Европа
Словачка предупредува на опасност од тероризам поради мигрантите, во Македонија ќе испрати 30 полицајци
Словачкиот премиер Роберт Фицо, чијашто земја претседава со Советот на Европската унија во ова полугодие, изјави дека постои голем ризик од новите терористички напади поврзани со мигрантската криза во Европа, а тамошното министерство за внатрешни работи најавува дека ќе испрати уште 30 словачки полицајци во Македонија и уште 25 во Унгарија, за помош на овдешните колеги во заштитата на границите од илегалните имигранти.
„Очигледно е дека потенцијалните терористи би можеле да ја искористат неконтролираната имиграција за да префрлаат оружје и експлозиви“, изјави словачкиот премиер Роберт Фицо во петокот за новинарите.
„Можноста од нови терористички напади е многу многу висока“, рече додавајќи дека според словачките разузнавачки служби „би можела да постои врска меѓу имиграцијата и тероризмот“.
Интернет изданието на братиславскиот дневен весник SME, повикувајќи се на министерството за внатрешни работи на Словачка, објави дека земјата ќе испрати 30 свои припадници во Македонија и 25 во Унгарија.
„Во случајот станува збор за нова манифестација на солидарност од страна на Словачка со земјите, коишто во значителна мера ги почувствуваа последиците од миграциската криза“, изјавил претставникот на министерството за весникот.
Словачките полицајци од крајот на минатата и почетокот на годинава веќе учествуваат во заедничките гранични патроли со колегите од Македонија, Унгарија и Словенија.
Новата поддршка на пограничните полиции ја побара на неодамнешниот самит на земјите од Вишеградската група (Полска, Чешка, Словачка и Унгарија – V4) во Варшава, унгарскиот премиер Виктор Орбан. Владите на Чешка и на Полска, исто така, позитивно одговорија на овој апел.
Засега не е познато дали триесетте словачки полицајци ќе бидат борјно засилување на веќе постојните ротации на припадници на полицијата на Словачка во Македонија за спроведување на заедничките патролни активности со македонските колеги на државната граница со Грција. Ротацијата на припадниците на словачката полиција е врз основа на Меморандумот за разбирање меѓу министерствата за внатрешни работи на Република Словачка и Република Македонија.
Словачките полицајци спроведуваат заеднички патролни активности со македонските колеги на границата со Грција, со цел превенција во областа на јавната безбедност и неовластеното преминување на државната граница. Словачка полициска единица е распределена во областа на Дојранското Езеро. Словачките полицајци се опремени со теренски моторни возила, термални камери и уреди за ноќно набљудување. Мандатот на словачката полициска досега беше 30 дена со можност за продолжување.
Република Словачка досега испрати во Македонија вкупно 75 полициски службеници што е најголем придонес по глава на жител од странски држави кои учествуваат во заедничките операции во земјава. Помошта е израз на солидарност во решавањето на мигрантската криза и во контекстот на словачкото претседателство во Советот на ЕУ, каде еден од приоритетите ќе биде „одржлива мигрантска и азилантска политика”, соопшти претходно словачката дипломатија./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
(Видео) Голем пожар во фабрика во Берлин, жителите предупредени да го избегнуваат подрачјето
Голем пожар во фабрика во Берлин-Лихтерфелд, која произведува системи за противвоздушна одбрана што се користат на бојното поле во Украина.
Противпожарната бригада предупредува на отровен чад, пренесува „Билд“.
‼️ A defense-industrial company factory is on fire in Berlin
According to media reports, a fire with toxic smoke occurred at a metallurgical plant of the defense-industrial company Diehl. The company is the main contractor of the IRIS-T production program and ammunition for this… pic.twitter.com/jZBBXTEdSm
— NEXTA (@nexta_tv) May 3, 2024
Адријан Венцел, портпарол на берлинската противпожарна бригада, изјави за Билд:
„Целосно изгореа четири ката од зградата. Дел од неа е веќе урнат, а ја гаснеме однадвор. Пожарот повеќе не може да се стави под контрола однатре.
Дежураат околу 160 пожарникари. Спасувачите носат заштитни одела.
