Европа
Оланд: Победата на Трамп би била поттик за десницата ширум светот
Францускиот претседател Франсоа Оланд изјави во вторникот вечерта дека можната победа на републиканскиот претседателски кандидат Доналд Трамп на американските претседателски избори во ноември би можела политиката ширум светот да ја направи поконзервативна додавајќи дека американскиот магнат предизвикува кај луѓето „чувството на мачнина“.
Можната победа на Доналд Трамп би можела да има влијание и на претседателските избори во Франција 2017 година, вели социјалистот Франсоа Оланд, кој уште не објави дали има намера да се кандидира повторно, имајќи предвид дека го има историски најнискиот рејтинг.
„Доколку Американците го изберат Трамп, тоа ќе има последици, бидејќи американските избори се светски избори“, изјави францускиот претседател.
„Тоа би можело да доведе до многу силно свртување кон десницата ширум светот… американската кампања покажува нешта кои ќе се рефлектираат и на француската кампања“, вели Оланд, кои доколку се реши да се кандидира ќе се соочи со многу силна конкуренција во најверојатниот кандидат на конзервативната партија Републиканци, поранешниот претседател кого го порази на минатите избори Николас Саркози, но и со челничката на крајната десница Национален фронт, Марин Лепен, чија популарност силно е зголемена последните години, особено по големите терористичките напади во Франција со повеќе од 250 жртви за година и половина и европската бегалска криза.
„Одреден број екцеси кои ги предизвика Доналд Трамп направија луѓето, дури и во САД, да се чувствуваат лошо, последниот таков е случајот на критики на потсетувањето на настраданиот војник“, рече Оланд.
Францускиот претседател рече и дека слушнал „болни, навредливи коментари“ во текот на изборните кампањи, а зборувајќи воопштено за политичарите рече дека „тие треба да бидат почитувани доколку го заслужат почитувањето“/крај/мф/сн
Извор: Reuters
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
Венеција заработи огромна сума на пари со наплата на влезници во градот за само 11 дена
Новововедениот билет за туристите на еднодневно патување во Венеција на градот му донесе приход од 975 илјади евра во првите 11 дена од пробниот период.
Билетот, кој првпат беше воведен на 25 април, се наплаќа по стандардна цена од пет евра.
Градот објави дека продал вкупно повеќе од 195.000 билети, што е малку над очекувањата, пренесува Независне новине.
Влезот ќе се наплаќа во повеќето саботи и недели до средината на јули, кога градот ќе ја разгледа цената.
Како општо правило, целодневните посетители помеѓу 8:30 и 16:00 часот се обврзани да платат влезница и да добијат QR код, кој служи како доказ за плаќање. Ако не го сторат, може да платат казна од 300 евра.
Домашните жители, гостите кои преноќуваат, студентите и децата под 14 години се ослободени од плаќање.
Со околу 15 милиони посетители годишно, Венеција е една од најпосетуваните туристички дестинации во светот.
Масовниот туризам му носи многу приходи на градот, но и гужвите создаваат големи проблеми. Не е познато дали Венеција ќе ја задржи таксата по пробниот период.
Европа
(Видео) Украина уништи моќен руски ракетен лансер
Ракетата TOS-1A LANSER често се нарекува тежок фрлач на пламен поради специфичната термобарична муниција што ја истрелува, која е ефикасна против силно утврдените одбранбени позиции.
The warriors from the 93rd Mechanized Brigade destroyed another "no-analogue" russian TOS-1A Solntsepyok heavy flamethrower system with the use of a night-vision FPV drone. pic.twitter.com/lS22jAGa8o
— Defense of Ukraine (@DefenceU) May 7, 2024
„Војниците од 93-та механизирана бригада уништија уште еден руски тежок пламен фрлач TOS-1A Solntsepyok користејќи беспилотно летало за ноќно гледање FPV“, се вели во објавата на Твитер. Не е наведено кога и каде се случил нападот.
Вредноста на еден таков систем се проценува на 6,5 милиони долари.
Европа
Русија и Украина меѓусебно се обвинуваат за употреба на забрането хемиско оружје
Русија и Украина меѓусебно се обвинуваат за употреба на забрането хемиско оружје на бојното поле, објави Организацијата за забрана на хемиско оружје.
Организацијата за забрана на хемиско оружје соопшти дека наводите се „недоволно потврдени“ со доказите, но во соопштението се додава:
„Ситуацијата останува нестабилна и крајно загрижувачка кога станува збор за потенцијалната употреба на токсични хемикалии како оружје“.
Ниту Русија ниту Украина официјално не побарале од организацијата да ја истражи наводната употреба на хемиско оружје, се вели во соопштението.
Минатата недела, САД соопштија дека Русија ја прекршила меѓународната забрана за употреба на хемиско оружје, која е надгледувана од Организацијата.
Таа, наводно, користела хлоропикрин, моќен пестицид што се користи во земјоделството и е забранет за воена употреба, против украинските трупи и користела хемиски соединенија кои привремено ги онеспособуваат луѓето, како солзавец, „како метод за војување“ во Украина.
Ова следеше по украинските тврдења во април дека Русија ја засилила употребата на солзавец во рововите. Русија ги отфрли обвинувањата, а украинските власти не одговорија на барањето на Ројтерс за коментар во вторникот.
Организацијата за забрана на хемиско оружје соопшти дека ја следат ситуацијата од февруари 2022 година, кога Москва ја нападна Украина. Според Конвенцијата за хемиско оружје, секоја токсична хемикалија што се користи за да предизвика повреда или смрт се смета за хемиско оружје.
Употребата на токсични агенси на бојното поле во војна е против Конвенцијата, соопшти Организацијата за забрана на хемиско оружје. „Доколку се користат како метод на војување, овие агенси се сметаат за хемиско оружје и затоа, според Конвенцијата, тие се забранети“.