Европа
Франција: Валс ја призна грешката на правосудството и повика на запирање на странското градење џамии
Францускиот премиер Мануел Валс изјави во петокот дека француското правосудство згрешило кога го пуштило на слобода осомничениот терорист кој подоцна го закла свештеникот во црквата во Руан, и предложи привремено да се запре странското градење џамии во земјата.
Во интервју за дневниот весник Le Monde, премиерот Мануел Валс ја критикува одлуката на судот кој еден од двајцата напаѓачи во Руан го пуштил на слобода со електронски надзор и со услов да може да го напушта домот во период од 8,30 до 12,30 часот, додека го чекал судењето за тероризам.
Францускиот премиер истакнува дека таквата одлука ја донел независниот суд, а не неговата влада.
Валс се соочува со критиките од јавноста поради убиството на свештеникот близу Руан, во Нормандија, како и за претходниот масовен масакр на 84 луѓе во Ница, кој го изврши со камион еден џихадист.
Адел Кермиш, еден од двајцата тинејџери кои во вторникот во црквата во Сент-Етјен-ду-Рувре го убија свештеникот, им бил познат на властите откако во 2015 година двапати се обидел да им се приклучи на џихадистите во Сирија, но бил уапсен во Турција. Меѓутоа, претходно годинава бил пуштен со електричен надзор, и покрај барањето на обвинителот да биде задржан во притвор.
Валс овој потег на судот го нарече „грешка“. „Поради тоа не би требало да се обвинува мојата влада, бидејќи одлуката ја донеле независните судии“, истакнува францускиот премиер.
Кермиш и вториот напаѓач Абдел Малик Птижан беа убиени во полицијата пред црквата во која му го пресекоа гркланот на 86-годишниот свештеник Жак Армел.
И 19-годишниот Птижан од претходно им бил познат на безбедносните служби поради поврзаност со исламистичките милитанти.
Екстремната сунитска организација Исламска држава ја презема одговорноста за нападот во црквата и преку блиската новинска агенција Amaq објави дека двајцата напаѓачи биле нејзини „војници“. Агенцијата објави и видео снимка на којашто Кермиш и Птижан му изразуваат верност на челникот на оваа терористичка групација, Абу Бакр ал-Багдади.
Валс во интервјуто предложува и на неодредено време да се забрани странското финансирање на изградбата на џамии во Франција и се залага за „нови односи со францускиот ислам“, вклучително и имамите да се школуваат во земјата.
„На селафизмот не му е местото во Франција“, истакнува премиерот, алудирајќи на ултраконзервативното реформаторско движење во рамките на сунитскиот ислам. Во Франција живеат околу пет милиони муслимани.
Францускиот премиер поради џихадистичката закана повикува на „револуција во нашата безбедносна култура“. „Секој Французин мора да придонесе за колективната безбедност. Му дојде крајот на времето на невиноста“, истакнува Валс во разговорот за Le Mond./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Европа
16-годишно момче избодено во училиште во Германија
16-годишно момче е тешко повредено кога утрово околу 8 часот било избодено од тинејџер (17) во училиште во Нојкирхен-Влуин.
На нападот наводно му претходела вербална расправија.
Постариот ученик наеднаш извадил нож и го ранил 16-годишникот во горниот дел од телото.
Момчето итно било пренесено во болница, а лекарите велат дека неговата состојба е стабилна.
По прободувањето напаѓачот побегнал од училиштето, но полицијата брзо го лоцирала и го уапсила.
Според инспекторот, немало опасност по безбедноста на другите деца во училиштето.
Европа
Во Англија извикал „Алах Акбар“ и убил случаен минувач: „Го направив тоа за луѓето од Газа“
45-годишниот Ахмед Алид вчера беше прогласен за виновен за убиство и обид за убиство. На 15 октомври минатата година, барател на азил од Мароко со нож го уби 70-годишниот Теренс Карни во центарот на англискиот град Хартлпул. Тој претходно го избодел со нож својот заспан цимер Џавед Нури додека викал „Алах Акбар“.
Алид и рекол на полицијата дека сето тоа го направил „за луѓето од Газа“. Само осум дена пред да убие случаен минувач и да го рани својот цимер, милитантите на Хамас го нападнаа Израел. Алид се заколнал дека ќе убиел повеќе луѓе доколку имал митралез и друго оружје, изјави обвинителот Џонатан Сендифорд во Судот во Тесајд.
Алид делел куќа со други баратели на азил во североисточна Англија. Тој бил вознемирен што Нури го прифатил христијанството. Цимерите рекле дека Алид почнал да носи нож откако на телевизија видел прилог за настаните во Газа.
Европа
Крим главна цел: Пентагон откри за што Украина ќе ги користи моќните ракети АТАКМС
Министерството за одбрана на САД ја појасни целта за испорака на ракети со долг дострел во Украина, кои неодамна беа испорачани во тајност. Како што објави „Њујорк тајмс“, целта на испораката на американските ракети АТАКМС е да се зголеми притисокот врз Крим, кој беше анектиран од Русија по референдумот во 2014 година.
Крим го претставува центарот во кој се лоцирани голем број руски воздушни и копнени сили и кој досега, како што пишува американскиот дневен весник, „за нив бил релативно безбедно засолниште“. Ова го тврди анонимен американски функционер. Сепак, Пентагон одби да каже колку точно од овие проектили со дострел од 300 километри се испорачани на украинската страна.
Советникот за национална безбедност на Белата куќа, Џејк Саливан, претходно ја потврди испораката на овие ракети без да прецизира дали тие се модифицирани и имаат зголемен дострел.
Украинските сили веќе употребија АТАКМС, што претседателот Володимир Зеленски го потврди на 17 април, објавувајќи дека бил извршен напад врз воздухопловната база Џанкој, која се наоѓа на 165 километри од линијата на фронтот. Министерството за одбрана на Руската Федерација не ги коментираше овие наводи.
Pentagon reveals Ukraine’s targets for ATACMS missiles – NYT — (the usual baffling lack of retaliation threats from #Putin– instead just the usual bleating that ‘it’s impossible to justify’..Bring Stalin back to life please, Russia) https://t.co/8pi0Lx8tbt #CapeTown #SouthAfrica pic.twitter.com/ZtI5cG3r2m
— Peter Mayson (@theforeverman) April 26, 2024
Американскиот дневен весник потсетува дека Украина првпат добила ракети АТАКМС во септември минатата година, но дека станува збор за верзија со половина дострел. Се шпекулираше дека Украина можеби користела американски ракети за да го урне кримскиот мост, што на почетокот на месецов го потврди и самиот претседател Зеленски, велејќи дека неговата влада „навистина сака да го уништи мостот на Крим“.
Тој е симбол на руската окупација и преку овој мост Русија испорачува воена опрема и ги снабдува војниците во Украина. Во неколку наврати досега мостот беше цел на украински напади.
– Мислам дека е вистинското време, а шефот (Бајден) донесе одлука дека е вистинско време да и го обезбеди на Украина оружјето неопходно за тековната борба. Тоа е добро осмислена и многу конструктивна одлука – изјави адмирал Кристофер Грејди, заменик командант на Здружениот генералштаб на американската армија.
Руската страна го осуди потегот на САД, а рускиот амбасадор во Вашингтон Анатолиј Антонов рече дека тоа „ја зголемува заканата за безбедноста на Крим, вклучително и Севастопол и другите руски градови“.