Регион
Хрватска во Шенген по 2018-та година
Хрватска до крајот на годината би можела да заврши со подготовката за влегувањето до Шенген, а по 2018-та и да влезе во зоната на слободното движење внатре во ЕУ, изјавиле во петокот во Загреб високи владини претставници, пренесуваат хрватските медиуми.
По влегувањето во ЕУ пред точно три години, следниот предизвик за Хрватска е приклучувањето кон зоната без внатрешни гранична контрола, во која се 22 од 28 земји членки, како и уште четири држави кои не се во ЕУ. Хрватските министри за надворешни и внатрешни работи, Миро Ковач и Влахо Орепиќ за овој приоритет на официјален Загреб изјавиле дека земјата мора што поскоро да ги заврши сите подготовки.
„Мислам дека можеме да ги завршиме сите подготовки до крајот на годината“, изјавил Орепиќ. Според Ковач, пак, поради изборите во Германија и Франција следната година не е реално Хрватска да се надева дека ќе влезе во оваа зона пред 2018-та година.
„После тоа ќе добиеме нови водства во овие две важни земји. Мислам дека од 2018-та па натаму е можно Хрватска да влезе во Шенген зоната“, рекол Ковач. Европската комисија за прилагодувањето на стандардите во Хрватска ставила на располагање 120 милиони евра, од кои досега биле искористени 81 процент.
Европејците секоја година остваруваат повеќе од милијарда патувања внатре во шенгенскиот простор, што за Хрватска претставува голем потенцијал, изјавил шефот на мисијата на Европската комисија во Загреб, Бранко Баричевиќ.
„Хрватска е на патот за остварувањето на оваа цел, а за да се приклучи потребно е исполнување на критериумите преку што ќе придонесеме за одржувањето на безбедноста, довербата и слободата на движењето“, истакнал тој. Спроведувањето на шенгенскиот систем започна во 1995-та година помеѓу седум членки на ЕУ, а оваа зона денес го опфаќа поголем дел на Унијата, без Бугарија, Хрватска, Кипар, Ирска, Романија и Обединетото Кралство.
Бугарија и Романија се уште се во постапка за пристапување во оваа зона, а Исланд, Норвешка, Швајцарја и Лихтенштајн се дел од шенгенскиот простор, иако не се членки на европскиот блок. За влез во Шенген системот земјите мора да исполнат низа услови, како што се одговорност за контролата на надворешните граници и издавањето на единствени визи, потоа контрола на копнените, морските и воздушните граници, полициска соработка и заштита на податоците од користењето на шенгенскиот информациски систем./крај/мф/бс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.
Регион
Договорен текстoт на резолуцијата за Сребреница
Предлогот за резолуција за комеморација на геноцид врз Бошњаците од Сребреница, извршен во јули 1995 година, е договорен, а за него треба да се расправа на седницата на Генералното собрание на Обединетите нации, потврди амбасадорот на БиХ во ОН, Златко Лагумџија.
Лагумџија на социјалната мрежа „Икс“ објави дека процесот на усогласување на резолуцијата, чии формални предлагачи се Германија и Руанда, е завршен и испратен до претседателот на Генералното собрание на ОН, Денис Френсис, па нејзиниот текст ќе биде претставен до земјите членки. на светската организација, од која се очекува поддршка.
Резолуцијата повикува да се воспостави 11 јули како меѓународен ден на сеќавање на жртвите на геноцидот во Сребреница, уште еднаш се осудуваат сите дејствија со кои се величат сторителите на воени злосторства, злосторства против човештвото и геноцид утврдени со пресудите на меѓународните судови. Ја нагласува важноста од завршување на потрагата по останките на преостанатите жртви кои досега не се пронајдени и повикува на продолжување на гонењето на сторителите на геноцидот кои се уште се на слобода.
Резолуцијата има намера да ги повика сите држави целосно да ги почитуваат своите обврски од Конвенцијата за спречување и казнување на злосторството геноцид, да го почитуваат меѓународното обичајно право за спречување и казнување на геноцид и да ги почитуваат релевантните одлуки на Меѓународниот суд на Правдата (МСП).
Од генералниот секретар на ОН се бара да воспостави информативна програма наречена „Геноцид во Сребреница и Обединетите нации“, која треба да се спроведе пред следната година, кога се одбележува 30-годишнината од тоа злосторство.
Сите земји-членки на ОН, како и невладините организации и граѓанското општество, предлагачи на резолуцијата истовремено повикуваат на соодветни активности за комеморација и чест на жртвите на геноцидот во Сребреница во 1995 година.
Македонија е коспонзор на оваа резолуција.
Српскиот претседател Александар Вучиќ и лидерот на босанските Срби Милорад Додик инсистираат дека оваа резолуција е обид да се наметне колективна вина врз српскиот народ.
Регион
Tлото на Балканот се тресе: По Хрватска, земјотреси и во Албанија и Грција
Два земјотреси, во растојание од една минута – во 19.19 и 19.20 часот – вечерва се регистрирани на територијата на Албанија.
Земјотресите се со интензитет од 2,1 степен според Рихеровата скала.
Епицентарот на првиот земјотрес бил на седум километри од Елбасан, додека вториот на 62 километри од Тирана.
Според информациите на ЕМСЦ, неколку минути претходно, земјотрес од 2,5 степени имало и во јужниот дел од Грција, а уште два од 2 и 2,3 степени се регистрирани предмалку на Крит.
Претходно денес, Хрватска ја погоди силен земјотрес од 4,7 степени, а беше почувствуван и во Босна и Херцеговина. По овој потрес, следеа неколку помали.