Регион
Турција подготвена да плати отштета за соборениот руски авион
Анкара е подготвена да ја надомести штетата на Москва за соборениот бомбардер „Су-24“, изјави во понеделникот вечерта турскиот премиер Бинали Јилдирим, а откако Кремљ објави дека турскиот претседател Реџеп Тајип Ердоган му испратил на рускиот колега писмо со извинување за инцидентот и сочувство за смртта на пилотот, најавен е скорешен телефонски разговор меѓу двајцата државници, што вклучително со претходно во понеделникот потпишаниот во Рим договор за обновување на односите со Израел, укажува дека Турција се обидува да ги обнови прекинатите сојузништва и да го намали чувството на глобална изолација.
Портпаролот на Кремљ, Дмитриј Песков, во понеделникот изјави дека турскиот претседател Реџеп Тајип Ердоган, откако пред две седмици по повод Денот на Русија упати честитка до својот руски колега по должност Владимир Путин, испратил нова порака во која се извинува за соборувањето на рускиот бомбардер ланскиот ноември и жалење за смртта на пилотот, истакнувајќи дека Турција не сака да ги расипува пријателските односи и стратешкото партнерство со Русија.
Портпаролот на Ердоган го потврди писмото до Путин, но директно не го спомена извинувањето, што турските челници долго го исклучуваа како опција, а Москва го истакна како прв услов за продолжување на разговорите за обновување на односите. Портпаролот Ибрахим Калин рече дека Ердоан изразил жалење и побарал извинување од семејството на загинатиот руски пилот.
Еден од чекорите за нормализација на билатералните односи, руските власти ја наведуваа и потребата Анкара покрај извинувањето за својата постапка, и да ја надомести штетата. Слично и турско-израелскиот договор вклучува Израел да плати 20 милиони долари оштета за семејствата на десетте жртви и на семејствата на повредените во инцидентот од 31-ви мај 2010 година кога израелските командоси го заземаа бродот „Мави Мармара“ со хуманитарна помош кој сакаше да ја пробие блокадата на палестинската енклава Газа.
„Содржината на писмото е јасна. Ние го изразивме нашето жалење и доколку е потребно да платиме надомест (за соборениот авион). Двете земји сакаат нормализација на односите. Сметам дека работите одат на подобро“, изјави турскиот премиер Бинали Јилдирим за телевизијата ТРТ.
Претходно Јилдирим на Twitter објави дека во среда или четврток ќе се одржи телефонски разговор меѓу Ердоган и Путин.
„Оваа криза не од полза на турскиот и на рускиот народ. Во среда или четврток шефот на републиката ќе одржи телефонски разговор со господин Путин“, напиша турскиот премиер на микроблогот.
Односите меѓу Русија и Турција беа нагло прекинати и минуваат низ најдлабоката криза во билатералната сфера откако на 24-ти ноември 2015 година турските ловци „F-16“ на сириско-турската граница соборија руски бомбардер „Су-24М“. Москва тврди дека рускиот авион бил соборен над сириска територија каде што се урна и дека бил сочекан во заседа, додека Анкара тврди дека го нарушил турскиот воздушен простор.
Пилотот Олег Пешков, кој заедно со копилотот кој подоцна беше спасен во операција на сириските специјалци и руските маринци, беше убиен на земјата од бунтовници кои во сирискиот конфликт ги поддржува Турција. Путин овој инцидент го нарече „заривање нож в грб од страна на поддржувачите на тероризмот“ и воведе низа економски рестрикции.
Подоцна својата одговорност за убиството на рускиот пилот ја потврди Алпарслан Челик кој ги водел сириските Туркмени, бунтовници кои се поддржувани и вооружувани од Турција. Претходните години во тамошните медиуми се појавуваа написи дека во спомената област дејствува групата на ултранационалистите „Сиви волци“ кои ги предводи Алпарслан Челик, државјанин на Турција, роден во градот Кебан. Познато е, исто така, дека тој е син на поранешниот градоначалник на овој град, Рамазан Челик.
