Европа
Австрија: Водство на десничарскиот кандидат за претседател
Кандидатот на австриската Слободарска партија (FPO), Норберт Хофер го зголемил своето водство покажува анкетата на Gallup пред повторените избори за австриски претседател во октомври.
Поранешниот челник на австриските Зелени кој имаше големо заостанување по првиот изборен круг, Александер Ван дер Белен, на вториот круг на 24-ти мај тесно го победи Норберт Хофер од FPО, кој за малку пропушти да стане првиот претседател од крајната десница во Европа.
Со 50,3 отсто од гласовите, откако во првиот круг освои 21,3 проценти, по пребројувањето на гласовите пристигнати по пошта, Ван дер Белен за 0,6 отсто, или 31.026 гласови, го победи Хофер кој освои 49,7 отсто, а во првиот круг имаше убедливо водство од 35,1 отсто од гласовите.
По вложените жалби и испитување на сведоците, австрискиот Уставен суд нареди изборите да се повторат поради неправилности при броењето на гласовите.
Според аналитичарите, серијата исламистички напади во Европа, како и британската одлука за напуштање на Европската унија, влијаеле врз политичката атмосфера во инаку неутралната Австрија.
Резултатите од анкетата објавена во весникот Oesterreich во неделата, покажуваат широка поддршка од 52 отсто за Хофер, процентен поен повеќе од анкетата спроведена на почетокот од јули, наспроти 48 отсто за Ван дер Белен.
Од 600 испитаниците, 57 отсто ја наведуваат личноста и индивидуалноста на Хофер како најважен фактор, а потоа следи „заштитата од теророт“ со 56 отсто, и „уверливата политика кон мигрантите“, со 55 отсто.
Анкетата покажува и рекорда поддршка за антидоселеничката политика, особено од земјите од исламскиот свет, и за евроскептицизмот на Слободарската партија, која изнесува 35 отсто, повеќе од владејачката коалиција на левите Социјалдемократи со 25 отсто и на десната Народна партија со 19 отсто.
Лидерот на FPO, Хајнц Кристијан Штрахе, повеќепати ја обвини владата за премногу мек однос кон кон европската мигрантска криза која според него ја изложува на опасност и Австрија.
Во интервјуто за весникот Oesterreich, Штрахе бара санкции од ЕУ, кон турскиот претседател Реџеп Тајип Ердоган, според него, поради антидемократските пресметки со неистомислениците по неуспешниот обид за пуч.
„Потребно е да се запрат ЕУ преговорите за членство и исплатите во износи од милијарди, како и конечно да се наметнат санкции. Доколку лицемерната политика го гледа воведувањето на смртната казна која ја најави Ердоган како црвена линија, тоа е чист цинизам. Црвената линија е одамна веќе мината“, вели Штрахе./крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Туск: Повторно воведуваме тампон зона на границата со Белорусија
Полска на почетокот на следната недела повторно ќе воведе тампон зона од 200 метри на границата со Белорусија, изјави денеска премиерот на земјата Доналд Туск откако полски војник беше нападнат на границата и се бори за живот.
Границата стана жариште откако мигрантите почнаа да пристигнуваат таму во 2021 година и откако Белорусија, близок руски сојузник, наводно отвори туристички агенции на Блискиот Исток кои нудат нова неофицијална рута кон Европа, потег што Европската унија вели дека е дизајниран за да се создаде криза.
Белорусија ги отфрла обвинувањата дека помага да се пренасочат мигрантите кон полската граница, а од Минск во средата немаше коментар за најавата на Туск. „Ни советуваа наскоро да ја обновиме тампон зоната од 200 метри во оваа област каде што е можно. Подготвени сме да донесеме таква одлука на почетокот на следната недела“, рече Туск на прес-конференција во близина на границата.