Можеме да потврдиме дека во зградата биле запалени и хемикалии. Таму биле складирани сулфурна киселина и бакар цијанид. Постои ризик да се формира водород цијанид и да се издигне во воздухот со чад“, додаде портпаролот.
Противпожарната бригада го информираше населението преку апликации за предупредување.
Feuer mit Explosionen in Berlin Lichterfelde am 03.05.2024 #Feuerwehr #brand pic.twitter.com/4hZG5XekU0
— Niko (@nl_an) May 3, 2024
Станува збор за фирма „Diehl Metal Applications“ која има сопствен систем за доработка на метални површини во објектот.
По проценка на временските услови и соодветниот правец на ветерот, чадот од фабриката се пресели на север. Противпожарната бригада советува избегнување на просторот околу претпријатието, затворање на прозорците и вратите и исклучување на вентилацијата и климатизацијата.
Сојузната држава Берлин издаде официјално предупредување за опасност, советувајќи ги луѓето да ја избегнуваат областа.
Учениците и наставниците од околните училишта беа испратени дома.
Во е-пошта до родителите, една гимназија испратила порака во која ги замолува учениците да останат дома.
Засега нема информации за причината за пожарот, но соопштено е дека нема повредени.
Европа
Борис Џонсон го вратија од гласање, дојде без лична карта: се обиде да го заобиколи сопствениот закон
Борис Џонсон (59), поранешниот британски премиер, во четвртокот бил вратен од избирачкото место, откако се обидел да гласа без лична карта, односно документ со фотографија. Како што пренесува „Гардијан“, Џонсон се обидел да го измами сопствениот закон, бидејќи токму за време на неговиот мандат во Велика Британија била донесена одредба со која се барал документ со фотографија за гласање.
Џонсон, кој поднесе оставка во 2022 година по мандатот обележан со бројни скандали, беше предупреден на избирачко место во Оксфордшир (Јужна Англија) дека мора да го има потребниот документ за докажување на неговиот идентитет. На гласачкото место му дозволија да гласа на локалните избори кои се одржаа низ цела Англија.
Портпаролот на поранешниот премиер изјави дека Џонсон гласал за конзервативците. Тој не ги демантираше пишувањата на медиумите дека поранешниот премиер немал лични документи со фотографија. Минатата година на изборите по промената на законот, околу четири отсто од испитаниците се изјасниле дека не гласале токму затоа што немаат документ со фотографија. Тоа е нешто помалку од околу 800.000 гласачи.
Владата на Џонсон го промени изборниот закон за да ја ограничи можноста за изборен фалсификат, а опозицијата остро ги критикуваше властите за потенцијално обесправување на делови од гласачкото тело. Претходно, гласачите требаше да го дадат само своето име и адреса за да гласаат.
„Мислам дека не е неразумно да се бара од оние што гласаат да покажат некаков доказ за идентитетот“, рече Џонсон во 2021 година за новите правила.
Ова е само последниот инцидент во неговата шарена политичка кариера. Како премиер беше снимен како се крие во фрижидер додека новинарска екипа го бараше за интервју, пренесува медиумот.
Истражувањето спроведено од „YouGov“ покажало дека 14 отсто од Британците пред локалните избори не знаеле дека постои правило за идентификација на гласачите со помош на лични документи.
Европа
Захарова: Секоја агресија врз Крим ќе биде проследена со силна одмазда
Портпаролката на руското Министерство за надворешни работи Марија Захарова денеска ги предупреди Вашингтон, Лондон и Брисел дека сите агресивни дејствија против Крим и мостот на Крим се осудени на неуспех и ќе бидат одговорени со силна одмазда.
„Би сакала повторно да ги предупредам Вашингтон, Лондон и Брисел дека сите агресивни дејства против Крим не само што се осудени на неуспех, туку и ќе бидат одговорени со силна одмазда“, рече Захарова на прес-конференцијата, пренесе ТАСС.
Крим е полуостров со оспорен статус, тој е под де факто контрола на Русија и е поделен на два субјекта на Руската Федерација, Република Крим и град со федерален статус Севастопол, пренесува медиумот.
Украина го смета Крим за дел од својата територија и не ја признава неговата анексија кон Русија.