На почетокот од април годинава Челик беше уапсен во турскиот град Измир под обвинение за нелегално поседување и носење оружје. Во текот на истрагата тој тврдеше дека лично не пукал во рускиот пилот и не им наредил на своите потчинети, но сепак како командант на борбена група ја преземал одговорноста за тоа. Обвинителството на Измир го повлече обвинението за убиството против Челик „поради недостиг на докази“. Меѓутоа, токму во понеделникот, 27-ми јуни, турската истрага го обнови делото./крај/мф/сн
Извор: Макфакс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Регион
„Никогаш нема да ја заборавам бабата која стои, чека и го повторува името на внуката“: Мајорката која меѓу првите влезе во „Рибникар“
„Траума што се уште ја минувам и денес“, „Сигурна сум дека добро ќе се сеќаваме на тој кобен 3-ти мај, бидејќи тоа е колективна траума и моја лична траума што ја доживеав и ја преживувам до ден-денес. Сакам да живеам во убедување дека такво нешто никогаш повеќе нема да се повтори“, вели полициската мајорка Бојана Отовиќ Пјановиќ во пресрет на годишнината од масакрот во основното училиште „Владислав Рибникар“.
Таа беше меѓу првите кои стапнаа на местото на трагедијата на 3 мај минатата година – во зградата на основното училиште „Владислав Рибникар“, каде неколку минути претходно беа убиени девет ученици и еден чувар.
Како што раскажа, тој кобен 3 мај започнал со секојдневни работни активности. Таа била на работното место кога добиле информација дека во училиштето „Владислав Рибникар“ се пука.
„Веднаш излеговме на местото на настанот“, изјави полициската мајорка.
Била убедена дека се работи за лажна пријава, не сакала да прифати дека такво нешто се случило на училиште.
– На пат кон училиштето веќе добивме официјална информација дека се случил масакр како што се случил и дека неколку ученици се повредени и ги загубиле животите, бидејќи и момчето масовен убиец сам се пријавило во полиција, велејќи дека го направил она што го направил – додава таа и истакнува дека се обидува да ги заборави сликите и сцената што ја затекнала при влегувањето во училиштето.
„Бабата стои, чека и го повторува името на нејзината внука, многу и е тешко да зборува за сето ова“, раскажува таа.
– Најзапаметена слика за мене беше, претпоставувам дека тоа беше токму моментот кога дојдов на местото на настанот со моите колеги, баба која стои, чека и го повторува името на нејзината внука – се присетува мајорката.
Како што раскажува сите се надевале и мислеле дека е невозможно 13-годишно дете да направи нешто толку страшно во основно училиште.
„Сите очекувавме дека тоа ќе биде некаква дезинформација. Како и да е, влегувајќи во училиштето, наидувам на сцена која се обидувам да ја заборавам, но никогаш нема. Понатаму, да не зборувам, во училницата каде што беше одделението седмо два, страшна сцена“, вели Отовиќ Пјановиќ.
Како што наведува, сигурна е дека „многумина се уште бараат одговор на прашањето – „Зошто?“.
„Сигурна сум дека многумина од нас сè уште бараат одговор на прашањето зошто и што е тоа што требаше некаде да ни биде евидентно, за ние како училишни работници и како родители да забележиме дека нешто треба да се направи со цел ова да се спречи“, заклучува таа.
Денеска се одбележува првата годишнина од масакрот во основното училиште „Владислав Рибникар“ во Белград.
Цвеќиња и запалени свеќи се оставени на посебно плато пред училиштето каде се поставени фотографии и имиња на убиените деца и чувари на основното училиште „Владислав Рибникар“.
Според тамошните медиуми родителите по пристигнувањето на местото на настанот се прегрнале.
Во 08:41 часот пред училиштето една минута се слушаа сирени.
Сите програми во Србија беа прекинати една минута во 08:41 часот. Црн екран и порака: „3 и 4 мај. Се сеќаваме“.
