Македонија
СЈО бара мерка за претпазливост за Груевски, притвор за Талески и за началникот на УБК
Специјалното јавно обвинителство ги прими одлуките на Претседателот Ѓорге Иванов за поништување на аболицијата и продолжува со постапките кои ги отвори пред да биде донесена аболицијата, а во кои како првоосомничени се јауваат високи функционери на ВМРО-ДПМНЕ и на СДСМ.
Од Обвинителството испратија соопштение до јавноста во кое прецизираат кој случај до каде е и какви мерки бараат. Се бараат мерки за претпазливост за поранешниот премиер и претседател на владејачката ВМРО-ДПМНЕ, Никола Груевски, поранешниот министер за транспорт и врски, Миле Јанакиески, поранешната министерка за внатрешни работи, Гордана Јанкулоска, притвор за градоначалникот на Битола, Владимир Талески и за началникот на Петтата управа, Горан Грујовски.Од случаите кои се под надлежност на Специјалното јавно обвинителство, единствено за случајот „Пуч“ во којшто е обвинет лидерот на СДСМ, Зоран Заев, почна судски процес којшто беше запрен со донесувањето на одлуката за аболиција. Сега СЈО бара Апелациониот суд да го укине решението на Основниот суд Скопје 1 за да продолжи кривичната постапка за овој предмет. Продолжува и првиот случај што го отвори Специјалното јавно обвинителство „Титаник“, за злоупотреба на изборите во којшто се осомничени се поранешните министри Јанкулоска и Јанакиески. Иако СЈО бараше притвор за нив, Судијата на претходна постпака не им одреди мерки за обезбедување на осомничените.Обвинителствотопак бара мерки за претпазливост против шестмината осомничени во случајот „Тортура“, односно за нечовечкото постапување при апсењето на поранешниот Министер за внатрешни работи и лидер на „Обединети за Македонија“, Љубе Бошкоски. За првоосомничениот во овој случај, поранешниот директор на Управата за безбедност и контраразузнавање, Сашо Мијалков нема барање за притвор исто како и претходно, бидејќи Обвинителството смета дека не постои опасност од бегство и нему не му беше одземена ниту патната исправа. Во овој случај осомничен е и актуелниот командир на „Алфите“, Ивица Антевски Пуки, кој учествуваше во апсењето на Бошкоски. Притвор како и претходно се бара и за началникот на Петтата управа на УБК, Горан Грујовски за предметот под име „Тврдина“ кој се однесува на незаконска постапка за уништување на опрема за следење на комуникациите, поточно два технички системи. И покрај тоа што опремата не била технички застарена и била функционална, била уништена. За останатите четворица осомничени во овој случај, меѓу кои и Јанкулоска, има поднесено предлог за определување на мерки за претпазливост. Истражна постпака ќе биде спроведена и против градоначалникот на Битола, Владимир Талевски за случајот „Транспортер“, односно за малверзации со ученичкиот превоз. За него не беше поведена истражна постпака за овој случај бидејќи при отворањето на овој случај тој беше помилуван од страна на Претседателот. Обвинителството за него поднесе и предлог за определување на притвор, а медиумите објавија дека Талевски денеска бил донесен на распит во Скопје, но не е познато во која институција. Единствено од Основниот суд Скопје 1 тврдат дека Талевски не е донесен на распит во судот. „По однос на привремените мерки за обезбедување на имотноправно барање, Ве известуваме дека до Основен суд Скопје 1 Скопје е поднесен предлог кој беше вратен на доуредување, но ниту од Државното правобранителство ниту од Министерството за образование и наука сеуште не се доставени предлози за остварување на имотно правно барање, иако тоа од наша страна беше побарано“, соопштуваат од СЈО.Обвинителството поднело предлози за определувањње на мерка за претпалзивост против првите тројца осомничени во случајот „ТНТ“, однсоно за претседателот на ВМРО-ДПМНЕ, Горан Груевски, поранешниот Министер за транспорт и врски Миле Јанакиески и и за градончалникот на Гази Баба, Тони Трајковски.За нив е отворена истражна постпака за незаконско рушење на станбено деловниот објект „Космос, во сопственост на бизнименот, Фијат Цановски, кое, според СЈО, било направено заради политичка одмазда. Обвинителството претходно не ги гонеше поради одлуката за аболиција која беше на сила кога беше отворен и овој случај.„Во делот на видовите на мерки кои се предложени од страна на ова Јавно обвинителство, до Основниот суд Скопје се поднесени соодветни предлози за определување на мерки, кои за секој конкретен случај се различни“, се вели во соопштението./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
Стојаноска: Да се обединиме околу ВМРО-ДПМНЕ, за конечно ДУИ и СДСМ да ги испратиме во опозиција
Носителката на листа од коаилициката Твоја Македонија предводена од ВМРО-ДПМНЕ во изборната единица 6, Дафина Стојаноска се обрати пред тетовчани.
