Црна хроника
Србинот инволвиран во охридското убиство избегнал во Албанија?
Драган Ѓорѓевиќ од Лесковац, еден од главните осомничени за учество во убиството пред дискотеката „Куба либре Хавана“ во Охрид и натаму е во бегство и најверојатно се наоѓа во Албанија, јави Pressonline
Извор близок до истрагата наведува дека еден од сoсопствениците на дискотеката му помогнал на Драган Ѓорѓевиќ да побегне од Македонија.„Очевидците укажаа дека сопственикот на локалот непосредно по убиството обезбедил автомобил, со кој Ѓорѓевиќ бил префрлен преку граница. Има индиции дека е префрлен во Албанија. Ниеден граничен премин не забележал поминување на Ѓорѓевиќ, што укажува на тоа дека тој илегално ја напуштил Македонија“ наведува соговорникот на Pressonline, близок до истрагата.Македонската полиција најави нови апсења, бидејќи групата која го тепаше и го уби Дејан Новаковиќ броела околу дваеетмина.Новаковиќ вчера беше погребан на Новобежаниските гробишта. Свештеникот по опелото ги замоли неговите пријатели да не му го забораваат семејството.„Ве молам ова семејство да не биде заборавено за 15 – 20 дена, бидејќи во ова тешко време не е лесно да имате три деца дури и кога имаат двајца родители“ рекол свештеникот.Мајката на Дејан, Јулија Новаковиќ, по погребот изјави дека е огорчена од негрижата на српската држава.„Ниеден државен служебеник не ни се јави по телефон да не праша дали ни е потребна помош. Никој не ни упати телеграма, ниту сочувство, ниту поддршка“ рекла мајката.Другарите на Дејан се огорчени од нападот на групата во Охрид, која го убила нивниот пријател. Апелираат до полицијата и судот во Македонија да го расветлат случајот и да ги казнат сите учесници. Тие велат дека нивниот другар умрел од внатрешно крварење.„Дејан се задушил од сопствената крв. Ударот во градите предизвикал внатрешно крварење, по што дошло до гушење, а потоа му откажало срцето. Полицијата коректно ја одработи својата работа и истиот ден уапси осумчлена група која го тепаше Дејан“, изјавил за Pressonline еден од другарите Дејан, кој сакал да остане анонимен.Според него, ова убиство нема врска со македонскиот народ, бидејќи граѓаните на Охрид и самите биле згрозени од овој чин.
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Топ
Три лица, меѓу кои и полицаец, осомничени за разбојништво и противправно лишување од слобода
Јавен обвинител од Основното јавно обвинителство Скопје донесе Наредба за спроведување истражна постапка против две лица кои како соизвршители се осомничени за кривични дела – Разбојништво од член 237 став 1 и Противправно лишување од слобода согласно член 140 став 5 од Кривичниот законик.
Двајцата се осомничени дека на 23 април противправно лишиле од слобода едно лице, така што го повикале да излезе со изговор дека им е потребна помош, а потоа присилно го внеле во автомобил и се упатиле кон мостот на улицата “Беласица”.
Со возилото управувало трето лице – полициски службеник против кого постапката е издвоена и ќе ја води Одделението за гонење кривични дела сторени од лица со полициски овластувања и припадници на затворската полиција при Основното јавно обвинителство за гонење на организиран криминал и корупција.
Додека полицискиот службеник возел, двајцата други осомничени му се заканувале на оштетениот и му нанеле убодни рани со нож во ногата и во рамото. Кога стигнале под мостот, насилно го извадиле од автомобилот и сите тројца физички го нападнале со удари со клоци и тупаници по целото тело, нанесувајќи му тешки повреди.
Му одзеле околу 8.000 денари колку што имал оштетениот со себе во моментот, а потоа го пуштиле да си оди со закана дека доколку до 1 мај не им исплати 10.000 евра ќе го убијат и него и неговиот татко.
Основното јавно обвинителство Скопје до Основниот кривичен суд Скопје достави предлог за определување мерка притвор за двајцата осомничени против кои постапува. Едниот од нив е во бегство и притворската мерка ќе започне да се применува од неговото пронаоѓање и лишување од слобода.
Топ
Уапсени крадци на автомобили – ги расклопувале за делови
Единицата за внатрешни работи Центар и Бит Пазар при СВР Скопје поднесе кривична пријава против Ш.Н.(68) од Липково, поради постоење основи на сомнение за сторени 4 кривични дела „одземање на моторно возило“, од кои три на подрачјето на скопски Центар и едно на подрачјето на општина Аеродром, како и против Ф.Љ.(22) од Скопје, поради постоење основи на сомнение за сторено кривични дело „помагање“.
Имено, првопријавениот кривичните дела ги извршил во последните два месеца, така што со употреба на физичка сила и погоден алат ги отворал бравите од возилата, ги одземал возилата и ги предавал на второпријавениот, каде што возилата биле расклопувани и продавани за делови.
Полициски службеници со судска наредба извршиле претрес на локација, сопственост на Ф.Љ., каде биле пронајдени поголема количина делови од возила кои потекнуваат од кривичните дела. Известен бил Јавен обвинител, а од страна на Судија на претходна постапка на Ш.Н. му е одредена мерка притвор.
Топ
Две жртви во сообраќајката на патот Радовиш-Штип, уште едно лице повредено
Две лица загинаа на лице место во сообраќајната несреќа што се случи попладнево на магистралниот пат Радовиш-Штип.
Во несреќата е повредена и сопатничката од едното возило, која е пренесена во штипската Болница.
Веста за „Макфакс“ ја потврди портпаролката на СВР Струмица, Александра Трајанова, која информираше дека во несреќата учествувале автомобили „пасат“ и „опел“.
„На местото на несреќата починале возачите на двете возила, смртта ја констатирал лекар од „ЈЗУ Здравствен дом Радовиш“ а сопатничка од патничкото возило „опел” била пренесена во Медицински центар Штип“, информира Трајанова.
Увид на местото на несреќата врши јавен обвинител, а сообраќајот се пренасочува по стариот пат.
Од полицијата повеќе детали за несреќата најавуваат за утре.