Скопје
Скопје се претстави на „Отворени денови – европска недела на региони и градови”
Градот Скопје, во вторникот се претстави на 13-то издание на „Отворени денови – Европската недела на региони и градови” што од 12 до 15 октомври се одржува во Брисел.
Во рамките на овој традиционален настан, Градот Скопје за првпат организира отворен ден кој се одржа во Мисијата на Република Македонија во Брисел, а присутните гости и учесници во Отворените денови имаа можност да се запознаат со Скопје, неговите можности, македонската традиционална кујна, вино и музика. На отворениот ден на Скопје во Брисел присуствуваа градоначалникот на Град Скопје, Коце Трајановски, амбасадорот на Република Македонија во Мисијата на РМ во Европската унија, Андреј Лепавцов, министерот за надворешни работи, Никола Попоски, претседателот на Советот на Град Скопје, Ирена Мишева, советници во Советот на Град Скопје и претставници на градската администрација. „Градот Скопје овие неколку дена се претставува во Брисел, во рамките на „Отворени денови – Европската недела на региони и градови”. Организиравме и Ден на Градот Скопје во Брисел, на кој голем број посетители имаа можност да се запознаат со Скопје и со неговите убавини и можности. Ова е одлична можност да стекнеме големи пријатели и искуства од градовите и регионите на Европа што ќе ни помогне за поголема вклученост на Градот Скопје во Европските институции“, изјави градоначалникот Коце Трајановски.„Отворени денови – Европската недела на региони и градови” е традиционален четиридневен настан, кој за првпат е организиран во 2003 година од Комитетот на регионите при Европската унија. На овој настан, градовите и регионите од Европа имаат можност да се претстават пред јавноста и да ја подобрат соработката на локално и на регионално ниво. Отворените денови се одлична платформа за вмрежување на градовите и регионите и за размена на искуства и добри практики во повеќе области, како што се економскиот развој и социјалната инклузија, јавното-приватно партнерство, прекуграничната соработка, регионалните иновации и локалниот економски развој. За таа цел, во рамките на отворените денови во Брисел беа организирани голем број предавања, дебати и работилници во кои учествуваа советниците во Советот на Градот Скопје.Во рамките на „Отворени денови – Европската недела на региони и градови”, градоначалникот Коце Трајановски ја потпиша „Зелената дигитална повелба” (Green digital charter). „Градот Скопје стана 48-от град во Европа што ја потпишал оваа повелба и првиот град што ја потпишал оваа повелба од земјите на Западен Балкан. Со потпишувањето на оваа повелба, градовите се обврзуваат, преку соработка со другите градови-потписници и со поголема примена на информациските и комуникациските технологии, да преземаат активности за заштита на животната средина и за зголемување на енергетската ефикасност“, рече Трајановски.На годинешново издание на „Отворени денови – Европската недела на региони и градови” учествуваат околу 6. 000 претставници од над 200 региони и градови од Европа, а во работниот дел ќе се одржат околу 140 дебати и работилници./крај/со/бб
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Санкционирани 𝟣𝟣𝟦 непрописно паркирани возила на територија на општина Центар
ЈП Паркинзи на Општина Центар во соработка со Сообраќајната полиција-Скопје во периодот од 28.04. до 04.05.2025 година, со помош на специјалните возила „Пајак“ отстранија 114 непрописно паркирани возила кои го попречувале нормалното и безбедно одвивање на сообраќајот, извести ПОЦ.
„За трајно решение на сообраќајниот метеж и проблемот со неправилното паркирање неопходна е поголема сообраќајна култура, затоа ЈП ПОЦ и СВР Скопје во наредниот период ќе продолжат со секојдневно отстранување на сите непрописно и несовесно паркирани автомобили во општина Центар со цел да се подигне сообраќајната свест на повисоко ниво и да се зголеми безбедноста во сообраќајот“, соопшти ПОЦ.
