Европа
Германците очекуваат напади, но продолжуваат да живеат нормално
Повеќето Германци велат дека очекуваат нов исламистички напад во својата земја во текот на следните месеци, но дека нема да ги променат секојдневните активности поради својата загриженост, покажуваат резултатите од анкетата објавена во саботата.
Според истражувањето на YouGov, 75 отсто од испитаниците мислат дека нов напад е веројатен. Меѓутоа, само 14 проценти велат дека во последните три месеца ги одбегнувале патувањата со автобус или воз поради страв од терористички напад.
Во нападот од 18-ти јули за кој одговорноста ка презема екстремната сунитска организација Исламска држава пет лица беа ранети кога 17-годишен барател на азил од Авганистан со секира и нож ги нападна во воз кај Вирцбург, во јужна Германија.
Анкетата покажува дека половина од Германците редовно го користи јавниот транспорт, додека третина никогаш не го користи.
Резултатите од анкетата во продолжени покажуваат дека 14 отсто од испитаниците велат дека поради страв од тероризмот не би отишле на концерт или на фестивал. Значително повеќе од половината велат дека не би дозволиле тој страв да влијае врз нив. Покрај тоа, 26 отсто одговориле дека и инаку не сакале да одат на такви места. Вкупно 67 проценти од испитаниците се изјасниле дека и натаму ќе се движат слободно на јавните простори.
Во вториот напад за кој одговорноста ја преземе Исламската држава, 27-годишен барател на азил од Сирија се разнесе на влезот од просторот на кој се одржуваше музички фестивал во градот Ансбах. Во овој напад загина само бомбашот, а беа повредени 15 лица.
Со зголемена претпазливост кон луѓето во нивната околина според ова истражување ќе бидат 45 отсто од Германците. Одвоената анкета на YouGov покажува дека 65 отсто од испитаниците велат дека би сакале поголема присутност на полицијата.
Истражувањето е спроведено за агенцијата DPA во периодот меѓу 27-ми и 29-ти јули, а со него биле опфатени 2.061 лице./крај/мф/сн
Извор: DPA
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.