Пејачката Шакира отворено проговори за раскинувањето со поранешниот фудбалер Жерар Пике. Нивната врска траеше 11 години, а во тој период добија две деца, синовите Милан и Саша. Пред три години тие решија да тргнат по својот пат, што беше исклучително тежок период за Шакира. Но, сега призна дека музиката и била најголема поддршка во тој процес.

„Поминав низ неколку тешки години“
„Научив дека мојата музика има терапевтски ефект. Поминав низ тешки години, лично, знаете, со раскинувањето и слично, но музиката беше како лепак што ме врати заедно. Песните се развиваат, тие живеат свои животи… Тие се развиваат во животот на луѓето. Тие стануваат саундтрак за многу луѓе, вклучувајќи ме и мене. Се сеќавам на едно поглавје од мојот живот преку сопствената музика и каде бев емотивно и ментално“, рече таа во интервју за Зејн Лоу.

View this post on Instagram

A post shared by Shakira (@shakira)

Таа, исто така, призна дека верува дека нејзините шанси да најде нова љубов сега се помали, но најважно за неа е да биде посветена на своите деца. „Се грижам за две деца, две бебиња кои толку многу зависат од мене, а јас сум самохрана мајка, немам маж или домашна помошничка“, вели таа.

Шакира и Пике се запознаа во 2010 година на снимањето на спотот за песната Waka Waka, а една година подоцна јавно ја потврдија врската. Првиот син го добија во 2013 година, а вториот во 2015 година. Сепак, седум години подоцна ја изненадија јавноста објавувајќи го нивното раскинување, поради гласините дека поранешниот фудбалер бил неверен. Набргу потоа, Пике започна врска со Клара Чиа Марти, додека Шакира неодамна беше поврзувана со актерот Лусиен Лависконт, познат по улогата во серијата Емили во Париз.

Веќе некое време се шпекулира дека Јелена Розга (47) е во врска со Иван Хуљиќ (37). Српски „Курир“ неодамна објави фотографии направени во летото 2024 година на кои се гледаат како Розга и Хуљиќ се шетаат низ Будимпешта држејќи се за рака, а сега српските медиуми пишуваат дека пејачката се мажи оваа есен.

Извори за српските медиуми велат дека венчавката ќе се одржи во Сплит и дека се очекуваат 500 гости. Според нив, Розга и Хуљиќ наводно ќе направат уште една свадба на егзотична дестинација како Бали или Малдиви.

„Свадбените ѕвона се повеќе бијат за Јелена и Иван. Толку долго го чекаше вистинскиот маж и тој е тука. Останува само официјално да објават кога ќе се венчаат и да ги поканат пријателите и семејството да бидат сведоци на нивната љубов во најубавиот момент, а тоа е церемонијата. Се зборуваше дека тоа ќе биде лето, но постои голема шанса тоа да биде на есен“, објави српски Курир.

View this post on Instagram

A post shared by Jelena Rozga (@rozgajelenaofficial)

Јелена Розга не ги коментираше гласините кои се појавија, но нејзината последна објава на Инстаграм привлече големо внимание во јавноста. Таа објави дел од својот настап од белградскиот Сава центар каде го отпеа хитот на групата Магазин „Било би супер“, а во описот само накратко ставила „златно момче“ со емотикон срце. „Најавувате свадба?“, прашал еден следбеник.

Коосновачот на Мајкрософт, милијардерот Бил Гејтс (68) за прв пат проговори за својата девојка Пола Херд (60). Пола е вдовица и е во врска со Гејтс од 2023 година.

„Имам среќа што имам сериозна девојка, која се вика Пола. Се забавуваме, одиме на Олимпијада и правиме многу други кул работи”, прокоментира Гејтс при гостувањето во популарната емисија „Тудеј“.

View this post on Instagram

A post shared by TODAY (@todayshow)

Новинарката Савана Гатри потоа го прашала за неговите внуци. Ќерката на Бил, Џенифер, всушност ги има ќерките Миа и Лејла, а на прашањето дали ги наследиле неговите вештини, Гејтс одговорил дека не сака да ги принудува да го прават истото како него. „Ќе се обидам да бидам добар дедо. Ќе им читам книги, како моите баба и дедо“, заклучил тој.

Да потсетиме, Гејтс неодамна го коментираше разводот со сопругата Мелинда Френч Гејтс. Во интервју за „Тајмс“, тој го опиша разводот како една од најголемите грешки во животот: „Има повеќе, но ниту една од нив не е важна. Разводот беше болен за Мелинда и мене најмалку две години“.