Македонија
(Фото) Каде заглави реконструкцијата на тротоарите на „Владимир Комаров“, прашува СДСМ Аеродром
„Неспособноста на ВМРО-ДПМНЕ и Дејан Митески во Општина Аеродром е видлива буквално на секој чекор. Реконструкцијата на тротоарите на половина од улицата Владимир Комаров во Стар Аеродром никако да заврши. Повеќе од месец дена трае реконструкција на тротоари во должина од 450 метри во правец, на потегот од бул. Јане Сандански до бул. Васко Карангелевски“, велат од СДСМ Аеродром.
„За оваа реконструкција согласно договорот со изведувачот предвидени се 6,8 милиони денари и рок за реализација од 12 месеци.
Фактот што истовремено се реконструираат тротоарите од двете страни на улицата со несоодветна сигнализација за ограничување на движењето ја нарушува безбедноста пешаците кои секојдневно ја користат улицата.
Во текот на реконструкцијата на тротоарите на повеќе места видно е оштетен и коловозот што дополнително ја нарушува безбедноста при движењето на оваа улица.
Имајќи предвид дека се работи за исклучително фреквентна улица, јавно го прашуваме в.д. градоначалникот Дејан Митески:
Каде заглави реконструкцијата на тротоарите на Владимир Комаров?
Дали Општина Аеродром ги има на сметка потребните 6,8 милиони денари за реконструкцијата на само половина од ул. Владимир Комаров?
Зошто во овој мандат не се реконструираат и тротоарите на другата половина од улицата, од бул. Јане Сандански до Железничка?
Пред 4 години покрај овие тротоари ветивте и велосипедска патека на истиот потег, каде исчезна ова ветување од општинските програми?
Нели е срамота тротоари од 450 метри во правец да се реконструираат повеќе од месец дена?
За споредба, во време СДСМ за само 2 недели заврши реконструкцијата на 4 коловозни ленти на бул. Димитрија Чуповски од Палома Бјанка до бул. Св. Климент Охридски.
Трпението на жителите на Аеродром е при крај. Дојде времето кога ВМРО-ДПМНЕ и Митески треба да си понесат одговорност за сопствената неспособност. На 4-годишното пустошење на Општина Аеродром мора да му се стави крај“, се наведува во соопштението на СДСМ Аеродром.
Македонија
Герасимовски: Македонскиот јазик е нашиот дом, да го негуваме, развиваме и пренесуваме за идните генерации
Градоначалникот на општина Центар Горан Герасимовски, упатува честитка по повод 5 Мај – Денот на македонскиот јазик. Во честитката, тој истакнува дека јазикот е нашиот дом, корен и завет.
„Нека ни е честит Денот на македонскиот јазик. Гордо го славиме 5 Мај, денот кога македонската азбука беше озаконета и поставен темелот на нашиот јазичен идентитет. Јазикот е наш дом, наш корен и наш завет. Да го негуваме, развиваме и пренесуваме со љубов и посветеност, денес и за идните генерации. Македонскиот јазик заслужува да се слуша, чита и почитува, насекаде“, вели Герасимовски.
На многумина ќе им бидеме пречка, но како премиер нема да отстапам од правото да говориме на македонски, јазикот е нашиот неспорен идентитет, вели Мицкоски
Пред осумдесет години, на оваа почва, се кодифицираше македонскиот литературен јазик. Тоа беше повеќе од административен чин. Тоа беше признавање...
Љутков: Македонскиот јазик низ историјата помина низ многу предизвици и тешкотии
Министерот за култура и туризам Зоран Љутков денеска се обрати на Свечената академија по повод 80-годишнината од кодификацијата на македонскиот...
Поевтинуваат дизелот и бензините
Цените на горивата од ноќеска на полноќ ќе поевтинат за половина и за еден денар, соопшти Регулаторната комисија за енергетика,...
Мицкоски му даде две опции за избор на Таравари, да остане во Влада или да оди со ДУИ: Во политиката образот или го имаш или го немаш
Премиерот Христијан Мицкоски денес во Штип потврди дека попладнево ќе се сретне со лидерот на едно крило од Алијанса за...
