Забава
Родените на пролет се позитивни, а оние во лето се најнервозни
Луѓето родени во пролетните месеци се најпозитивни, додека оние родени во лето често го менуваат расположението и се многу нервозни. Оние, пак, родени во зимскиот период се најотпорни на емоционални шокови, а родените во есен се имуни на депресија.
Неодамнешно истражување на Универзитетот во Будимпешта, во кое биле вклучени 400 луѓе, а претставено на Европскиот колеџ за невропсихофармакологија (European College of Neuropsychopharmacology (ECNP) во Берлин, Германија, ја потврдува врската меѓу годишното време, раѓањето и карактерот, благодарение на биолошкиот часовник и количеството дневна светлина во времето на раѓање. Тие карактерни црти се повпечатливи во подоцнежните години од животот отколку во детството, пишува The Telegraph.
Родените во пролетните месеци имаат таканаречен хипер темперамент кои ги прави попозитивни отколку луѓето родени во другите годишни времиња. Пролетните бебиња често покажуваат оптимизам, лесно изразуваат ентузијазам и не им е потребно многу време да се „загреат“ за некоја идеја. Не се претерано подложни на депресија, а многу од нив имаат уметнички талент.
Луѓето родени во летните месеци често го менуваат расположението и тоа не мора да биде предизвикано со нешто конкретно. Тие се понервозни отколку луѓето родени во другите годишни времиња, а и лесно се вљубуваат. Често ја менуваат работата и се склони на конфликти.
И покрај дождот и „заспивање“ на природата, луѓето родени во есен се најмалку подложни на депресија. Иако немаат претерано позитивен туку пред сѐ рационален и приземјен карактер, есенските деца имаат најмал ризик од ментални нарушувања. Исто така, тие се се поприлично физички активни.
Луѓето родени во зима се емотивно најстабилни и најотпорни на емоционални стресови, тврдат унгарските истражувачи кои објаснуваат дека на тоа влијае и поголемата количина сончеви зраци што ја „впиле“ додека биле во мајчината утроба. Водени се од разумот, а не од чувствата, а ги краси тоа што остануваат цврсто на своите ставови и цели.крај/мф
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Забава
Кејт Мидлтон направи нова фотографија, има добра причина за тоа
Кенсингтонската палата објави нова слика од принцезата Шарлот за да го прослави нејзиниот деветти роденден.
„Среќен 9-ти роденден принцеза Шарлот! Ви благодариме за сите љубезни пораки денес“, пишува во описот покрај фотографијата објавена на социјалните мрежи.
Happy 9th Birthday, Princess Charlotte! 🎂
Thank you for all of the kind messages today.
📸 The Princess of Wales pic.twitter.com/2DSDiuO93c
— The Prince and Princess of Wales (@KensingtonRoyal) May 2, 2024
Како што е наведено, фотографијата ја направила принцезата од Велс.
Пред нешто повеќе од една недела на социјалните мрежи беше објавена нова фотографија и од нејзиниот помлад брат, принцот Луис.
Фотографијата, исто така направена од принцезата Кејт, беше споделена на 23 април за да го одбележи шестиот роденден на младиот член на кралското семејство.
Најстарото дете на Вилијам и Кејт, принцот Џорџ, ќе наполни 11 години на 22 јули.
Забава
Празнично ретро шоу на автомобили-олдтајмери на Градскиот плоштад во Крива Паланка
Градскиот плоштад во Крива Паланка, во сабота (4 мај), ќе биде возбудливо место на празнично Меѓународно ретро шоу на автомобили-олтајмери од Македонија и соседството, кои ќе бидат изложени за јавноста од 11,00 – 13,30 часот.
Љубителите на старите атрактивни автомобили ќе можат да уживаат во овој ретро авто-собир и ревијата на околу 30-тина автомобили, стари и по 40 години, од моделите на Мерцедес, Опел , Шевролет и други.
Ретро шоуто на олдтајмери го организира Општина Крива Паланка, во соработка со Клубот “Олдтајмер Витези” од Куманово, а учесници се повеќе олдтајмер клубови од нашата држава и од Србија.
Старата класа возила од минатиот век ќе тргне од собирното место во Куманово и ќе пристигне во 10,30 часот на паркингот кај ресторан „Облаче“ каде сите автомобили ќе бидат нумерирани и обележани со симболите на „Крива Паланка-Град на културата“. Возилата ќе продефилираат низ централното градско подрачје до Градскиот плоштад каде ќе бидат изложени и поставени нивните обележја.
Настанот ќе биде збогатен со настап на ДЏ Буѓо, а сите граѓани ќе можат одблиску да се запознаат со ретките примероци на олдтајмери, нивната приказна и историја, па дури и да си обезбедат специјално возење со овие стилски антиквитети на четири тркала.
Во 13,30 часот, олтајмерите ќе се упатат кон манастирот „Св. Јоаким Осоговски“ каде ќе бидат изложени на паркингот над црквата.
Ретро шоуто на олтајмери за првпат се организира во нашата општина , а е дел од манифестацијата „Крива Паланка- Град на културата 2024“.
Забава
Принцезата Шарлот денеска полни девет години, обожавателите со нетрпение очекуваат фотографија
Принцот и принцезата од Велс, имаат уште една причина за славење оваа недела – роденденот на принцезата Шарлот.
Принцезата Шарлот денеска наполни девет години и обожавателите со нетрпение ја очекуваа годишната роденденска фотографија што семејството ќе ја објави на нивниот посебен ден, објави Мирор.
Сепак, тие ја прекинаа традицијата минатата недела кога принцот Луис наполни шест години, а се чини дека планираат да го сторат истото и овој пат.