Во последниве недели има зголемување на бројот на мигранти кои се обидуваат илегално да ја преминат границата, а граничарите пријавиле бројни насилни инциденти. Во вторникот, полски војник беше нападнат со нож преку граничната ограда и сега неговиот живот е во опасност.
„Овде немаме работа со баратели на азил, туку со координирана операција на повеќе нивоа, многу внимателно дизајнирана, чија цел е да се пробие полската граница и да се дестабилизира земјата“, рече Туск.
Полска планира да потроши 2,55 милијарди долари за зајакнување на границата со Белорусија, а министерот за одбрана Владислав Косинијак-Камиш рече дека Полска е подготвена да го зголеми бројот на војници на границата од 5.500 што моментално се стационирани таму, но не кажа како многу ќе има повеќе во иднина.
Европа
Критичарот на Путин, Стрелков оди во затвор, одбиена му е жалбата
Игор Гиркин, попознат како Стрелков, ќе оди во затвор на четири години бидејќи жалбата му беше одбиена, јави руската државна агенција РИА.
Гиркин е поранешен офицер на ФСБ, познат руски националист и жесток критичар на Владимир Путин. Во јануари Гиркин беше осуден од московскиот суд за поттикнување екстремизам, што тој го негираше.
Судот во Холандија на крајот од минатата година пресуди дека Русија имала контрола над сепаратистите во источна Украина кога авионот на Малезија ерлајнс беше соборен во 2014 година, при што загинаа сите 298 луѓе во него. Авионот на летот MH17 летал од Амстердам за Куала Лумпур.
Стрелков и уште еден руски државјанин, како и еден Украинец беа осудени бидејќи било констатирано дека дејствувале како дел од сепаратистичка група во 2014 година. Гиркин, тогашен воен лидер на таканаречената Народна Република Доњецк, беше осуден за поставување ракети, а Дубински за организирање на транспортот на ракетниот систем Бук. Судот утврди дека Харченко го надгледувал и чувал споменатиот ракетен систем.
Игор Гиркин беше во центарот на настаните во Украина. Тој беше еден од клучните луѓе на Путин за преземање на Крим. Тој со група вооружени лица пристигна на Крим, каде според неговото признание, со закани со оружје ги принудиле локалните претставници да гласаат за референдум за отцепување.
По референдумот тој го напушти Крим, но набрзо повторно влезе во Украина, овој пат во регионот на Доњецк, повторно со група вооружени лица. Неговиот тим ги окупираше административните згради во Славјанск и го прогласи создавањето на „Доњецка народна република“. Гиркин дури извесно време беше министер за одбрана на ДНР.
Европа
(Видео) Повторно еруптираше вулкан на Исланд, прогласена вонредна состојба
На југозападниот дел на Исланд, повторно еруптираше вулкан, поради што властите го евакуираа познатиот геотермален спа центар Blue Lagoon, познат по топлата вода со прекрасна сина боја и малиот рибарски град Гриндавик. Ова е петта ерупција во областа од декември.
Исландската метеоролошка служба (ИМО) наведува дека новата пукнатина од која избива лавата е долга повеќе од 2,5 километри и продолжува да расте. На снимката се гледа како вулканот исфрла лава до височина од 50 метри, додека огромни облаци од пепел го покриваат поголемиот дел од небото.
Официјални лица денеска објавија и интензивни потреси пред ерупцијата. Повеќето од 4.000 жители на Гриндавик беа трајно евакуирани во ноември, пред ерупциите во декември, јануари, февруари и март. За време на јануарската ерупција, по улиците на Гриндавик течела лава и проголтала три куќи.
Неколку жители оттогаш се вратија да живеат во соседните места кои се помалку загрозени, но сега се повторно евакуирани кога магмата почна да тече поблиску до Гриндавик, пишува Би-би-си. Властите денеска прогласија вонредна состојба. Ерупцијата се случи неколку часа откако властите наредија евакуација на Гриндавик и Сината лагуна, каде утринава имаа меѓу 700 и 800 посетители.