Забава
Берлин не знае што ќе прави со вилата на Гебелс
Некогашната вила на поранешниот нацистички министер за пропаганда Јозеф Гебелс претставува товар за нејзиниот сопственик – германската престолнина Берлин, која се откажа од продавање на имотот за да не дојде „во погрешни раце“.
„Навистина сум загрижена дека имотот би можел да стане место за поклонение на неонацистите и мислам дека не смееме да ризикуваме“, вели во репортажата на AFP, Биргит Моеринг извршната директорка на Берлинската управа за недвижнини (BIM) која управува со градскиот имот.
Станува збор за големо приземно здание сместено во Бранденбуршката шума покрај малото езеро Вогенсе, коешто Јозеф Гебелс ја користел како викендичка „за бегство од забревтаниот и бучен Берлин“. Од центарот на германската престолнина е оддалечено 40 километри.
Токму градот Берлин во 1936 година му го подарил ова земјиште на Гебелс за неговиот 39-ти роденден. Министерот за пропаганда на нацистичкиот фирер Адолф Хитлер се вљубил во локација и изградил многу поголема куќа отколку што првично планирал. Градењето на објектот го финансирала UFA, германската филмска компанија со којашто управувал всушност Гебелс.
Во луксузно уредената куќа, која имала и приватна кино сала, Гебелс ги примал филмските ѕвезди и љубовниците. Дел од луксузниот ентериер може да се види и денес, како мермерната бања, но куќата е подјадена од влагата и студовите и забрзано пропаѓа, вели чуварот Реберт Милер кој за неа води грижа од 1984 година.
Берлинската управа за недвижнини (BIM) последните години неколкупати се обиде да го продаде овој имот. По последната пропадната понуда во декември, градот дефинитивно се откажа.
Решавањето на прашањето на вилата на Гебелс го компликува и тоа што на истото земјиште се наоѓа уште еден потсетник на турбулентното минато на Германија. На почетокот на 1950-те години, тогашните источногермански власти изградиле комплекс објекти кои служеле како центар за политички обуки на припадници FDJ, организација на комунистичката младина. Комплексот служел и за сместување на партиските кади од „братските земји“ како Куба, Виетнам, Ангола… Во тој период соседната вила на Гебелс била претворена во супермаркет за студентите од FDJ.
Четирите главни згради сочинуваат вкупно 1.400 квадратни метри во кои се сместени повеќекреветни спални простории, конференциски сали и други простории. Сето тоа пропаѓа од ден во ден. „Сега таму нема греење, нема вода, направени се големи оштетувања на фасадата и на покривот. А и во внатрешниот дел има многу работа, Обновувањето несомнено би било скапо“, смета Моеринг.
Директорката на BIM, сепак, смета дека овој своевиден град на привиденијата, кој ретко се користи за повремени филмски снимања, сепак има иднина. „Би биле заинтересирани кога некој би дошол со паметен концепт за ревитализација, преку наем или со управување, на ова историско место“, додава Моеринг и како пример посочува хотелски комплекс или конференциски центар.Проблемот е и во тоа што вилата на Гебелс и четирите главни згради на школата на комунистичкиот подмладок имаат статус на историски споменици. Моеринг вели дека тоа го отежнува нивното ставање во функција и се залага тој статус да биде повлечен. „Јас секогаш ќе ја бранам важноста на заштитата на историските вредности, но сметам дека мораме да се запрашаме дали навистина одредени згради треба да се сметаат за историски споменици“, вели./крај/мф/сн
Извор: AFP
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Непредвидливи хороскопски знаци: не знаете што да очекувате од нив
Секогаш е непријатно кога не знаете што да очекувате од другата личност во која било смисла. Ова се непредвидливи хороскопски знаци кои сигурно ќе ве натераат да се намачите.
Чудните и неочекувани промени на расположението се многу карактеристични за овие луѓе. Тие можат да се предомислат во секунда и да донесат неочекувана одлука која ќе ги збуни сите, а тоа е особено незгодно ако сте во блиски односи со нив. Од друга страна, понекогаш знаат да изненадат на убав начин.
Непредвидливи хороскопски знаци
Овен
Овенот е управуван од Марс, па тоа е доволен показател зошто овој знак е непредвидлив. Бидејќи се под влијание на таква страсна и експлозивна планета, Овните ретко се во состојба на стабилност и се подложни на нивните моментални импулси. Покрај тоа, претставниците на овој знак знаат да испробуваат нови работи и често одат на тоа без многу размислување. Сепак, ова е проблематично кога станува збор за расправии бидејќи некои зборови навистина можат да ги навредат нивните најблиски.