Семејно насилство во Охрид: татко ја истепал ќерка си, по што се вклучиле и други членови на семејството
Денеска во 00.15 часот во СВР Охрид е пријавено дека Р.Б. од Охрид физички ја нападнал неговата ќерка, по што...
(Фото) Каде заглави реконструкцијата на тротоарите на „Владимир Комаров“, прашува СДСМ Аеродром
„Неспособноста на ВМРО-ДПМНЕ и Дејан Митески во Општина Аеродром е видлива буквално на секој чекор. Реконструкцијата на тротоарите на половина...
Дали Филипче ќе учи од Заев како да профитира со лажни идентитети и како се штанцаат пасоши за 215 белосветски криминалци, прашува ВМРО-ДПМНЕ
„СДС и Заев 7 години беа заштитници на криминалот и криминалните банди. СДС, Заев и Спасовски им дадоа пасоши на...
„Тошковски наместо да обвинува треба да одговори дали има пропусти при рацијата“, велат од партијата Левица
„Министерот за внатрешни работи, Панче Тошковски, наместо да дава одговори пред јавноста за дилеми кои оправдано се наметнуваат околу истрагата...
Фицо: Им велат на Русите „Па, славете, би можеле да фрлиме дрон врз вас или нешто друго“, ова се неприфатливи работи
Словачкиот премиер Роберт Фицо го критикуваше украинскиот претседател Володимир Зеленски за неговото предупредување до „странските делегации да не доаѓаат“ на...
(Видео) Нападнат лидерот на турската опозиција, се појави снимка
Лидерот на главната опозициска партија во Турција беше нападнат вчера додека ја напушташе комеморацијата во Истанбул. Озгур Озел, кој ја...
Трамп: Светот ни ја одзема филмската индустрија, тоа е безбедносна закана
Американскиот претседател Доналд Трамп објави на својата социјална мрежа Truth Social дека планира да воведе царина од 100 проценти на...
Вучиќ се огласи по приемот во болница: „Одам пред вас за да бидам штит“
Српскиот претседател Александар Вучиќ се обрати за прв пат откако ја прекина посетата на САД поради болки во градите, по...
Кривична против 38-годишниот скопјанец кој ја уби својата невенчана сопруга
СВР Скопје го расчисти убиството кое на 3 мај, околу 15 часот во скопската населба Шуто Орузари го изврши 38-годишниот...
Хорор во Скопје, пред очите на 5-годишната ќерка ја усмртил мајката со убоди од нож по вратот и градите
Скопското Обвинителство спроведе истрага против едно лице за убиство на својата партнерка со која живеел во вонбрачна заедница. На жртвата,...
Трамп нема да се кандидира за трет мандат
Претседателот на САД, Доналд Трамп, изјави дека не планира да се кандидира за трет мандат како шеф на државата, иако...
Во чест на загинатите во Пулс во Кочани се возеа велосипеди
Над 300 велосипедисти, рекреативци, спортисти и граѓани учествуваа на велосипедската тура „По патеката на оризот“ во чест на трагично загинатите...
Сиљановска Давкова: Делчев беше и ќе биде дел од нас, од нашата историја, сегашност и иднина
Претседателката на државата Гордана Сиљановска Давкова денеска положи цвеќе во црквата „Св. Спас“ по повод 122-годишнината од смртта на великанот...
Тајната на Тито која никој никогаш не ја разјасни
На денешен ден, пред 45 години, почина Јосип Броз Тито, доживотен претседател на Социјалистичка Федеративна Република Југославија и Сојузот на...
АХВ казни 14 месарници кои продавале небезбедно месо
Казни во вредност од 8.350 евра во денарска противвредност изрекоа инспекциските служби на Агенција за храна и ветеринарство (АХВ) на...
122 години од смртта на македонскиот револуционер и борец за слобода Гоце Делчев
Во земјава денеска се одбележуваат 122 години од смртта на македонскиот револуционер и борец за слобода Гоце Делчев. По тој...
