Македонија
СЈО бара изземање на судијката Петровска, бидејќи се спомнува во „бомбите“
Специјалното јавно обвинителство бара изземање на судијката Лидија Петровска, бидејќи нејзиното име се споменува во прислушуваните разговори коишто ги објави опозицијата, соопштуваат од Специјалното јавно обвинителство, откако судијката им ги врати доказите за обвинението коешто го работи таа, односно за случајот во којшто се обвинети шефот на Петтата управа, Горан Грујевски и уште шестмина вработени во Управата за безбедност и контраразузнaвање за уништување списи за работата на системите за следење на комуникациите.
„Ова Јавно обвинителство поднесе барање за изземање на судија, бидејќи постојат околности кои предизвикуваат сомневање во нејзината непристрасност во донесување на одлука, од причини што истата судијка се јавува во содржината на јавно објавените незаконски прислушувани разговори“, велат од СЈО.Иметот на Лидија Петровска беше спомената во разговор меѓу судијката Софија Лаличиќ и поранешниот директор на Управата за безбедност и контраразузнавање, Сашо Мијалков. Во разговорот Мијалков ѝ соопштува на Лаличиќ дека е избрана за судијка и ѝ кажува дека освен неа за судијка е избрана и Петровска. Лаличиќ е незадоволна од изборот и коментира дека Петровска била унапредна бидејќи ѝ купувала скапи подароци од брендот „Сваровски“ на сегашната претседателка на Врховниот суд, која претходно беше претседател на Кривичниот суд.Специјалното јавно обвинителство во петокот пповторно ги достави доказите од Обинението до Основниот суд Скопје 1, а како што информираа во четвртокот доказите нема да ги декласифицираат, како што бара судијката, бидејќи нема законски пречки судот да прими вакви информации и дека актот на декласификацијата би можело да има штетни последици.Во дописот е појаснето и дека во конкретниот случај не е барана декласификација на доказите, поради фактот што со декласификација предложените докази би добиле третман на информација до која се има слободен пристап, со оглед дека се работи за докази кои се поврзани со внатрешната организација и правилата на работење на Управата за безбедност и контраразузнавање и Министерството за внатрешни работи, со актот на декласификација би можеле да настанат штетни последици.СЈО минатиот четврток по една година ги поднесе првите две обвиненија, едното за вработените во УБК, а второто против поранешниот премиер, Никола Груевски и поранешниот министер за транспорт и врски, Миле Јанакиески кои се товарат за поттикнување на насилство во протестите во општина Центар пред неколку години. Освен нив, уште три други лица се обвинети за истото дело, а девет лица се товарат дека се извршители на насилство. Овој случај ќе го работи судијката Татјана Михајлова која ќе треба да му суди на поранешниот премиер и претседател на ВМРО-ДПМНЕ. Таа беше истражна судијка во случајот „Ликвидација“ и му одреди притвор на новинарот Томислав Кежаровски кој беше осуден во овој случај за откривање на идентитет на заштитенм сведок.Овие случаи се работат по скратена постапкаи за овие дела е предвидена парична казна или казна затвор од најмногу пет години./крај/мф/ффс
©Makfax.com.mk Доколку преземете содржина од оваа страница, во целост сте се согласиле со нејзините Услови за користење.
Македонија
(Видео) Ковачки: Ќе ги вратиме сите железнички линии во функција
Драган Ковачки, носител на изборна единица 3 на ВМРО-ДПМНЕ, денеска меѓудругото вети дека ќе бидат вратени во функција сите железнички линии.
„Ќе ги вратиме сите железнички линии во функција, ќе ја реконструираме пругата Велес-Кочани, ќе ја електрифицираме пругата Велес-Битола, ќе го реконструираме автопатот Катланово-Велес, ќе изградиме нова катна гаража во Велес, ќе ја реконструираме општата болница во Велес. Нови 26 милиони евра од проектот 250 милиони евра за општините“, изјави Ковачки.
Македонски железници месецов прослави 151 година од своето постоење. Јавното претпријатие е во лоша состојба, а укинати се голем број возови.
Од неодамна, од двата патнички воза за Гевгелија вози само еден. Од 2021-ва не сообраќаат возовите од Скопје за Кочани и за Кичево, а од почетокот на 2023 ниту возот за Табановце и Куманово.
Патниците го избегнуваат возот оти кога се качуваат не се знае кога и дали ќе стигнат. Честопати има дефекти и доцнење од по неколку часа, па граѓаните не сакаат да ризикуваат.
Ова јавно претпријатие е загубар кој со години се соочува со финансиски потешкотии и постојано добива прилив од буџетот за да може да подели плати и да плати сметки.
Македонија
„Вејце ниту се простува, ниту се заборава“ – Македонците паметат! Горат социјалните мрежи на годишнината од крвавиот масакр
Социјалните мрежи се преплавени со објави по повод 23-годишнината од масакрот кај Вејце, откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Ова се само дел од објавите на ФБ.
Македонија
23 години од масакрот кај Вејце кога беа ѕверски убиени, а потоа запалени 8 македонски херои: Стојанче Ангелов положи цвеќе и запали свеќи
Денеска се одбележуваат 23 години од масакрот кај Вејце — најкрвав и најбрутален масакр во поновата историја на Македонија.
Масакрот се случи на денешен ден, 28 април 2001 година, во 17:45 часот откако од заседа и ѕверски биле убиени, а потоа масакрирани и живи запалени осуммина специјалци и полицајци припадници на специјалните единици „Волци“ и на „Посебната единица на СВР Битола“. Покрај осуммина убиени, имало и шестмина повредени. При нападот, од колоната успеало да се извлече последното возило и да јави за невидениот масакр.
Иако нападнати од заседа, војниците и полицајците давале получасовен отпор, бранејќи го суверенитетот и територијалниот интегритет на Македонија!
Делегација на Достоинство утрово положи букет свежо цвеќе и запали осум свеќи во чест и помен на осумтемина загинати бранители убиени во крвавата заседа кај с.Вејце. Фотографии објави генералот Стојанче Ангелов.