Во паркот Ташмајдан, местото каде што пораснаа убиените деца и кое беше нивното омилено место за играње, беше поставен видео бим на кој се прикажуваат фотографии од жртвите.
Регион
(Видео) Една година од масакрот во училиштето во Белград, беа убиени девет ученици и чуварот
Помина точно една година од трагедијата во училиштето „Владислав Рибникар“ во Белград, кога Коста Кецмановиќ вооружен со пиштолот на татко му уби девет ученици и чуварот на училиштето, а рани уште неколку.
На местото на трагедијата пристигнуваат се повеќе луѓе за да им оддадат почит на жртвите. Први пристигнале членовите на семејствата на убиените деца, а глетката пред училишната зграда никого не остава рамнодушен, објавија српските медиуми.
На посебно плато пред училиштето, каде се поставени фотографиите и имињата на убиените деца и чуварот, се оставаат цвеќиња и се палат свеќи.
И претседателот на Србија, Александар Вучиќ, утрово положи цвеќе во ОУ „Владислав Рибникар“.
„Помина една година од невидената трагедија која остави неизбришлива лузна на душата на целата земја, но болката, неверувањето и неизмерната тага не поминаа“, рече Вучиќ.
На 3 мај минатата година Коста дошол вооружен во училиштето и од влезната врата го започнал својот крвав поход, во кој животот го загубија девет деца и чуварот.
Откако го извршил масакрот повикал полиција и пријавил што направил.
Веднаш по трагедијата се одржа вонредна конференција на српското Министерство за внатрешни работи, на која беа соопштени деталите за она што се случи во училиштето „Владислав Рибникар“.
„Повикот дојде во 8 часот и 42 минути наутро, две минути по пријавувањето на случајот во полиција од страна на заменик директорот на ова училиште“, изјави началникот на белградската полиција Веселин Милиќ.
На таа конференција Милиќ изјави и дека К.К. еден месец го планирал злосторството. Тој го покажа и списокот што полицијата го пронашла во станот на момчето убиец, на кој биле испишани имињата на учениците кои планирал да ги убие.
Дополнително, како што тогаш беше кажано од највисоките функционери на српската полиција, К.К. имал и прецизен план на училиштето, со означен влез и излез.
Поради делото, Коста е во болница, а против татко му и мајка му, Владимир и Миљана Кецмановиќ во меѓувреме е покренато обвинение, со оглед на тоа што момчето-убиец во моментот на делото имало 13 години и затоа не е кривично одговорен.
Вишото јавно обвинителство во Белград соопшти дека обвинетиот Владимир Кецмановиќ во периодот пред трагедијата го научил својот син да пука во цели во форма на концентрични кругови и силуети на луѓе, да стои и да дише кога користи огнено оружје.
Против семејството Кецмановиќ се водат три граѓански постапки, а поднесени се вкупно пет тужби, меѓу кои и една кривична.
Регион
(Видео) Избрана е новата Влада на Србија
Собранието на Србија со 152 гласа ја изгласа новата Влада на премиерот Милош Вучевиќ. Два дена траеше расправата за составот на Владата и нејзиниот план за работа, при што опозицијата го оспори кредибилитетот на Вучевиќ, посочувајќи дека, како и досега, за секоја одлука ќе биде прашан претседателот на државата Александар Вучиќ.
Новата Влада на Србија брои 31 член, од кои една третина се нови имиња во споредба со претходната Влада на чело со Ана Брнабиќ.
Премиерот Вучевиќ претходно изјави дека длабоко верува во историскиот договор меѓу Србите и Бошњаците и рече дека сака добри односи и со Хрватите. Истовремено, тој рече дека нема да ги гради овие односи на штета на сопствените интереси и дека Србија нема да се откаже од традиционалните пријатели.
Посебно внимание предизвикаа двајцата министри кои се под санкции на САД: Александар Вулин ќе биде вицепремиер, а Ненад Поповиќ ќе биде министер без ресор.