Близнаци
Двојната природа на Близнаците истовремено наидува на одобрување, но и на отворено непријателство меѓу луѓето. Поентата е дека непостојаноста на Близнаците понекогаш им годи и ги наградува другите со позитивна енергија, принудувајќи ги да се движат наместо пасивно да останат на место. Меѓутоа, често таквата спонтаност е сосема несоодветна. Не секој е подготвен да ги промени своите планови со молскавична брзина, прилагодувајќи се на новото расположение на Близнаците.
Шкорпија
Вродената таинственост на Шкорпиите понекогаш ниту на нив не им оди од рака, а камоли на луѓето околу нив. Иако внимателно ги кријат своите чувства од другите луѓе, во последен момент ќе ги изненадат своите сакани со неочекувани промени, принудувајќи ги да играат по ново сценарио. Можеби претставниците на овој знак треба повеќе да се отвораат кон другите и да ги изразат своите емоции за да биде поразбирливо и поочигледно во очите на другите.
Водолија
Дури и Водолиите сами по себе не знаат што има во главата на главниот револуционер од зодијачкиот круг. Претставниците на овој знак се свесни дека им предизвикуваат непријатности на луѓето со нивното променливо расположение, но тоа само ги забавува и ги прави горди на сопственото изненадување. Понекогаш се однесуваат како тинејџери кои протестираат, но се подготвени да направат се што е по нивно и од принцип да ги променат одлуките во последен момент.
Забава
Катарина Ивановска на прошетка во Италија, официјално го покажа своето ново момче
Моделката Катарина Ивановска периодов ужива во убавините на Италија.
Ивановска на оваа прошетка има посебна личност покрај себе. Се работи за нејзиниот партнер.
View this post on Instagram
„Пролетен одмор“, напиша Катарина на фотографиите, помеѓу кои и една на која новото момче ја бакнува.
Катарина Ивановска беше во врска со поранешниот македонски кошаркар Перо Антиќ.
Забава
Хороскопски знаци на кои сѐ ќе им оди добро во мај
По сезоната на затемнување, мај ни носи прекрасни можности. Ова се хороскопските знаци на кои ќе им оди добро се во мај
По хаосот на сезоната на Овен, доаѓа прекрасната сензуалност на сезоната на Бик (20 април – 20 мај), која не кани да забавиме и да уживаме во животните радости. Одете на лесни прошетки, препуштете се на релаксирачки хоби и најдете радост во најмалите нешта. Заедно со сезоната на Бик, дојде и мај, последниот месец од пролетта, но најромантичниот и најсензуалниот.
Ова се најсреќните хороскопски знаци кои ќе напредуваат во овој период и ќе добиваат заслужени награди.
Хороскопски знаци на кои се ќе им оди добро во мај
Бик
Се чувствувате удобно во вашата сезона и самодовербата повторно се разгорува во вас. Секако, можеби сте доживеале порази во минатото, но ова е време кое ви овозможува да посакате желба и да гледате како се остварува. Што имате длабоко во срцето и како тоа се совпаѓа со она што го сакате во вашиот живот? Желбата за признавање, но потсвесниот страв од правење грешки се две контрадикторни желби. Најдете ја убавината во приспособливоста и преземете го чекорот од кој се плашите. Веќе си доволно добри, верувајте.
Лав
Како што сонцето дава светлина на сè што ќе допре, така и вие давате светлина на сè што ќе дојде во контакт со вас. Совршенството е процес, а не дестинација и оваа сезона ќе ви помогне да го прифатите тоа верување. Како што правите чекор по чекор кон вашите цели – сонувате, учите, подобрувате, развивате и редефинирате – без напор се усогласувате со вашите цели. Останува само да научиме да преземаме акција и одговорност.
Шкорпија
Слушајте ги инструкциите на вашето тело и ослободете се од некои стари, мртви врски. Способни сте да ги правите работите за кои сонувате. Се чувствувате исцрпено само затоа што додавате премногу тежина на вашите материјални цели. Обидете се да ги наведете сите нематеријални богатства кои ви го исполнуваат животот и ќе престанете да бркате материјални добра, бидејќи ќе сфатите дека веќе ги имате сите.
Стрелец
Како што ги ослободувате чувствата и гневот што можеби ги имате од времето што сте го заборавиле, почнувате да се чувствувате слободни и да ги искористите вашите најдлабоки резерви на самољубие и добрина. Вашиот поглед на животот се менува, како и вашата перцепција за себе. Без оглед на нередот низ кој сте поминале, вие сте зрели, подготвени и отворени повторно да се заљубите во животот.
Водолија
Замислете дека имате џин од волшебна светилка пред вас. Што би сакале? Каде ве донесе животот и каде сакате да одите? Како што наоѓате храброст да истражувате нови аспекти од себе, го ослободувате и вашиот дух и се движите со текот на животот. Имате простор само за радост и токму тоа ви го нуди животот.