Дафина Стојаноска истакна дека е време за целосно обединување на сите, без разлика на партиска, верска или национална определба. Раката на ВМРО -ДПММЕ е подадена, време е ДУИ и СДС да заминат во опозиција.
Вчерашниот мини-митинг во старо Тетово – Под Балтепе испрати силна порака дека тетовчани ги има и се со одличен резултат во првиот круг претседателски избори. Мотивирани се и за 8-ми мај. Велат дека е редно оваа криминална власт да се испрати во пензија и да дојдат луѓе кои со работа ќе го покажат патриотизмот кон Македонија.
Македонија
Ковачки: 1 милијарда евра ќе се слеат од централниот буџет во општинските буџети
1 милијарда евра ќе се слеат од централниот буџет во општинските буџети, ветува носителот на третата изборна единица на ВМРО-ДПМНЕ, Драган Ковачки.
„Само за Кочани планираме да одвоиме 17 милиони евра во првиот четири годишен мандат. И тука предвидуваме продолжување на експресниот пат Кочани до Делчево, реконструкција на патот Кочани до Зрновци, секако целосна реконструкција на железничката линија Кочани до Велес и во градот Кочани предвидуваме изградба на катна гаража, изградба на старечки Дом и јужниот булевар. Така што ова е еден инвестициски бум кои што ги чека нашите општини после промената на власта. Ги повикувам сите граѓани на 8мај да ни се приклучат, за проекти, реформи и да си ја вратиме Македонија повторно горда и твоја“, изјави Ковачки.
Македонија
ВМРО-ДПМНЕ: СДС коваат две сценарија – 1. Бојкот на избори, 2. Влада со ДУИ, и Али да одлучува кој кое министерство ќе го има
СДС знаат дека ќе изгубат катастрофално во вториот изборен круг, и наместо чесно да го прифатат поразот, тие мислат ќе го изманипулираат народот. СДС деновиве коваат две сценарија кои во суштина се завера против Македонија, велат во утринското соопштение од ВМРО-ДПМНЕ.
„Првото е сценарио на бојкот. Европјаните и демократите од СДС кои се утепаа од крадење, сакаат да бојкотираат зошто народот не ги сака и ќе доживеат тежок дебакл. Со ова сценарио сакаат свесно да предизвикаат уставна криза. Второто сценарио е пазарџиска делба со ДУИ на ресори и министерства, каде Ковачевски му оставил на Ахмети сам да одреди колку министерства ќе му даде на СДС и кои. Толку е голем очајот, што Ковачевски прифаќа се, па и сите министерства да ги води ДУИ, не сфаќајќи дека поразот е и поради тоа што партијата го изгуби идентитетот трчајќи по тоа да му се угоди на Ахмети“, велат од партијата.
„И двете сценарија кои се во план во СДС се губитнички за Македонија и удираат по нејзините темели. Решението е масовна излезност. Мобилизација и масовна излезност. Решението и за бојкотот и за пазарџиската поделба на ресори е масовно гласање на избори. Колку поголема излезност толку поголема ќе биде победата над СДС и ДУИ. И СДС и ДУИ мора да знаат две работи, првата е дека ДУИ заедно со СДС оди во опозиција. А втората е дека ќе одговораат за криминалот. Промените и победата е во рацете на народот. За да се запрат СДС и ДУИ и да нема уцени потребна е масовна излезност. За Македонија повторно да биде твоја“, се наведува во соопштението.