа откажани, додека за заминување биле откажани три.
Летот за Бергамо, закажан за 11.45, според информациите на сајтот, се реализирал со мало задоцнување.
Густата магла на скопскиот аеродром, која ја намали видливоста до 200 метри, беше причина за одложено слетување на авионот од Истанбул, пренасочување кон Охрид на авионот од Фридрихафен, а неизвесно беше слетувањето на авионите од Рим, Малме, Базел и Брисел.
Засега откажани се полетувањата кон Истанбул и Малме.
Се очекува маглата на скопскиот аеродром да се задржи и во текот на утрешното утро, додека постепено се очекува подобрување на видливоста.
Во текот на вчерашниот ден биле откажани пет полетувања и четири слетувања, а два биле пренасочени на охридскиот аеродром./крај/мф/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Скопје
Извршена ларвицидна дезинсекција во општина Илинден
Во согласност со програмата за спроведување општи мерки за заштита на населението од заразни болести за 2024 година, Општина Илинден во координација со екипите на ДТУ ТОКСИ ВЕТ – Скопје, реализира прскање против ларви од комарци на целата територија на општината.
Во согласност со елаборатот за спроведување на превентивна дезинсекција за спречување и искоренување вектор преносливи заболувања, во овој период се врши ларвицидна дезинсекција на водни површини за уништување ларви од комарци.
Со третирањето се опфатени сите водни површини на отворените одводни канали (главни, секундарни и терцијални), речното корито на Сува Река и вештачката акумулација во Бучинци, на вкупна површина од 50 хектари.
Дезинсекција се врши со еколошко средство, кое е безопасно за здравјето на луѓето, одобрено и пуштено во промет од Бирото за лекови.
Скопје
Оваа сабота во „Јавна соба“: базар на втора рака облека, накит, книги и детски играчки
Трендот во големите градови и културата е рециклирање и рекреирање веќе на постојното. Колку понапредни општествата, толку повеќе се рециклира, се води сметка за животната околина и сè погласна и популарна е second hand модата.
Скопје полека ја прегрнува оваа нова филозофија, но колку е поголема и подобра понудата – толку повеќе ќе има интерес од страна на потрошувачите и ќе има поголем успех.
Оваа сабота (11 мај) во „Јавна соба“, под слоганот „Second hand е подобро од ново“, почнува базарот, каде што посетителите може да си набават добро сочувано парче гардероба, чевли, накит, книга или можеби некоја играчка. Ќе има многубројни штандови со разноразни парчиња, кои дефинитивно заслужуваат втора шанса.
И сето тоа во еден забавен, опуштен и пријателски амбиент, еве неколку причини зошто е подобро да купувате работи од втора рака:
– заштеда на пари;
– помагање на животната средина и зачувување на природните ресурси;
– поддржувате локален и мал бизнис;
– развивате уникатен стил;
– имате чувство како да сте во потрага по богатство.
Скопје
Посебен режим на сообраќај во Скопје поради денот на полицијата
Министерството за внатрешни работи ги известува граѓаните на Скопје дека поради одржување на настан за одбележување „7 Мај – Ден на полиција“, во периодот од 08.00 до 18.00 часот за сообраќај ќе биде затворен бул.„АСНОМ“ на потегот од крстосница со бул.„Србија“ до крстосница со бул.„Февруарски поход“. Единицата за безбедност на патниот сообраќај при СВР Скопје ќе преземе мерки за пренасочување на сообраќајот.
Секторот за внатрешни работи Скопје апелира до сите учесници во сообраќајот да се почитуваат наредбите кои ќе ги даваат полициските службеници.