Регион
Турција може да ѝ дозволи на Русија користење на базата Инџирлик
Турскиот министер за надворешни работи Мевлут Чавушоглу не ја исклучува можност Анакара да ѝ овозможи на Русија користење на воената воздухопловна база Инџирлик за операции против терористичката џихадистичка организација Исламска држава.
„Ќе соработуваме со сите оние коишто дејствуваат против Исламската држава. Од самиот почеток ја водиме таа борба, и ја отворивме базата Инџирлик за оние кои сакаат да учествуваат во неа. Зошто на ист начин не би можеле да соработуваме и со Русија? Исламската држава е непријател за сите нас, и со неа мора да се бориме. На повисоко ниво многу важно е воведување на таков механизам во практика и спречување на какви и да се несакани инциденти. За таа тема ги усогласивме ставовите со Сергеј Лавров“, изјави неговиот турски колега по должност – министерот за внатрешни работи Мевлут Чавушоглу во интервјуто за телевизијата TRT.
Воздухопловната база Инџирлик се наоѓа во јужната покраина Адана, и нејзиното функционирање во моментов се регулира со Договорот за воена и економска соработка меѓу САД и Турција, откако Анкара долго одбиваше да дозволи користење на базата од американските сили поради западното поддржување на курдските милиции во конфликтот во соседна Сирија.
Во моментов во базата Инџирлик се стационирани борбени воздухоплови на САД, Германија, Велика Британија, Катар и Саудиска Арабија, во рамките на меѓународната коалиција којашто од есента 2014 година изведува воздушни удари врз екстремната сунитска организација Исламска држава во Ирак и во Сирија.
Од друга страна, руската авијација којашто од септември 2015 година дејствува во Сирија против џихадистичките бунтовнички групи на повик на претседателот Башар ал-Асад, ја користи за своите операции базата Хмејмим во централниот дел од земјата.
Односите меѓу Русија и Турција се подобруваат откако неодамна турскиот претседател Реџеп Тајип Ердоган до својот руски колега Владимир Путин испрати писмо со извинување поради соборувањето на рускиот бомбардер и убиството на неговиот пилот во инцидентот кој се случи ланскиот ноември над сириско-турската граница.
Следните денови Путин телефонски му се јави на Ердоган по што го потпиша указот со кој се отстрануваат дел од санкциите наметнати на Турција поради инцидентот со авионот./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Тешка сообраќајна несреќа кај Младеновац: автобус удри во автомобил, има загинати, над 20 лица се повредени
Возачот на патничко возило загина утрово во судир со автобус во близина на Младеновац, а 30 луѓе се донесени во итниот центар, според Танјуг.
Директниот судир на автобусот и теренскиот автомобил се случил околу 5:40 на патот Мали Ватревац – Младеновац до рампата на патарината, а во несреќата учествувале и џип и автобус на линија 493.
Повредените Тсе транспортирани во ургентен центар од амбулантни возила и приватни автомобили.
Повеќето патници се со полесни повреди.
Истрагата е во тек.
Министерот за градежништво, транспортот и инфраструктурата Горан Вешиќ во посета на ТВ Прва, истакна дека добил информации дека има сообраќајна несреќа, но дека причината е сè уште непозната.
Регион
(Видео) Невреме во Хрватска: гром запали куќа, летаа покриви, автомобили заглавени во вода
Пожар избувна во семејната куќа во Борлин по удар на гром по силното невреме.
Со тешки телесни повреди се здобил и 52-годишен пожарникар кој е пренесен на лекување, јавува „ Нова ТВ“.
Командирот на Јавната противпожарна служба во Карловац, откри детали за повредениот пожарникар.
„За време на гаснењето имаше неколку експлозии, најголемата беше при нашето пристигнување, за време на гаснењето имаше неколку секундарни експлозии, не знаеме точно што ги предизвикало експлозиите, можеме да претпоставиме дека се работи за остатоци од мини-експлозивни направи од Татковинската војна“, рече тој.
Додаде дека пожарникарот има сериозни повреди, пренесува „Индекс“.
„Ќе биде опериран, сакаме да закрепне што е можно поскоро“, изјави тој за РТЛ.
Соседите во предградието на Карловац, опишаа дека гром прво удрил во куќата, по што следеле поголеми и помали експлозии, од кои стотици. Плочки летаа и до 80 метри, а на улица можеше да се најдат и чаури.
Силно невреме попладнево зафати делови од Хрватска. Најтешка беше ситуацијата во Карловац.
Големо количество врнежи за кратко време предизвикаа поплави на бројни патишта во Карловац. Поплавени се подвозници и паркинзи, автомобили останаа заглавени во водата.
Итните служби се на терен.
Во повеќе делови од градот паѓаше град. Засега се уште нема информации за штети.
Карловачките пожарникари примиле околу 20 повици за интервенции, потврди градоначалникот Дамир Мандиќ.
Регион
(Видео) Протести во Тирана: експлозии пред влезот на собранието; молотови коктели врз полицајци
Граѓаните повторно се собраа пред собранието на град Тирана, каде се одржа нов протест со барање за оставка од градоначалникот Ерион Велиај, јавува „Vox News“.
Тензиите се зголемија по говорите на претставници и активисти на опозицијата.
The opposition in #Albania is protesting for the second month in front of the Municipality of #Tirana. They demand the resignation of the Mayor #ErionVeliaj as they accuse him of corruption on at least 3 occasions. pic.twitter.com/cNQmqwX0IB
— Isa Myzyraj (@IsamyzyrajAlb) May 28, 2024
Овој протест, според написите, започна со факели и молотови коктели.
Демонстрантите фрлаа молотови коктели кон влезот на градското собрание во Тирана, додека десетици полицајци стоеја пред нив.
Медиумот пренесува дека молотовите коктели не ги погодиле полицајците, туку експлодирале на влезните скали на Градското собрание.